سرگال: بہ سوریہ ترکیہ یک نیمگین کاروائی منگئ وڑ نہ انت۔
عالمین امن وھدہ گون خطرا دیم پہ دیم بیت کہ یک مُلکئ بہ دیگہ مُلکئ وت واکی و گیسویین معاملہ ان دلچسپی ودی بکنت و شہ دست مان دیگا ھم وت داری کرتگ نہ کنت۔ ای وڑئ گندگین ذھنیت بہ چُنتی راز و شکلان وترا درا کنت شہ آوان یک وڑئ ایش انت کہ ترکیہ بہ سوریہ برزئ روچ دراتئ سیمان یک نیمگین ھلگر کنگا بوتگیت۔ بہ اودان کردین یک مزنئن ھندئ نیندوکئ، ترکیہ بہ کردئ یاغیانی حلاپا کاروائی کنگئ پھدا انت و تھانکا بہ سوریہ ای ھندان پہ ایشی ھلگر کنگا انت کہ بہ اودان کردانی نیندوک انت و قطعا ای کار منگئ وڑ نہ انت۔ پہ چہ کہ ای ھلگر تھانکا بہ کردئ نیندوکانی حلاپا نہ بلکہ بہ سوریہ آزاتی و وت واکئ حلاپا ھلگرئ انت پہ امیشا ھندوستان گون سَکین زوانئ ای ھکگرا بدگشی کنگا بوتہ و گشتگیت کہ حالات شہ ای کارا گیشتر تر روتک بوتگ کنت و نہ تھانکا بہ سیما امنئ گار کنوک بیت بلکہ سیما بیدی استحکام کنگا انت و بیدئ ایشی بہ دھ ت گردیئ حلاپئ لڑگا کوشستانی تھا ھم اوشتارینگ پرینگا انت۔
تکریہ یک نیمگین کاروائی وھدہ بناہ بوتگیت کہ ھندوستان و چینئ اعلائین قیادتانی سروک بہ ٹامل ناڈو تاریخین ھندا مھابالی پورم تسر بوتہ۔ و ای دو روچگین دیوان اکتبرئ ۱۱ بناہ بوتہ۔ بہر حال ھند پہ چینئ سروکانی گیند و نیندان تیاری نیاما ای ھبرا گپتگیت کہ ترکیہ بہ برزئ روچ دراتئ نیمگا سوریہ کردانی حلاپا ھلگر کنگا بوتہ بیت۔ درا انت کہ ھندوستان کرار نیشتگ نہ منت پہ چہ کہ ای وڑئ گامئ انت کہ سوریہ وت واکی و سیمانی امن گون خطرا دیم پہ دیم بیگا انت۔ ھندوستان آزاتین ڈنئ پالسی اصولانی منگا انت و ھر وھدہ بہ ھر پلیٹ فارمئ ای ھبرئ وکالت کنگا انت کہ ھر مُلکئ آزاتی و سیمئ سالمیتئ ھلگر کنگ نہ منگئ وڑئ عملئ انت۔
اگہ ترکیہ جیندئ گیسویین معاملہ بوتن دیگہ ھر وڑئ کہ بوتن حل کرتگ کرت و بری سیما دائیش ھلگر ینکس باز انت کہ مُچین دنیا زانت۔ گرچہ گیشترکین ھند شہ دائیش دستا آزات بوتگیت و بری دھشت گردین ھلگرانی حلاپا تہ انون جنگ رادگ انت و ای وڑا ترکیہ ای کار حالاتانا گیشتیر خراب کنگا انت و یک نوکین فتنہ روک کنگا انت مہ شہ آی وجا ای جنگ کم واک بوتگ کنت۔ گرچہ گون ترکیہ ھندیی بستگی خراب نہ انت مگہ بری گڈین وھدان بہ کشمیریی بھرا بہ پاکستانئ سوجئ بھرا گون آی یک توار بوتگیت و پاکستانئ مواقف نیمہ دار بوتگیت و ھندوستان بہ ترکیہ ای کاروائی بھرا وتی توارا بال کاریت۔ ای وڑا انہ انت۔
بلکہ بری معاملہ چین ھم پاکستانئ کوتا اتیت مگہ سرئ ای مُچین حکیکتان چین و ھندوستانئ بستگی باز روتک بوتگنت و نون بری وھدہ بہ ٹامل ناڈو یک ھندئ چینئ سدر و ھندوستانئ سرئ وزیرئ نیاما سربراھانی دیوان رادگ بوتگیت۔ و درا انت کہ پہ سیم و عالمین بھران دوکین مُلک وتئ بستگئ گیشترین امکانانی باروا ھبر کنگا انت۔ تھانکا بہ لھتین بھران اختلاف دارنت و دیگہ بستگی پہ ایشی سیستگ نہ بیت گپ و تران بری سلسلہ رادگ ساتتگنت پہ امیشا ترکیہ نہ زانتہ پاکستانئ مواقفئ نیمہ داری کنگا ھندوستانئ ای ھلگرا بدگشی کرتتیت۔ ای پکر غلط انت ھندوستان اصولین وڑئ ای ھبرا پسند نہ کنت کہ یک مُلکئ بہ دیگئ مُکئئ گیسویین معاملہ ان و وت واکئ بھرئ سیما گون خطرا دیم پہ دیم کنت۔ چینئ صوبہ شین جیانگ بہ ایغور نیندوکانی حلاپئ کاروائین ترکیہ ھم لھتین تحفظ داریت۔ ترکیہ باید انت شہ صبرا کار گپتہ شہ ای وڑئ کاروائی وت داری بکنت۔
Comments
Post a Comment