سرگال: سرئ وزیر واجہ نریندر مودی بیانئ تھا ھندوستانئ نوکین ویژن۔

سرئ وزیر واجہ نریندر مودی بہ آزاتئ روچا، بہ وتی بیانا کہ پہ گیشتر شہ یک ارب سی لکھ ھم وطنان دیما کرتنت یک سَکین سیاسین و سماجین پیگامئ را رسینتگنت۔ اصلین ھبر ایش انت کہ ھندوستانئ سیاسین تاریخئ تھا اولی وار ات کہ، گجام سرئ وزیرئ بہ دیم بہ گیش بیگین آباتی و مُلکئ دیمرئی سرا ایشی منفین اثراتانی بھرا پہ وتی تشویشئ درا کرتنا آزاتئ روچا گیچئن کرتنت۔ شہ بین الاکوامین کونسلئ یک رپوٹئ دیما تہ ۲۰۲۷ سالا ھندوستان شہ چین آ ھم دیما روت و دنیائ تھا ھما مُلک بیت کہ آی آباتی شہ دنیائ دیگہ مُچین مُلکان گیشتر انت۔ و اگہ ای دیم بہ دیمرئین آباتی و مردمانی گیش بیگئ دیم گپتگ مہ بیت، چُنتی لکھ مردمانا شہ غربت و غریبی آ نجات دیگئ کوشستانی سرا آپ ریتگ بیت و پہ بی وس و غریب ئن عوام آ ھما فلاحی اسکیم کہ بناہ بوتگنت بہ آوانی سرا ھم منفین اثرات درا بنت۔ حکومت کوشست داریت کہ پہ ھر کنبہ نان پکتنئ ساپ و پاکین ایندھن، برک، مکانات، وارتنین آپ ، دروائی سھولیات و ٹوائلٹ فراھم کنت۔ و اگہ آباتی ھمی راز دیم بہ دیمرئیا بیت ھمی مُچین کوشست پہ سھولتئ داتنا پہ غریب ئن مردمان بی سوب ماننت و گون سَکیان دیم پہ دیم بنت۔

سرئ ایشی کہ دیم بہ گیش بیگین آباتئ اوشتارینگ بری وھدہ زروری انت مگہ ای ھبرا نہ باید شموشتگ بیت کہ ھر کسانین فامیلئ وشھالی و شرّین دروائی یک اھمین نسخہ انت۔ ھمی ھبر ات کہ بہ آی سرا سرئ وزیر واجہ نریندر مودی بہ وتی آزاتئ روچئ بیانئ تھا سَک بوتنت۔ بہ وتی بیانئ تھا کہ شہ صد منٹ آ تچک تر ات، سرئ وزیر واجہ نریندر مودی آپئ تحفظ سرا سَک بوتنت و گشتنت کہ بہ آیوکین روچان حکومت جل جیون مشن آ دیما بارت و پہ ایشی مرکزین و ریاستین حکومت مُچین یکجا کار کنگا بنت، و بہ آیوکین سالانی تھا، سہ نیم لکھ کروڑ روپی بری مشن سرا خرچ بیت۔ بہ ۲۰۱۸ سالئ تھا شہ نیتی آیوگ نیمگا یک رپوٹئ دیما بوت کہ بہ آی تھا لیکتگ بوتہ دھلی، بنگلور، چینئ و حیدرآباد وڑئ شھرانی تھا تہ ۲۰۲۰ سالا زمینین آپئ سطح صفر بیت۔ کہ شہ آی وجا پہ صد ملین مردمان آپئ رسینتن سَک بیت۔

شہ ھمی وجا حکومت، جل جیون مشن آ بناہ کنت و گون ایشی کوشست داریت کہ آپئ غلت مسئلہ حل بکنت۔ مگہ ای ھبر نہ باید شموشتگ بیت کہ بیدئ عوامئ کوت گرگا ھیچ کوشستئ سوبین بوتگ نہ کنت۔ بری بھرا سرئ وزیر واجہ نریندر مودی آپئ تحفظئ مہم آ یک عوامین مہم جور کنگئ لوٹگ بہ برزین کچانہ اھمیتئ وڑ انت۔

سرئ وزیر پہ ماحولیاتئ ساتتنا مُلک آ شہ پلاسٹک آ پاک کنگئ لوٹوک بوتنت۔ آوان شہ کشارگران ھم ھمی وڑا لوٹوک بوتنت کہ آ شہ کیمیاوین کھود آ کٹ مہ گرنت و ھاکئ صحت آ تحفظ داتگ کننت ای راز۔ شہ سرئ وزیر واجہ نریندر مودی ای لوٹگ آ ای ھبر درا بیت کہ آوان بہ چہ کچانہ بہ کرہ ارض بھرا بہ پکر و تشویش آ انت۔ مگہ اھمین ھبر ایش انت کہ آوان بہ کشارگرانی درآمد باروا ھم شہ ایشی گیشتر فکرمند انت۔ بری پکر و تشویشئ سیائگا آوان پردھان منتری کسان سمان ندھی اسکیم جور بوتہ کہ بہ آی سیائگا ۹۰ ھزار کروڑ روپی خرچ بیت کہ پہ کشارگران راستامین وڑئ مدد رسینتگ بنت۔ بری اسکیم سیائگا بہ ۱۴ کروڑ پنجاہ لکھ کشارگرانی بینکئ حسابانی تھا ھر سال ۶ ھزار روپی دیم داتگ بیت۔ مگہ سرئ وزیر واجہ نریندر مودی بہ وتی بیانئ تھا ھما ھالانی جارا کہ جتنت بہ آوانی تھا چیف آف اسٹاف تقرری جار ھم بہ برزین کچانہ اھمیتئ وڑ انت۔

پہ ھر سہ پوجانی یک کمانڈ سیائگا آرگئ ای فیصلہ مُچین رندا شہ کرگل جنگ آ چمبراہ اتنت۔ وھدہ کہ چُنتی پوجین زرورتانا چمئ چیرا گرنت ای ذمواری بہ برزین کچانہ اھم انت۔ شہ ایشی ھر سہ ئن پوج بہ یک سروکئ سیائگا کار کننت و پہ وتی مشن و کارانی تسر کنگا شہ یک مردمئ پیروی کننت۔ شہ ایشی بہ ھر سہ ئن پوجانی نیاما تعاون گیشتر بیت و آوان گون سوب دپائین تیاریانا منظم کرتگ کننت۔
ای ھبرا باید انت کہ یات آ داشتگ بنت، کہ بہ ۲۰۱۴ تہ ۲۰۱۹ بہ وتی اولی دورہ تھا سرئ وزیر واجہ نریندر مودی حکومت بہ استمانئ زرورتانی سرا وتی توجہ آ مرکوز ساتتنت نون بہ اوانی دومی دورہ امیت انت کہ وتی توجہ آ بہ استمانئ لوٹگانی سرا مرکوز کنت۔ سرئ وزیر واجہ نریندر مودی گشتنت کہ ھما کارئ کہ بہ ۷۰ سالئ تھا تسر نہ بوت آوانی حکومت ھما کارا بہ ۷۰ روچئ تھا الاس کنت۔ آوان گشتنت کہ بہ جمو و کشمیرئ تھا ۳۷۰ ایکٹ آ شہ نیاما زورتہ آوانی سردار پٹیل وابا پورہ کرتنت۔ سہ طلاق رسم آ ھم شہ نیاما زورتنت کہ شہ آی مسلمانین بانوک شہ ای لعنت آ رکینتگ بوتنت۔ سرئ وزیر واجہ نریندر مودی ھمی وڑا شہ یک کوم یک گیچئن کارئ آ ھم وکالت کرتنت و گشتنت کہ بہ ایشی سرا گپ و تران کنگئ زرورت انت۔