سرگال:دھشت گردی ائے بارو آ ھِند ائے موقف

ڈن ائے وزیر ایس جے شنکر فنلینڈ ائے سئے روش آنی دؤرہ چکا اسا۔وتی عہدہ سنبھالغ آ پھدا اے آنہی ائے سری ایں ہمیں ملک ائے دؤرہ اسا چوش کہ ۱۹۵۰ آژ ہڑ دوکین ملک آنی سروک یک دوہمی ائے ملک آنی دؤرہ کھناناں آتکغاں۔ھند او فنلینڈ ائے نیمگا سیال داری باز وشتر ایں۔ہمیں اصلیت آر دیستؤ کہ ھِند وتی ہمسائیگ ملک آنی وٹاژ ودھسغیں دھشت گردی ائے حلاپ بین الاقوامی حمایت گِرغ ائے کوشست کھنغیں او فنلینڈ یورپی یونین ائے نی ایں واگ داروخ دی ایں،واجہ جے شنکر ائے ہمیں دؤرہ گیش اہمیت ایر کھنت۔واجہ جے شنکر آ وتی دؤرہ ائے نیمگا فنلینڈ ائے اعلی ایں سروک آنی پھجی آ سیماں ائے آں وٹاژ ائے دھشت گردی چکا تفصیل آگو داس گپت کھُزا۔ھند سرکار ائے وٹاژ جموں وکشمیر ائے خاصیں درجہ آسر کھُزؤ آنہی آ سئے جگرافی اکائی آ ونڈغ آ پھدا پاکستان آ دل آژ دروغی ایں قصو گھڑسؤ اُش کھنائینغ بِنا کھُزغاں۔پاکستان ائے ہمیں ڈھلاایں کوشست آنی تناظر آ واجہ جے شنکر او فنلینڈ ائے سروک آنی نیمگا ہلسنگی آ ہمیں ٹؤک توار بیسا۔واجہ جے شنکر آ فنلینڈ ائے سروزیر انٹی رینے او وتی ہم منصب پیکا ہاوستر آگو دو نیمغی گپتران کھُزا۔بیٹھک ائے نیمگا گرین تیکنالوجی او جاگاہی مسلہ آنی چکا دی داس گپت کھُزی آ شُزا۔ھند ائے ڈن ائے وزیر آ فنش انستیتیوت آف انترنیشنل افیئیرس آٌانڈیا اینڈ دی ورلڈ،ائے موضوع چکا یک اجلاس آگو گشتانگ کھُزا۔وتی گشتناگ آ واجہ جے شنکر آ ھند ائے نی ایں سرکار ائے ترقی ائے ٹِک آنی چکا روژنائی ماکھُزؤ گوشتا کہ آنہی ڈن ائے پالیسی آ ترقی ائے ٹِک آنی چکا گیش دھیان داسی آ شُزا۔آنہی آ گوشتا کہ چوش کہ اے وخت جہان زانتکاری چکا مبنی معیشت ائے وٹا جُزغیں،ہڑدوکین ملک آنر یک دوہمی ائے صلاحیت آنی نپ او کھٹ زڑتھؤ آپسی ایں مفاد ائے محاپظت آ باور دؤخ کھنغ ائے ضرورت ایں۔جموں کشمیر ائے حوالہ داسؤ آنہی آ گوشتا کہ ریاست آ ود او ترقی ائے نام چکا ھِچھ دی نویغئے سا ۔او دھشت گردی ائے سبب آژ قومی سلامتی آر دی خطر لاحق اسا۔ہمیں سبب ایں کہ دفعہ ۳۷۰ آ آسر کھُزؤ ریاست آ سئے جگرافی اکائی آ بہر کھُزی آ شُزا تاکہ ہموزا ترقی بیس بی۔عالمی طاغت آنی گون ھِند ائے سیال داری ائے بارو آ ڈن ائے وزیر آ گوشتا کہ ھِند ہمیں مُچھیں مزن ایں طاغت آنی پھجی آ وشتر سیال داری برقرار ایر کھنغ آ باڑہ ایں۔واجہ جے شنکر آ فنلینڈ ائے نائیب اسپیکر اول تووالا ہاتینین آگو دی تعمیری بیٹھک کھُزا۔آنہی آ صدر ساؤلی نینیتو ائے پھجی آ دی گپتران کھُزا۔واجہ جے شنکر آ مہاتما گاندھی ائے ۱۵۰ می سالگرہ منائینغ آپا آنہی ائے یک بُت ائے نقاب کشائی دی کھُزا۔اے بُت انڈین کونسل فار کلچرل ریلیشنز آ فنلینڈ آ سوکھڑی داسا۔