سرگال:غیر رسمی ایں بیٹھک ائے باوجوت کشمیر ائے سوال چکا چین ائے موقف ناقابل قبول

یازد او دوازد اکتوبر آ تمل ناڈو ائے جاگاہ مہابلی پورم آ سر وزیر نریندر مودی او چین ائے صدر شی جن پنگ ائے نیمگا غیر رسمی سروک آنی بیٹھک بی ہمائی مقصد ووہان اسپرٹ آ برحال کھنغ ایں ۔گیر بی کہ ہمیں وڑ ائے اولی ایں سروک آنی بیٹھک ہڑ دوکین لیڈر آنی نیمگا اپریل ۲۰۱۸ آ چین ائے ھَند ووہان آ بیسغئے سا ۔ہماں بیتھک آ ھند او چین ہورین سیال داری او خاصیں جاگاہی او

عالمی مسلہ آنی چکا داس گپت کھُزی آ شُزغئے سا۔ہماں بیٹھک ہر وڑا گو سوب مند منسی آ شزغئے

سا او اے دی عہد بیسغئے سا کہ آؤخیں بیٹھک دی ہماں وڑا بی آں۔ہمیں بارو آ ڈن ائے وزارت ائے

وٹاژ یک بیان آ گوشتی آ شُزا کہ ہمیں بیٹھک ائے نیمگا ہڑ دوکین لیڈر ہورین سیال داری آ گیش کھنغ

ائے پھجی آ خاصین جاگاہی او عالمی مسلہ آنی چکا دی داس گپت کھناں او نیامغی ایں سنگتی آ گیش استحکام دئے اغ آپا طریقہ آنی چکا ویچار کھناں ۔اتفاق آگو اے سروک آنی بیٹھک یک اینگے

وخت آ بی غیں ہماں وخت کشمیر ائے بارو آ چین ائے موقف او بیان آنی چکا ھِند آ باز اعتراض ایں۔

بہر حال ہمیں اعتراض آنژ چین آ مچھیں وڑا پوہ کھنائینتھی آ شُزا ہمائی ائے صاف پھیغام اش انت کہ ھِند وتی اندری مسلہ آنی نیمگا ھچھ وڑ ائے مداخلت پسند نہ کھنت۔ہماں روش ڈن ائے وزارت

ائے وٹاژ چین ائے صدر شی جن پنگ ائے ھند آئیغ ائے حبر ائے جار جھزی آ زشزغئے سا آنہی

آژ چھڑوئی آ یک روش سرا ھند آ وتی زوانی احتجاج درج کھنائینتھا کہ چین ائے سپیر برائے پاکستان آ چھی اے اینگے ٹؤک گوشتغاں ہمائی چکا ھند آر باز اعتراض ایں ۔چین ائے سپیر آ گوشتغئے سا کہ چین ہمیں ٹؤک ائے کوشش کھنغیں کہ کشمیری آنی پھجی آ انصاف بی او آنہاں نی

بنیاتی حق برحال کھُزی آ برواں۔چوش کہ سرکاری ڈؤل چکا چین آ ہمیں ٹؤک ائے وضاحت کھُزا کہ

چین ائے سپیر ائے ہماں بیان چین ائے سرکاری موقف ائے عکاسی نہ کھنت۔چین ائے صدر واجہ شی اوسر وزیر نریندر مودی ائے نیمگا ہماں کہ بیٹھک بی اغ والا ایں آنہی آپا عامین ویچار اش انت

کہ ھند وتی وٹاژ کشمیر ائے بارو آ ھچھ سوال نہ زیری مگہ چین ائے صدر اگر مسلہ ائے بُنا تکا

اگر روغ آپا چھی اے زانغ آ باڑہ ایں تہ سروزیر مودی ہمیں بارو آ ھند ائے پوزیشن پدھر کھنت۔

کشمیر آپا ہموزا تکا ھند ائے موقف ایں تہ ھند آ باز صاف لپظ آنی اندرا گوشتا کہ کشمیر ائے بارو

آ ھچھ دی ٹؤک ھند ائے کھسے بین الاقوامی ادارہ یا کھسے سئے می ملک ائے بحث کھنغ ائے قائیل نعیں۔آنہی آ آں وتی جند ائے مسلہ پوہ بی ۔اگر ھند او پاکستان ائے نیمگا ہورین مسلہ ایں تہ

آنہی آ چھڑوئی آ گپتران آگو حل کھنغ بیس بی۔چین پاکستان سیال داری وتی جاگاہ مگہ ھند ائے ہمیں

موقف صاف ایں کہ کشمیر ائے بارو آ ھند آ ہماں دی فیصلہ کھُزا،آں آنہیاندری مسلہ ایں او آنہی آژ

چین ائے ھچھ مطلو نہ وی اغ لوٹھی۔چین بہر حال ہمیں ٹؤک ائے حق آ ایں کہ ھند او پاکستان آ

وتی مسلہ گپتران آگو حل کھنغ لوٹھاں۔مگہ نی ایں چھی اے پیرا آنژ ھند آ باز اعتراض ایں ہمیں نازک مسلہ آ چین آ پوہ بی اغ لوٹھی۔