سرگال:کلبھوشن جادھو ائے مسلہ:پاکستان ائے سلوخ آئی سی جے ائے توہین ائے وڑا

ھِند آگو پاکستان ائے دُژمنی ھِچھ نوخیں ٹؤک نعیں ۔ھِند آر بدنام کھنغ آپا آں وڑ وڑ ائے سازش کھناناں آتکا۔آنہی آ ھِند ائے حلاپ مزن ایں عرصہ آژ یک لکسی ایں مڑائی بںا کھُزؤ ایر کھُزی ایں۔ہمائی آ وتی مقصد آنر پھیلو کھنغ آپا دھشت گرد او خفیہ ایجنسی آنی استعمال کھنت۔ھِند بحریہ ائے پیسر ائے اپسر کل بھوشن جادھو آ غیر قانونی ایں ڈؤلآژ دستگیر کھُزؤ ایر کھنغ آنہی نی ایں مثال ایں ۔آنہی کَل مُچھیں جہان آر ایں کہ کلبھوشن جادھو ھِند بحریہ ائے پیسر ائے اپسر ایں ہماں کہ سؤداگری آپا ایران آ اسا ہموزا پاکستان ائے ایجنسی آں آنہی آر یرغمال کھُزؤ پاکستان منتقل کھُزا۔پاکستان ائے دعوی ایں کہ کلبھوشن جادھو آ پاکستان ائے صوبہ بلوچستان آژ دستگیر کھُزی آ شُزا او اے کہ آں دھشت گرس عمل آنی اندرا اوار اسا۔پاکستان آ کلبھوشن جادھو ائے

تعلق آژ ہماں وڑا دروغ گوشتغاں آں جہانی براسی آ ناوش آں ۔پاکستان آ کلبھوشن جادھو آ دستگیر کھُزؤ بین الاقوامی قانون ائے

حلاپ بیسا ۔آنہی آ سال ۲۰۱۶ آ کلبھوشن جادھو آ دستگیر کھنغ آ پھدا آژ آنہی آر کونسل تکا پُجھغ نعیلسی آ شُزغئے سا۔ھِند ائے

بین الاقوامی عدالت انصاف یعنی آئی سی جے آژ پھول کھنغ او مقدمہ ائے سماعت آ پھدا عدالت ائے گُشغ چکا پاکستان قونصلر

رسائی آپا راضی بیسغئے سا ۔گوستی ایں دو ستمبر آ آئی سی جے ائے ہدایت چکا پاکستان آ ھِند آر قونصلر رسائی داسا او اسلام

آباد آ ھِند ائے کار گزار ہائی کمشنر گورو اہلووالیہ آ کلبھوشن جادھو آگو بیٹھک کھُزا۔کلبھوشن جادھو آ دستگیر کھنغ آژ گِتؤ نی تک ائے پاکستان ائے سلوخ باز ردین رہسا ۔آنہی آ ھِند بحریہ ائے ہمیں اپسر ائے مقدمہ پؤجی عدالت آ جُزینتھا ہمائی آ آنہی آر پھاہو ائے سزا اُش کھنائینتھا ۔مگن ھِند ائے وخت چکا مداخلت او آئی سی جے آگو رجوع کھنغ ائے سبب آژ پاکستان ائے پؤجی

عدالت ائے فیصلہ چکا عمل نویسا۔کلبھوشن جادھو ائے وتی ماس آگو بیٹھک ائے نیاما پاکستان ائے اپسر آں آنہی سَک بے عزتی کھُزغئے سا ۔بیٹھک آ پھدا ھِند آ یک بیان داسغئے سا ہمائی آ گوشتی آ شُزغئے سا کہ کلبھوشن جادھو بیٹھک ائے نیمگا

باز دماغی ایں زور ائے بُنا اسا او آنہی آ ہماں ٹؤک گوشتا ہماں کہ پاکستانی حاکم آں آنہی آر گُشغ ائے ہدایت کھُزغئے سا۔مطلو

اے کہ بیٹھک شَر ایں ماحول آ نہ بالکہ جھیڑوئی ماحول آ بیسغئے سا۔نی پاکستان آ یک نوخیں موقف اپنائینتھا آں اش انت کہ

اگا ھِند آر قونصلر رسائی نہ دا ۔اصل آ جموں و کشمیر آ دفعہ سئے سد او ہپتاد او سی او پنچ ائے آسر کھنغ آ پھدا آژ پاکستان

سَک کشپکش ائے شکار بیسا او ہموزا ائے ادارہ آنی نیمگا اُتھل پُتھل ایں۔پاکستان ہمیں مسلہ آ بین الاقوامی سطح چکا کھڑو کھنغ

آ باڑہ اسا او آنہی آ یک عالمی دیم دئے اغ لوٹھغئے سا مگہ آنہی آ ہر محاذ چکا ناسوبی دست آ آتکا۔