سرگال:جاپان او برز کوریا اے نیمگا سؤداگرری ناوشی

رودرات آسیا اے دو مزن ایں ملک جاپان او برز کوریا اے نیمگا سؤداگری آ گتؤ اے وخت باز ناوشی ایں ۔قومی سلامتی اے ھوالہ داسؤ جاپان آ ہائیڈروجن گیس ،فلورینیٹیڈپولیمانڈاور او فوٹو ریزسٹس پھجی آ س‘ کیمیکل اے برز کوریا آ برآمد کھنغ چکا پابندی جھزا۔اے کیمیکل اعلی تیکینالوجی صنعت آ استعمال کھُزی آ رواں ۔جاپان آر گمان ایں کہ اے کیمیکل پؤجی مقصد آنی آپا استعمال کھزی آ رواں ۔اشی اے علاوہ جاپان آ برز کوریا آ ہماں لسٹ آژ دی درا کھُزا ہماں کہ آنہی اے باور اے لائیق سنگت آں ۔دوایں ملک آنی نیمگا اگر سؤداگری ناوشی ہمیں وڑا جاری رہسا تہ عالمی سؤداگری چکا آنہی منفی اثر مان کھاے ۔جاپان برز کوریا ا‘ مشہور کمبی آنر کیمیکل سپلائی کھنت ۔
اے مچھین کمپنی کیمیکل اے وتی ضرورت آنر جاپان آژ پھیلو کھناں اے کیمیکل چپس تیار کھنغ آ خاصیں کردار ادا کھنت او آنہی کمی آژ برز کوریا اے کمپنی آنر پریشانی دیما کھنغی بیس بی آں ۔نی ایں پابندی آنیروگا برز کوریا سامان دیم دے اغ آژ سرا جاپانی برآمد کار آنر سرکار آژ اجازت گرغی بی او ہمیں اجازت آ س‘ ماہ مان کھایاں۔جاپان اے نی ایں پابندی آژ برز کوریا اے کمپنی آر باز مشکل دیما آں او پیداوار برقرار ایر کھنغ آپا آں ڈمبار کھُزی ایں کیمیکل چکا دارومدار ایر کھناں ،اگر نی ایں ناوشی دیر نویسا تہ آنہی اسمارٹ فون ،کمپیوتر او الیکترانک اے دیگر سامان آنی چکا منفی اثر کھوی ۔ہمیں نیمگا جوابی کاروائی کھزؤ برز کوریا آ دی جاپان اے درجہ کھمین کھزؤ آنہی آ سؤداگر سنگت آنی لسٹ آ سجوں آنژ بُنا کھزا۔اشی علاوہ آنہی آ ہمیں مسلہ چکا عالمی سؤداگر تنظیم آگو دی بستگی کھُزا تاکہ آنہی آ بین الاقوامی واہریائی مِلی۔دوایں ملک آنی نیمگا سؤداگری ناوشی بی اغ اے سبب او جاپان اے اکسپورت کنترول آژ اہم سامان اے سپلائی چکا ردین اثر بیس بی ہمائی منفی اثر برز کوریا ا‘ صنعت آنی چکا بی۔
برز کوریا آ ہمیں سال شرح ترقی دو اعشاریہ چھیار او دواعشاریہ پنچ پیصد اے نیمگا بی اغ اے پیشگوئی
کھُزا درگتہ کہ آنہی آژ سرا دواعشاریہ شش او دواعشاریہ ہپت پیصد اے نیمگا اسا۔برز کوریا اے سرکار
آ مقامی صنعت آنی چکا یک اعشاریہ شش بلین امریکی دالر خرچ کھنغ اے منصوبہ ٹھائینتھا تاکہ جاپان اے جھزی ایں پابندی آنژ پیدا بی اغ والا حالت آنر دیما کھنغ بیس بی ۔برز کوریا اے کمپنی دوہمی سپلائیر
دی پھولغاں تاکہ سپلائی برقرار بیس بی ۔ہمیں بارو آ آں چین اے بستگی آ ایں ۔جاپان او برز کوریا اے نیمگا سؤداگری ناوشی نیخیں شگن نعیں ۔ہمیں خاطرہ دوایں ملک آنر وتی مسلہ تکھائی آ حل کھنغ لوٹھاں ۔جاپان او برز کوریا ہڑ دوایں ھِند اے خاصیں استریتجک سنگت آں ۔ہمیں ہڑ دوکین آنی ھِند ایکٹ پالیسی آ
خاصیں جاگاہ ایں ۔ہمیں خاطرہ ہمیں ناوشی آ دیر کھنغ آزاد سؤداگری او کشادہ بازار آپا باز ضروری ایں۔