سرگال:متحدہ عرب امارات اے وٹاژ مودی آ ایوارڈ دے اغ چکا پاکستان اے تیش

پاکستان اے حاکم آنی یک عادت اش انت کہ آں ھند او پاکستان اے مسلہ آ ہر شے آ مزہب اے عینک آژ نہ چھڑوئی آ اے کہ وضہار گنداں بلکہ اے دی لوٹھاں کہ مچھیں جہان خاصیں وڑا مسلمان ملک دی ہمیں عینک آگو گِنداں۔نہ چھڑوئی آ کشمیر بلکہ دیگر مچھیں مسلہ آنی بارو آ دی آنہاں نی ویچار ہمِش آں کہ مسلمان جہان وتی مچھیں قومی مفاد او بین الاقوامی سیالداری آ پھدا ایر کھزؤپاکستان اے واہریائی کھنت۔چوش کہ نی ایں روش آں یک اینگے وخت آ ہماں وخت کشمیر اے بارو آ ھِند آ چھی اے فیصلہ گِتا او پاکستان آ ہمیں اندری کاروائی آنر بین الاقوامی پلیٹ فارم چکا آڑتھؤ آنہی آ بین الاقوامی مسلہ کھنغ اے

کوشش کھزا تہ متحدہ عرب امارات آ ھند اے سروزیر نریندر مودی آ وتی اعلی سویلین ایوارڈ یعنی ؛آرڈر

آف زید؛داسا پدھر ایں تؤک انت کہ آنہی چکا پاکستانی حاکم آنر باز تیش آتکا۔پاکستان اے فرستریشن چھیختر گیش اسا ،آنہی اٹکل ہمیں ٹؤک آژ بی کہ پاکستان اے ایوان بالا یعنی سینیت ا‘ واگ داروخ صادق 

سنجرانی آ متحدہ عرب امارات اے وتی سرکاری دؤرہ دی ماتل کھُزا،ہمائی اے مطلو ہمیں بیسا کہ آنہی آ

سرکاری ڈؤل چکا دی متحدہ عرب امارات آگو وتی ناوشی پدھر کھُزا۔سفارتی او بین الاقوامی سیال داری 

آپا ہر ملک باز دھیان آگو گام زیری مگن پاکستانی حاکم آنی یک ہی کار ایں کہ آں ھچھ دی دپ چکا یک دم چھی اے اینگے کار کھنت کہ آنہی آر سفارتی ادب آنی پاس دی نوی ۔بلا گمان پاکستان آ اے وخت پریس چکا بالواسطہ سینسر شپ لاگو ایں او باز حوال کار یا تہ چپ آں یا سرکار اے گون بی آپا لاچار آں

مگن آنہی باوجود زانتکار او آزاد ویچات والا شہری او سیاسی زانتکار حاکم آنی بُنا بیسغیں ویچار چکا نہ

چھڑوئی آ پکر کھنگاں بلکہ خطر آنگو لیو کھزؤ وتی ٹؤک عوام اے دیما ایر کھنغ آژ دی پھدا نہ ہٹاں ۔

اخبار او ٹی وی چینل آنی زریعہ آگو آں عوام تکا وتی ٹؤک پُجھیناں ۔متحدہ عرب امارات اے وٹاژ سروزیر مودی آ ایوارڈ دے اغ چکا عمران خان سرکار آ ہماں دی چھی اے گوشتا آنہی چکا ویچار کھزؤ 

یک پاکستانی زانتکار وسعت اللہ خان آ یک مزن ایں دل آ مان آئیغ والا ایں ٹؤک گوشتا ۔وتی بلاگ آ وسعت اللہ خان آ گوشتا کہ ہماں کہ نریندر مودی آ متحدہ عرب امارات اے اعلی ایں سول ایوارڈ ملغ چکا بل زیرغاں آنہانر معلوم بی اغ لوٹھی کہ ہمیں آرڈر آف زید پاکستان اے صدر جنرل پرویز مشرف آ جنوری 

دوہزار ہپت آ داسی آ شزا ۔ایزا اے ٹؤک زکر اے لائیق انت کہ پاکستان آر ہمیختر دی ایوارڈ نی تونڑی ملسغاں آں مچھیں پؤجی آنر ملسغاں او پؤج اے سے اوں دھُر آنی سروک آنر داسی آ شزغاں لیکن کھسے 

سویلین آ کھدیں دی اعزاز نہ ملسا۔اے ٹؤک وا پاکستان اے سرکاری خاکہ چکا یک مزن ایں تبصرہ ایں کہ

پاکستان آ اصل آ طاغت پؤج اے دست آ ایں۔پاکستان اے سیاسی ویچار آنی چکا تبصرہ کھُزؤ وسعت اللہ خان گُشی کہ پاکستان اے مشکل اش انت کہ آں گوستی ایں ہپتاد او دو سال آنژ عالم اسلام اے یک وٹی ایں حُب آ دستگیر ایں ہمائی اے ہچھ وجود نعیں۔