سرگال:کرتار پور راہداری ائے بُنگیج

ھند او پاکستان ائے نیمگا ناوشی ائے باوجوت نوخیں دلی او اسلام آباد آ پاکستان ائے صوبہ پنجاب ائے نارووال ضلع آ گوردوارہ صاحب ائے زیارت آپا کرتار پور راہداری آ بوژغ ائے فیصلہ کھُزا۔کرتارپور صاحب ہماں پاکین ھَند ایں ہموزا سکھ مزہب ائے بانی گورو نانک دیو جی آ وتی عمر ائے آخیری ایں سال گوازینتھغئے ساں۔اے ہماں جاگاہ ایں ہموزا آنہی آ ۱۸ سال آنی تکا سکھ

مزہب ائے تبلیخ کھُزا او اے آنہی ائے آخیری ایں آرام گاہ ایں۔نومبر آ سری ایں گورو ائے ۵۵۰ می

پیدائیش بی اغ ائے موقع چکا راہداری ائے بنگیج ائے منصوبہ ایں ۔گوستی ایں سال نومبر آ ہی ھند

سرکار آ گورداس پور آ ڈیرہ بابانانک سے لیکر بین الاقوامی سیماں تکا راہداری ائے تعمیر آ منظوری داسغئے سا۔پاکستان اندرا سکھ مزہب ائے ۱۷۳ مقدس ھَند آں ۔مگہ ھند او پاکستان ائے

نیمگا ۱۹۷۴ ائے پروٹو کول ائے روگا ھند ائے سکھ یاتری آنر آنہانژ چھڑوئی آ چند جاگاہ آ روغ

ائے اجازت ایں۔اشی آژ سرا سکھ یاتری سیماں چکا ڈیرہ بابا نانک آژ دیر آژ دوربین آگو گوردوارہ

ائے درشن کھُرت۔اے یاتری بیساکھی ،گوروارجن دیو ائے شہیدی ائے روش ،مہاراجہ رنجیت سنگھ

ائے برسی او گورونانک ائے پیدا بی اغ ائے روش آ ہی موزا روغ ائے اجازت اسا۔ھند یاتری آنی آپا

دربار صاحب گوردوارہ آ یک راہداری آگو جوڑغ ائے ویچار باز کہنین ایں۔۱۹۹۹ آ کرتار پور صاحب ائے ٹھائینغ ائے کار پھیلو بی اغ آ پھدا آں وخت ائے سر وزیر اٹل بہاری واجپائی آ لاہور

ائے تاریخی دؤرہ کھُزغئے سا ۔ہماں دؤرہ ائے نیمگا ھند آ کرتار پور راہداری ائے تجویز پیش کھُزغئے سا۔ہماں سال پاکستان آ آئی ایس آئی ائے پیسر ائے ڈی جی جنرل جاوید ناصر ائے سروکی آ پاکستان گوردوارہ چکا بندھک کمیتی ائے تشکیل کھُزا۔ہمیں کمیتی ائے مقصد پاکستانی

سکھ آنر وتی پاکین جاگاہ ائے انتظام ائے سنبھالغ ائے آزاتی دئے اغ اسا۔مگہ اے تنظیم نی پاکستانی

ایوا کوئی ٹرسٹ پراپرٹی بورڈ ائے روگا کار کھنغیں ہماں کہ چھڑوئی آ نام آگو ود مختار ایں ۔

مگہ پاکستان آ ہماں وخت جار جھزا کہ آں کرتار پور کوریڈور بوژغ آپا تیار ایں تاکہ سکھ یاتری

گوردوارہ صاحب ائے زیارت کھُز کھناں تہ ہڑ دوکین ملک آں ہمیں سال مارچ آ اٹاری آ یک بیٹھک

کھزا او ہمیں ٹؤک چکا گند او نند کھُزیش کہ راہداری آ تھانگا بوژتھی آ برؤ۔راہداری بوژغ آپا دو مسلہ باز مزن آں یک تہ پاکستان ائے گشغ ایں کہ آں یک پرمٹ سسٹم بنا کھنت ہمائی روگا ہر یاتری

آر بیست ڈالر فیس ائے ڈؤل چکا دئے غی بی آں ۔ھند آ پاکستان آژ درخواست کھُزا کہ سکھ یاتری

آنی گون قونصل خانہ ائے اپسر آنر دی روغ ائے اجازت دا۔نوخیں دلی ائے ہمیں ٹؤک چکا دی ہڑ دوکین ملک آنی نیمگا ہم صلاحی نعیں ۔راہداری بوژغ ائے تہ فیصلہ بیسا مگہ چھی اے ھند مخالف

عنصر آں ہماں کہ کرتار پورآ سکھ یاتری آنی آئیغ ائے ناجائیز نپ او کھٹ زڑتھ کھناں۔مگہ کرتار

پور راہداری ہڑدوکین ملک آنی نیمگا یک خاصیں گام ایں امیت انت کہ دوایں ملک آنی ناوشی آ

اے راہداری امن ائے ڈؤل چکا دیما کھائے۔