سرگال:جماعت الدعوہ چکا لکھیں روپیئہ خرچ کھنغ ائے پاکستان ائے داخلی ایں وزیر ائے دعوی

کشمیر ائے بارو آ ھِند ائے چھی اے فیصلہ آنی بُنشت چکا پاکستان آ ھِند ائے حلاف وتی ویچار آنگو یک سپارتی مِڑائی بِنا کھُزؤ ایر کھُزا،ہمایئ مقصد اے اسا کہ عالمی براسداری آ ھِند ائے حلاپ یک اینگے ماحول قائیم کھُزی آ برؤ کہ جہان ائے نیاہ پاکستان ائے دست رکھیائی آگو جُزغ والا ایں دھشت گردی آژ ہٹی برؤْ۔مگہ پاکستانی حاکم آنر ہر وٹاژ مایوسی دیما کھنغی بیسا او آنہی آ اے اٹکل بیسا کہ آنہی ائے مُچھیں کوشست آنی باوجوت حالت بدل نویسغاں او جہان نی دی پاکستان آر دھشت گرد آنی واہریا منی تہ آنہی آ دھشت گرد دھشت گردی ائے حوالہ آژ کے ای وڑ ائے صفائی پیش کھنغ سلسلہ بِنا کھُزا۔جولائی ائے ماہ آ پاکستان ائے سر وزیر امریکہ ائے دؤرہ چکا شُزا۔آنہی خاصیں مقصد امریکہ آگو ردین بیسغیں

سیال داری آ وشتر کھنغ اسا۔اتفاق آگو طالبان او امریکہ ائے نیمگا امن گپتران ائے چرچہ دی اسا او آنہی

آ امریکہ آر ھِچھ حد تکا پاکستان ائے تعاون دی درکار اسا۔ہمیں خاطرہ عمران خان آ دہشت گردی ائے بارو آ پاکستان ائے شَر ایں عکس پھیدھارغ ائے کوشست کھُزا۔ہموزا یک موقع چکا آنہی آ اے منسا کہ

پاکستان اندرا نی دی ۳۰ آژ چھِل ہزار مسلح مڑوک استاں مگہ آنہانر آنہی سرکار غیر مسلح کھنغ ائے کوشست کھنغیں۔آنہی آ پیسر ائے سرکار آ ہمیں ٹؤک ائے زمہ وار منسا کہ آنہاں دھشت گرد آنر غیر مسلح

کھنغ ائے کوشست ہی نہ کھُزا مگہ آنہی سرکار ضروری ایں گام زیری۔آنہی آژ گیش حیرانی ائے ٹؤک چھے بیس بی کہ عمران خان وترا دھشت گردی ائے حلاپ سروک ثابت کھنغ ائے کوشست کھنغئے سا۔

درگتہ کہ اصلیت اِش انت کہ اپوزیشن لیڈر ائے وڑا آں دہشت گرد ٹلہ آنی منظور نیاہ اسا او آنہی آر طالبان

خان ائے نام آژ دی پھجھارتھی آ رؤغئے۔دوہمی ٹؤک اے دی ویچار کھنغ ائے لائیق انت کہ عمران خان

پاکستان اندرا بی اغ والا دھشت گردی ائے ھِلگر آنی پھدا کھدیں دی ہمیں ھِلگر آنی بدگوشی نہ کھنت بلکہ

آنہی سبب اے ڈسغئے سا کہ پاکستان دھشت گردی ائے حلاپ مڑائی آ امریکہ ائے گون ایں۔بہر حال نی یک نوخیں بیان پاکستان ائے داخلہ وزیر اعجاز احمد شاہ ائے آتکا ہمائی آ آنہی آ گوشتا کہ عمران خان سرکار آ حافظ سعید کے پابندی جھزی ایں دھشت گرد تنظیم جماعت الدعوہ چکا لکھیں روپیئہ زر ہمیں

خاطرہ خرچ کھُزا تاکہ آں مین استریم آ اوار بی برؤ۔آنہی آ یک ٹی وی انترویو آ ہمیں ٹؤک دی گُشتا کہ

جماعت الدعوہ ائے باسک آنر اے ٹؤک آپا راضی کھنغ ائے کوشست کھُزی آ رؤغیں کہ آں مین استریم

آ اوار بی آں۔اے تہ پاکستان اے سرکار ہی زانی کہ حافظ سعید او مسعود اظہر ڈؤل ائے بین الاقوامی

دھشت گرد آنر آں تھانگا تشدد پسندی ائے راہ آژ ہٹائینتھؤ مین استریم سیاست ائے بہر کھنت مگہ عمران

خان سرکار ائے سروکی سنبھالغ آژ سرا ہی لشکر طیبہ ڈؤل ائے خطرناکین تنظیم آنر رسمی ایں وڑا سیاسی پارٹی ائے دیم آ آرغ ائے کوشست بی غئے سا۔ملی مسلم لیگ ائے نام آژ اے پارٹی قائیم بیسغئے سا او چوش کہ گچین کاری کمیشن آژ آنہی آ رجستریشن نہ مِلسغئے سا مگہ دیگر پارٹی آنی بینر ائے بُنا

ملی مسلم لیگ او باز دیگر دھشت گرد ٹلہ آنی اُمیت وار آں گچین کاری آ بہر گِتغئے سا۔یک نوخیں پیدا

بیسغیں دھشت گرد تنظیم تحریک لبیک آ تہ گچین کاری آ شَر ایں وڑا سوب مندی دی مِلسغئے سا۔ایف اے

ٹی ایف ائے ایشیا پیسیفک ٹلہ آ دھشت گرد تنظیم آنی مالیاتی واہریائی کھنغ آپا پاکستان ائے نوخیں ریکارڈ

ائے جائیزہ گِتغئے سا او آنہی آ ہَکل داسغئے سا کہ پاکستان آر بلیک لست آ اوار کھنغ ائے وارننگ داسی

آ شُزغئے سا مگہ آنہی آ نی تکا ھِچھ گام نہ زُڑتھا او مقرر کھُزی ایں وخت چکا وتی عمل پھیلو نہ کھُزئی

او نی عمران خان سرکار ائے پریشان بو اغ ائے سبب اِش انت کہ اکتوبر آ ایف اے ٹی ایف پاکستان ائے حلاپ ھِچھ سخت ایں فٰصلہ گِت کھنت۔ہمیں خاطرہ سرکار ائے وٹاژ اے پھیغام دئے اغ ائے کوشست کھُزی آ رؤغیں آں حالت آنر بدل کھنغ آ لوٹھغیں۔