سرگال:آف او گواس آ بدلاؤ ائے مسلہ آ دیما کھنغ آپا ھِند ائے اپیل چکا ویچار

گُشاں کہ جہان یک گلوبل ولیج یعنی عالمی دمغ بی غیں۔اے ٹؤک راست دی استیں پھرچھے کہ نوخیں سائینس ایجاد او مواصلاتی تینالوجی آ ہمیختر آسانی پیدا کھُزا کہ مزن ایں دیری نی گیش دیر نیاہ نیاٗے۔قوم نوخیں وسیلہ آنی اوٹ گِتؤ یک دوہمی ائے باز نزیخ آتکغان۔اے ہماں اصلیت ایں ہماں کہ مارا صاف نیاہ پھیزاغیں،مگہ ہمینگا کہ ہر شَر ایں دیم روی ائے دو ٹِک بی آں،ہماں وڑا ایزا دی نوخیں تیکنالوجی او وسیلہ آنی استعمال نیخیں مقصد او مُچھیں مڑدم آنی جوانائی آپا دی بیس بی او آنہی تباہی ائے سبب دی بیس بی۔نی ایں دہائی آنی اندرا مڑدم آں وتی تعمیر او ترقی آپا ھزائی وسیلہ آنی بے دریخ استعمال کھُزا او نوخیں مشین
آنی زریعہ آگو صنعتی ترقی ائے پرچم بلند کھُزا،مگن آنہی ردین اثر آنی احساس آنہی آ باز دیر بیسا۔گوستی ایں صدی ائے نیم آ
آف او گواس آ بدلاؤ ائے احساس پیدا بیسا کہ اگر ہمیں بدلاؤ آ دیما کھنغ آپا ھِچھ کوشست نہ کھُزی آ شُزا تہ مچھیں جہان خطر آ
کھائے برؤ۔ہمیں مسلہ ہمیختر مزن ایں کہ مُچھیں جہان ائے اولی ایں ترجیح لوٹھی۔بلا گُمان ہمیں بارو آ چھی اے کار دی بی غیں
او جہانی براسی ہمیں وٹا دھیان دی دئے غیں،مگہ اے دی محسوس کھُزی آ رؤغیں کہ ہمیختر کہ دھیان دئے اغ لوٹھی ہماں ناسی آ رؤغیں ۔بلا گمان ترقی کھُزغیں او ترقی پزیر مُچھیں ملک آنر مِلسؤ کار کھنغ لوٹھی،مگہ اے دُکھ ائے ٹؤک انت کہ ترقی
کھُزغیں ملک وتی زمہ واری آنژ بھثغ ائے کوشست کھناں،آنہاں نی نزیخ چھڑوئی آ ترقی او استحکام ہی ہر شئے انت۔جہان ائے
آؤخین روش آنی آنہانر پکر نعیں ۔ھند ہماں ملک آنی اندرا اوار ایں ہماں کہ ہمیں مسلہ آ اولی ایں ترجیح دا ،اے وخت اقوام متحدہ
ائے جنرل اسمبلی ائے اجلاس جزغیں ۔مچھیں جہان ائے سروک نیویارک آ جوڑ بیسغاں ۔صاف ایں کہ مچھیں جہان آ درپیش ہمیں مسلہ آنی زکر ایزابی اغ لوٹھی او آنہی حل درا کھنغ ائے طریقہ ّآنی چکا بحث بی اغ لوٹھی او اے بی غیں دی ۔ھند ائے سر
وزیر ہمیں بارو آ نیویارک آ ایں ۔آنہی آ اقوام متحدہ ائے آف او گواس آ بدلاؤ ائے بارو آ سروک آنی کانفرنس آ گشتانگ کھزؤ مزن زور آگو اقوام عالم آژ اپیل کھُزا کہ آں ہمیں مسلہ چکا مچھیں دھیان آ دیاں۔سروزیر مودی ائے گشتانگ آ پھدا اے ٹؤک صاف محسوس کھزی آ شُزا کہ ھِند آ قومی پھیمانہ چکا ہمیں بارو آ ہماں دی چھی اے کھُزا آں اقوام متحدہ ائے ہمیں فریم ورک
آگو جڑسی ایں ہمائی ائے کنوینشن پیرس آ بیسغئے سا او ہموزا ہمیں منغ نامہ دی بیسغئے سا۔ھند ائے کے ای گام گیج او اسکیم
اینگے آں ہماں کہ ہمیں مسلہ آ وشادگی ائے لائیق آں۔یک پروگرام اے دی ایں کہ تجدید پزیر توانائی ائے زریعہ آنگو بجلی ۱۷۵جی ڈبلیو گیگاواٹ تکا گیش کھنغ بیس بی اےنشانہ ۲۰۲۲ تکا پورا کھُزی آ رؤ۔سروزیر آ ھِند ائے پھیغام باز شَر این وڑا
جہان ائے دیما ایر کھُزا۔او مُچھیں سروک آں مُچھیں دھیان آگو اُش کھُزا۔