سرگال: گون کوموروز و سیئرالیون ھندوستان بستگی گیش بیگ۔

شہ جمھورین سدرئ کمکار وینکیا نائیڈو ھال انت کہ کوموروز و سیئرالیون دورہ کنگا بوتگیت، بری دورہ کنگا مکسد دوکین مُلکانی نیاما ھندوستان وتی بستگیا گیشتر دیمرئی دیگا بوتگیت۔ یک بھرین ھم پلؔین مُلکئ حیثیتا ھندوستان گون کوموروز استمانا وتی دیمرئی آزمایگان شریک کنگا لوٹیت و آی خواھش انت کہ پہ کوموروزئ دیمرئیا آوانی آیوکین پارٹنر بیت۔ شہ کوموروز بہ وتی دورہ کنگئ دورانا واجہ وینکیا نائیڈو سدر ازالی آسومانی را ھم گیند و نیند کنگا بوتگیت و بہ دونیمگین و بین الاکوامین بھران حیالانی بدل کنگا بوتگنت، دوکین سروک بہ دیگہ بھران چون تجدیدئ وڑئ توانائی، اطلاعاتین ٹیکنالوجی و بھرین سلامتئ بھران پہ تعاونانی دیمرئی دیگئ سرا تاپ کرتگنت۔ دوکین مُلک بہ دپاع بھران تعاونئ یک تفاھمئ یک کاگدئ را ھم دستخت کرتگنت۔ بیدئ ایشی بہ دروائی، دود و ربیدگین بھران، بہ تعاون بھرا معاھدانا دستخت کرتگنت۔ بہ یک دیگئ اھمین فیصلہ سیائگا ھندوستان و کوموروز سفارتی و سرکارئ پاسپورتئ داروکان پہ دورہ کنگا شہ ویزہ مستثنئ زانتگ بوتنت۔ ھندوستان پہ مورونی ء یک ۱۸ میگا واٹ پاور پلانٹ جنگا چل و یک اعشاریہ شش میلیون آمریکہ ڈالرئ وامئ دیگئ جارا جتگیت۔ بیدئ ایشی پیشہ رودینگئ بنجاہ جوڑ کنگئ تجویز ھم دیما کرتگنت، ھمی وڑا بیدئ ایشی یک میلیون ڈاکر مالیاتئ دوانی یک ھزار میٹرک ٹن برینج شہ راہ کیشتیانی اوشتارینگئ دو میلیون ڈالر و ٹرانسپورٹئ الاتان یک میلیون ڈالر ٹھیکی وڑا پہ کوموروز دیگئ فیصلہ گپتگیت۔ ای مُچین گام گرگ پہ دوکین مُلکانی بستگئ دیمرئی دیگا پورہ ئین وڑئ مدد کنوک انت۔ 

بہ دنیائ دیما اھمین مسئلہ آن بہ گیشترکین بھران، ھندوستان و کوموروز مواقف یک وڑا انت و دوکین مُلک بہ بین الاکوامین فورمان یکئ آ دیگرئ نیمہ داری کنگا انت۔ بہ دھشت گردیئ حلاپئ لڑگا بہ ھندوستسنئ نیمہ داریا واجہ نائیڈو شہ کوموروز شکریہ کنگا بوتگیت۔ کومروز بہ اکوام متحدہ سلامتئ کونسلئ اصلاحاتانی و مستقلین باسک بیگئ پہ ھر وڑئ نیمہ دسریا تیار انت۔ بہ وتی دورہ کنگئ دومی مرحلہ واجہ نائیڈو سیئرالیون دورہ کنگا بوتگیت۔ بہ دوکین مُلکانی نیاما اقتدارئ شریکین بنیادا دوستی و خوشگوارین بستگئ انت۔ ای بستگی یکئ آ دیگرئ یقین و باور و احترامئ اصولانی سرا انت۔ بہ مُلکا پہ جمھوریتئ مستحکم کنگ و مضبوط بیگا، ھندوستان سیئرالیون مبارکی داتگیت ۔ واجہ نائیڈو گشتیت کہ بری مُلکا پنچ وار امنئن وڑئ گیچئن کاری بوتگیت کہ وت ایشی گواہ انت کہ اودا ھم جمھوریتئ ریشگ سَک انت۔ دیمئ سالا بہ ای مُلکا جمھورین سدرئ گیچئن کاری بوتیت وسجہ نائیڈو پہ واجہ بایو مبارکی داتگیت سیئرالیون و ھندوستانئ نیاما بستگی پورہ ئن وڑئ کدیمی انت۔ بری مُلکا پہ امن و امانئ مستحکم کنگا نوکین دھلی اھمین کردارئ داشتگیت۔ یاتئ وڑ انت کہ پہ اولی وار کہ اکوام متحدہ بہ سیئرالیون امنئ پوجی دیم داتیت، بہ آ مشن آ ھندوستان ھم ھور بوتگیت۔ واجہ نائیڈو گون جولئیس مادابایو بہ گیند و نیندئ دورانا بہ ھر نیمگین کٹانی باروا بہ سیمین و عالمین بھران حیالانی بدل کنگا بوتگنت۔ دوکین مُلکانی سروکانی ںیاما، پہ دوستئ گی ترین دیمرئی دیگا فیصلہ گپتگنت۔ بہ گپ و ترانہ دورانا واجہ نائیڈو واجہ بایو بہ کشارگری و ڈبہ کنگ یا کنسرو کنگا وارتنئ، اطلاعات و ٹیکنالوجی، بنیادین بھران ھر وڑئ تعاونئ دیمرئی دیگئ سرا تپاک کرتگنت۔ ھندوستان و سیئرالیون بہ دیمرئی بھرا باوری وڑئ پارٹنر بیگئ سرا وتی عھدئ پابند انت۔ نوکین دھلی پہ ای مُلکئ دیمرئیا تہ نون ۲۱۷ اعشاریہ پنچ میلیون ڈالر وام داتگیت۔ بری دورہ کنگئ دوارانا بازین معاھدہ و تفاھمئ کاگد دستخت بوتگنت۔ ھمی وڑا ھندوستان وارتنین آپانی پروجیکٹ بھرا ۱۵ میلیون وامئ دیگا پہ سیئرالیون فیصلہ کرتگیت۔