سرگال:کلبھوشن یادو اۓ قونصلر تکا رسائی اۓ مسلہ چکا دیری

کم او پیش سۓ ہپتغ سرا دی ہیگ آ واقع بین الاقوامی عدالت براۓ انصاف آ کلبھوشن یادو کیس آ ھِند اۓ حق آ وتی پیصلہ اُش کھنائینتھغۓ سا۔۱۷ جولائی آ عدالت آ آپسی ایں ہم صلاحی آگو اے گوشتغۓ سا کہ ۲۰۱۷ آ ھِند بحریہ اۓپیسر اۓ اپسر کلبھوشن یادو اۓ دستگیری آ یک دم پھدا پاکستان آ ھِند آر ہمیں دستگیری اۓ اطلاع نہ داسا او نہ ہی ھِند اۓ ہائی کمیشن آر اے حق داسئی کہ آں ڈوہی آگو مِلسؤ آنہی آپا قانونی نمائیندگی دۓ اغ انتظام کھُز کھنت۔ہماں وڑا پاکستان آ کلبھوشن یادو آ آنہی قانونی حق آژ محروم ایر کھُزا۔عدالت آ پدھر ایں ڈؤل چکا گوشتا کہ پاکستان آ اینگے کھُزؤ ویانا کنوینشن اۓ حلاپ بیسا ۔مگن ہمیں فیصلہ اۓ ہمیختر روش گوزغ آ پھدا دی پاکستان اۓ وٹاژ یادو اۓ کونسلر تکا رسائی آر آسان کھنغ آپا ھِچھ گام نہ زُڑتھی آ شُزا۔البتچند روش سرا پاکستان اۓ ڈن اۓ وزارت آ اے پیشکش کھُزغۓ سا کہ اسلام آباد آ نیم روش اۓ وخت یادو ھِند اۓ کمشنر آگو بیٹھک کھُز کھنت مگن اِشی پھجی آ ہی اے شرط دی ایر کھُزئی کہ ہماں دی چھی اے بی آں سی سی ٹی وی کیمرہ اۓ نگرانی آ بی او ہمیں بیٹھک اۓ نیمگا ہمیں کیمرہ آ یک پاکستان اۓ اپسر دی سانڑی بی پدھر ایں ہمیں شرط ھِچھ دی حالت آ ھِند آپا قابل قبول نیا پھرچھے کہ بین الاقوامی عدالت اۓ فیصلہ اۓ برعکس اسا۔ہمیں خاطرہ ھِند آ ہمیں پیشکش آ نہ منسا او پاکستان آژ لوٹھسئی کہ آں وتی شرط چکا پدوارغ ویچار کھنت۔اصل آ ھِند اۓ پکر اۓ سۓ خاصیں ٹک آں سری ایں ٹؤک تہ ہمِش انت کہ پاکستان اۓ وٹاژ یادھو اۓ کونسلر تکا مُچھیں او ھِچھ شرط آنژ بغیر کھنغ آپا پاکستان دیری کھنغیں۔ہماں کہ اقوام متحدہ اۓ اعلی ایں ادارہ عدالت اۓ فیصلہ اۓ حلاپ ورزی ایں۔آنہی آژ اے دی پدھر بی کہ پاکستان اۓ سلوخ ہمیں مسلہ آ باز غیر سنجیدہ ایں۔ہمیں سلوخ اۓ سبب آژ اے ٹؤک پدھر بی کہ پاکستان بین الاقوامی عدالت اۓ مجموعی فیصلہ اۓ روگا مقدمہ اۓ مُچھیں کاروائی چکا پدوارغ ویچار کھنغ او کاروائی آ اگا ودھینغ آژ پھاریز کھنغیں۔وتی ڈؤل چکا آنہی آ پؤجی عدالت آ ہماں کہ مقدمہ جزینتھغۓ سا او دھشت گردی او جاسوسی اۓ ڈوہ آ جادھو آ ہماں کہ پھاہو اۓ سزا اُش کھنائینتھغۓ سا آنہی آر آں ھِچھ نہ ھِچھ بہانہ آگو برقرار ایر کھنغ آ لوٹھغیں۔جادھو اۓ قونصلر تکا رسائی اۓ دگ مُچھیں وڑا بند کھزؤ او ھِند او ھِند ہائی کمیشن آ ناپوہ ایر کھُزؤ مقدمہ اۓ دروغ بی اغ آ آنہی آ وا ہی طشت ازبام کھُزؤ اشتا او بین الاقوامی عدالت آ آنی نوٹس گِتؤ آنہی آ پدھرو کھُزا۔