سرگال:طالبان ائے ،امریکہ اےٗ پؤجی آنی چکا ھِلگر جاری ایر کھنگ اےٗ پاترپت

امریکہ اوطالبان ائےٗ نیمگا بی اگ والا امن گپتران آخیری این وخت آ ہمان کہ اچانکی بریک مان آتکا آنہی امیت سرا آژ کھُزی آ رؤگے سا ۔اصل آ ہماں ڈراما ائے وڑا گپتران بنا کھنگ ائ فیصلہ بیسگئے سا ہماں وڑا رد کھنگ ائے فیصلہ دی دیما آتکا ۔بُنگیج آ ہمان وکت امن گپتران ائے ٹؤک بیسگئے سا تہ امریکہ ائے ویچار ائے اسا طالبان آ افگان سرکار آگو ٹؤک کھنگ لوٹھی درگتہ کہ طالبان ہمین ٹؤک آژ ہم صلاح نویسغٓاں۔بُنگیج آژ آخیر تکا آنہاں نی ہمیں ویچار اسا کہ آں امریکہ ائے کٹھ پتلی سرکار ایں درگتہ کہ براہ راست امریکہ آگو گپتران کھنغ آپا آنہانر ھچھ اعتراض نعیں ۔گڈا اچانکی آگو اے اُش کھنغ آ آتکا امریکہ طالبان آگو گپتران کھنغ آپا تیار بیسا او ہمیں مقصد آپا آنہی آ زلمئے خلیل زاد آ وتی سپیر مقرر کھُزا۔
بہر حال دوحہ آ امن گپتران ائے سلسلہ بِنا بیسا ۔گوستی ایں سال ائے آخیر آژ ہمیں گپتران ائے سلسلہ بِنا بیسا مگن ہمیں گپتران ائے بارو آ یک عجیو ایں ٹؤک اے اسا کہ طالبان گپتران آ تہ بہر گرغئے ساں مگن
مگن وتی عمل آنژ اے ثابت کھنگئے ساں کہ آں تشدد ائے دگ ترک کھنگ آپا تیار نیاں ۔گویا گپتران ائے
پھجی پھجی آ آنہان نی ھِلگر دی جُزغئے ساں۔ہمیں ھِلگر آ سیکیورتی فورس ،حکومت ائے دپتر او ھَند او
عامین مڑدم نشانہ بی گئے ساں۔امریکہ ائے وتاژ طالبان آ ھِلگر آنژ باز بی اگ آپا گوشتی آ شُزا مگن آنہان
ھِچھ پرواہ نہ کھُزا۔گپتران وتی آخیری این مرحلہ تکا پُجھسا او اے دی حبر آتکا کہ منغ نامہ اے بارو اصولی ڈؤل چکا ہم صلاحی دی بیسا ۔چھڑوئ آ رسمی ایں جار ائے انتظار ایں۔اشی آژ سرا صدر ٹرمپ
او طالبان او طالبان لیڈر او افگان صدر اشرف غنی آگو کیمپ ڈیوڈ آ خفیہ این بھیرا بیتھک بی اغ والا اسا
مگن اِشی آژ چند روش سرا ہی طالبان آ کابل آ نہ چھڑوئی آ یک دیگر ھِلگر کھُزا بلکہ آنہی زمہ واری دی
گِتیش۔ہمیں ھِلگر آ یک امریکہ ائے پؤجی گون دوازد دیگر مردم مُڑتھغاں او چُنتی ٹھپی دی بیسغان۔صدر
ترمپ آ ہمیں ھِلگر ائے سبب آژ طالبان او اشرف غنی آگو بیٹھک ائے پروگرام ماتِل کھزؤ اِشتا او امن گپتران ائے ہمیختر دی مرحلہ طئے بیسگئے ساں ہماں مُچھیں آںر رد کھنگ ائے دی جار جھزئی ۔طالبان
ائے ہمیں مُچھیں عمل آنژ چھڑوئی آ صدر ٹرمپ ہی نا وش نعین بلکہ امریکہ ائے باز مزن ایں اپسر او
سفارتکار دی ہمیں مھسوس کھنگاں کہ اگر طالبان ائے ہمیں سلوخ بر قرار رہسا تہ آنہی آژ امن عمل آنی
اُمیت کھنگ نویس بی ۔تنِک اے گُشغ تہ نویس بی کہ آنہی آ پھدا چھے بی ۔یا اے کہ امن ائے قیام ائے بارو
آ ھِچھ دیم روی کھدین تکا تسر بی مگن ہمیں مرھلہ آ طالبان آ اے سخت پھیغام دئے اغ ضروری اسا کہ امن ائے بارو آ ھِچھ عمل آ شریک بی اگ آژ سرا آنہاںر امن ائے مطلو پوہ بی اگ لوٹھی۔اینگے حبر دی استیں کہ پاکستان گپتران ماتل بی اگ ائے سبب آژ سَک پریشان ایں او آنہی موسمی ایں سنگت چین آ امریکہ آژ اپیل کھُزا کہ آن او طالبان گپتران جاری ایر کھناں۔