سرگال:ھِند ائے آئی ٹی ای سی سنگتداری :نوخیں بلندی تکا

براوری او یک دوہمی ائے ود مختاری ائے بنشت چکا ھند آ وتی سنگت ملک آنی پھجی آ تعاون آ گیش کھنغ ائے وتی عہد کھُزؤ ایر کھُزا۔ہمیں بارو آ ھند آ نی ایں روش آں افریقہ آپا ای۔ودیا بھارتی او ای ۔آر ودیا بھارتی ائے نام آژ ٹیلی ایجوکیشن او ٹیلی میڈیسن پروجیکٹ ائے بنگیج کھُزا۔اے پروجیکٹ ہماں مزن ایں پروجیکٹ آنژ یک ایں ہماں ہانر ڈن ائے وزارت آ ھند ائے تکنیکی او معاشی تعاون پورا بی اغ ائے ۵۵ سال پورا بی اغ ائے موقع چکا بِنا کھُزا۔ای ایجوکیشن ائے پروجیکٹ آگو افریقہ ائے طالبعلم وتی لوغ آنی اندرا نشتؤ ھند ائے مشہور پڑھیائی ائے ادارہ آنژ
نپ او کھٹ زُڑتھ کھناں،درگتہ کہ ای آر وگیہ بھارتی افریقہ ائے داغدار او دوروخ آنر ھند داغدار آنی زانتکاری او مشورہ دیائینغ آ مدد دؤخ ثابت بی۔ھند ائے تکنیکی او معاشی تعاون ائے ۵۵ سال
پورا بی اغ ائے موقع چکا یک تقریب آگو گشتانگ کھُزؤ ڈن ائے وزیر ڈاغدار ایس جے شنکر آ
گوشتا کہ تعاون برائے ترقی آ ھند ائے ڈن ائے پالیسی آ سرا آژ خاصیں کردار ادا کھُزا۔او نوخیں
دلی وتی ہپتات سال آنی تجربہ آگو وتی مچھیں سنگت دار ملک آنر نپ او کھٹ پُجھینغ ائے کوشش
کھنت۔افریقہ ائے مچھیں ۵۴ ملک آنی آپا ھند ائے تکنیکی او معاشی تعاون آئی ٹی ای سی سر وزیر
نریندر مودی ائے ویژن ائے عین روگا ایں۔آں لوٹھی کہ افریقہ نوجوان دی ھند ائے ڈیجیٹل انقلاب
آژ فائیدہ زیراں۔مڑدمی وسیلہ آنی ترقی ھند ائے ڈن ائے پالیسی ائے یک خاصیں جز ایں۔آئی ٹی ای سی او صلاحیت سازی ائے دیگر پروگرام ھند ائے ہمیں عقیدہ ائے عکاسی کھنت کہ جہان ائے وشحالی او ترقی ونڈغ ائے لائیق نعیں او آں وتی صلاحیت او تکنیکی زانتکاری دوہمی آنگو ونڈھسؤ
آنہاں نی ترقی آ وتی کردار ادا کھنغ لوٹھی۔واجہ جے شنکر آ گوشتا کہ افریقی ملک ھند ائے خاصیں
سنگتدار ملک آں او جہان ائے شش اعشاریہ سئے ارب مڑدم ھند او افریقہ ائے لوٹھغ ائے نماےئندگی کھناں۔آنہی آ گوشتا کہ مئے صدی کہنیں سیالداری ایں۔واجہ جے شنکر ائے ہمیں بیان ائے روژنائی آ ھند ائے نوخیں بنگیج باز اہمیت ایر کھنت۔گوستی ایں ۵۵ سال آنژ ھند وتی زانتکاری
او صلاحیت دیگر ملک آنگو ونڈغیں۔نی ایں بنگیج ائے روگا ھند اطلاع ائے تیکنالوجی ،کشت کاری
برق او دُرائی ائے شعبہ آگو جُڑسی ایں مڑدم آنر ہر سال دواز ہزار وظیقہ دٗے غیں۔آئی ٹی سی ائے بُنا آسیا،یورپ ،وسطی آسیا افریقہ او لاطینی امریکہ ائے ۱۶۱ ملک آنر ھند ائے ترقی آژ متعلق ۷۰
سال آنی تجربہ آنر ونڈغ آپا کانڈھ داسی آ شُزا۔واجہ جے شنکر آ گوشتا کہ ھند آر ہمیں ٹؤک ائے احساس ایں کہ ترقی پزیر ملک آنی اندرا ھزائی وسیلہ آنی ڈمبار ایں مگہ آنہانر یک بھیرئے مسلہ دیما آں ۔ہمیں چیلنج آنر دیستؤ مارا گیش آژ گیش ملک آنی پھجی آ سنگتداری ائے ضرورت ایں ۔
مارا اے عہد کھنغ لوٹھی کہ ما یک دوہمی آگو تعاون آ گیشتر کھنوں تاکہ پھائیدار ود او ترقی ائے
مقصد پھیلو بیس بی آں۔