سرگال: ھندوستان بہ وتی گیسویین معاملہ انی باروا بہ بین الاکوامین کونسلئ تھا گپ ھبر نہ کنت۔

ھندوستان ای ھبرا اسپیت کرتگیت کہ بہ دفعہ ۳۷۰ باروا ھیچ وڑئ گپ و ھبرئ بہ بین الاکوامین کونسلئ تھا نہ کنت پہ چہ کہ ایش آی گیسویین معاملہ انت۔ دیم شہ ایشی کہ سرئ وزیر واجہ نریندر مودی دیم بہ آمریکہ رادگ بنت، ڈنئ کارانی وزارتئ سکرٹر واجہ وجئ کیشو گوکھلئ بہ گپ و ھبران گون میڈیا گشتگیت کہ بین الاکوامین کونسلئ جنرل اسمبلی پہ ایشی انت کہ بہ کثیر الجھتی مسائلانی سرا گپ و تران بیت و مئ ایجنڈا ایش نہ انت کہ بہ دفعہ ۳۷۰ باروا بری دیوانان گپ و تران کننت پہ چہ کہ ایش مئ گیسویین معاملہ انت۔ ھندوستانئ ڈنئ کارانی سکرٹر بہ درائین لفظانی تھا گشتگنت کہ سرئ وزیر واجہ نریندر مودی بہ بین الاکوامین کونسلئ جرنل اسمبلئ دیوانا و بہ وتی دورہ شہ آمریکہ گیچ وڑئ توجہ بہ دفعہ ۳۷۰ مسئلہ نہ دینت و بہ وتی تقریر تھا دیم بہ بدل بیگین دنیائ اھم و خاسین وڑئ کثیر جھتی عالمی نظام معاملاتانئ سرا ھندوستانئ لوٹگ و کوت گرگانا دیما کنت۔ 

بہ ایشانی تھا دھشت گردیئ معاملہ ھم ھور انت۔ ای ھبر نون یات کنگئ وڑ ان کہ رندا شہ ایشی کہ بہ گئوستگین ماہ تھا ھندوستان گون دفعہ ۳۷۰ شہ نیام زورتنا جمو و کشمیرئ خصوصین حیثیتا شہ آی گپت پاکستان بہ چُنتی بین الاکوامین پلییٹ فارمانی سرا ای مسئلہ بال آورتنئ کوشستا کرتگیت و نون ھم گشتگیت کہ ای مسئلہ بہ بین الاکوامین کونسلئ جنرل اسمبلئ دیوانانئ تھا بال کاریت۔ حالانکہ بین الاکوامین براسداری بری ھبرئ سرا تپاک کرتگیت کہ دفعہ ۳۷۰ شہ نیام زورگ پورہ ئن وڑئ ھندوستانئ گیسویین معاملہ انت و بہ ایشی تھا ھیچ گجام مُلکئ دیگہ دست مان داتگ نہ کنت۔ 

ھمی راز بین الاکوامین کونسل یک عالمین دپترئ انت کہ بہ آی دیوانانی تھا باید انت کہ بہ عالمین مسئلہ و سَکیانی باروا گپ و تران بیت۔ و ھندوستان ھور گون وتی عالمین اثر و رسوخ آ وتی عالمئن ذمواریانا ھم شرین وڑئ دروست کنت و بہ بین الاکوامین پلیٹ فارم سرا انچین مسئلہ آنا ال کاریت کہ آی اثر بہ پورہ ئن عالمئ سرا بیت۔ 

بری سَکیانی تھا دھشت گردیئ مسئلہ شہ مُچان اھم انت کہ شہ ای لعنت آ پورہ ئن عالم پریشان انت۔ ای ھبر ناوشنودی وڑ انت کہ ھندوستانئ یک ھم پلّین مُلکئ را پورہ ئن عالم چو دھشت گردیئ کودوگئ دروست کنت و شہ ای مُلکا ھر وھدہ لوٹوک بوتہ کہ بہ دھشت گردیئ حلاپا سَکین کاروائی کنت مگہ ای مُلک دھشت گردیئ آ وتی حکومتئ یک پالسئ جور کرتگیت۔ 

بہ مونین صورتحال تھا پاکستان نہ تھانکا شہ وتی ذمواریانی پورہ کنگا انکار کنت بلکہ ای گیرذموارانہ ئن حرکت ھم بری روچان گیش بوتہ رونت۔ ای مُلک نہ بہ وتی وقار غما انت و نہ بہ وتی ایمج غما۔ پاکستانئ سرئ وزیر عمران خان ھور گون پاکستانئ دیگہ سربراھان رازئ کہ بہ گڈین ھپتگانی تھا گون ای شدت کشمیرئ معاملہ بہ ھر پلیٹ فارمئ بال آورتنئ کوشستا کننت شہ ایشی درا بیت کہ بہ کشمیرئ بھرا ھیچ سَکین نظریہ و مواقفئ نہ داریت۔ ھور گون ایشی آ کوشست داریت کہ گون ای وڑئ بیان بازیان عالمئ توجہ آ شہ پاکستانئ اکتسادین بدحالی آ یک نیمگ کنت۔ 

پاکستانئ گیسویین کارانی وزیر اعجاز احمد شاہ چُنت روچ دیما ای ھبرا تسلیم بوتنت کہ بہ پاکستانئ کئسہ آ بہ کشمیرئ باروا نون عالمین وڑئ ھچ مردمئ باور نہ کنت۔ پاکستان گون دروگین الزامانئ جتنا بہ ھندعستانئ سرا کوشست داریت کہ عالمین توجہ آ شہ وتی سرا دور کنت۔ پاکستان ای ھبرا باید انت کہ شرّین وڑئ سرپھد بیت کہ مروچی ھندوستان بہ عالمئ تھا پنچمی مزنتری معیشیتئ پیمائ گرگئ راھئ تھا گون تیزین رفتارئ گام زوریت۔ ھندوستان نونین روچا بہ ھما مزنئن واکانی لسٹ تھا شامل انت کہ آی را نظرانداز کرتگ نہ کننت۔ وھدہ کہ پاکستان پہ وتی وامانی الاس کنگا بہ عالمین اکتسادین دپترانیمددا زرورتمند انت۔ سرئ وزیر عمران خان گشتگنت کہ آوان بہ بین الاکوامین کونسلئ جنرل اسمبلئ تھا پورہ ئن عالمئ نیمہ حاصل کننت۔ مگہ ای تھانکا یک وابئ انت۔ نونین روچا عالمئ تھا واکئ محور بدل بوتگیت۔ پاکستان نون باید ای ھبرا سرپھد بیت کہ بہ ھندوستانئ حلاپا دروگین پروپگنڈا کنگا باید انت کہ اوشتارینیت پہ چہ کہ آی ھبرا نون ھیچ کَسئ گوش دارگا نہ بیت۔