سرگال:اقوام متحدہ ائے روش

ھند آ ۱۹۴۸ آژ ہر سال ۲۴ اکتوبر آ اقوام متحدہ ائے روش منائیتھی آ رؤ۔ھند آ یک سروک باسک ائے وڑا ۲۶ جون ۱۹۴۵ آ اقوام متحدہ ائے منغ نامہ چکا دستخط کھُزغئے سا۔پنچ مستقل باسک آنی پھجی آ منغ نامہ آنی چکا دستخط کھنغ والا ملک آنی اکثریت ائے وٹاژ آنہی منظوری آ پھدا اے ۲۴ اکتوبر ۱۹۴۷ آ لاگو بیسا۔۳۱ اکتوبر ۱۹۴۷ آ منعقد بی اغ والا اقوام متحدہ ائے جنرل اسمبلی ائے اجلاس آ یک قرارداد منظور کھُزی آ شُزا ہمائی روگا ۲۴ اکتوبر آ اقوام متحدہ ائے روش منسی آ شُزا،ہمائی مقصد ہمیں عالمی تنظیم او ترقی چکا روژنائی ماکھُنغ اسا۔ھند آ ۱۵ اگست ۱۹۴۷ آ

برطانوی سرکار آژ آجوئی ملسغئے سا۔ھند ائے آجوئی ائے دو ماہ آژ دی کھمیں عرصہ آ پھدا اقوام متحدہ ائے جنرل اسمبلی آ ہمیں قرار داد ائے منظوری آ نوکیں دلی آ آنہی مقصد آنر پھیلو کھنغ آ وتی

کردار ادا کھنغ ائے یک خاصیں موقع داسا ۔گوستی ایں ۷۲ سال آنی نیمگا اقوام متحدہ ائے سئے مزن ایں سوب مندی رہسغاں۔اے آں نوخیں آبادکاری ائے خاتمہ،پھائیدار ترقی آپا یک عالمی ایجنڈہ،

او مڑدمی حق او آجوئی ائے بارو آ صلاح و مشورہ آپا یک معیاری فریم ورک ائے قیام او ہمیں

مچھیں شعبہ آ ھند آ وتی کردار باز شَر ایں وڑا ادا کھُزا۔ھند ہماں اولی ایں مزن ایں ملک اسا ہمائی

آ نو آبادیاتی نظام آژ آجوئی ملسا،ہمیں خاطرہ دسمبر ۱۹۶۰ آ جنرل اسمبلی آ نوآبادیاتی نظام آ آسر

کھنغ آپا یک قرار داد ائے منظوری ائے ہماں کہ عمل شروع کھُزا،ھند آنہی اندرا سجوں آنژ اگا اسا۔

ہمیں قرارداد آ اوام متحدہ ائے کار کھنغ ائے طریقہ آ دو مان ایں بدلاؤ آرغ آپا یک پلیٹ فارم تیار کھنغ آپا خاصیں کردار ادا کھُزا۔ہمیں بدلاؤ آپا بنگیج نوخیں آجو بیسغیں ترقی پزیر ملک آں کھُزا تاکہ

عالمی تنظیم آنہاں نی لوٹھغ ائے خاصیں خیال ایر کھناں۔ناوابسطہ تحریک ائے سری ایں سروک آنی بیٹھک ستمبر ۱۹۶۱ آ بلگریڈ آ بیسغئے سا۔ھند ہمیں تنظیم ائے بانی باسک آنژ یک اسا ہمائی رکنیت ۲۴ آنژ گیش بیسؤ ۱۲۲ بیسا۔ساڑتھیں مڑائی ائے وخت آ ہماں وخت جہان دو بلاک آ ونڈھسی آ اسا ،ہماں وخت نوخیں آجو بیسغیں ملک آنر ناوابسطہ تحریک ائے سبب آژ بین الاقوامی

سطح چکا وتی ود مختاری منائینغ آپا باز مدد ملسا۔مروشی دی ہمیں تحریک چنتی ملک آنی آپا پسند

ائے تنظیم ایں۔ترقی او آف او گواس آ بدلاؤ ائے دو مقصد آنر یکجا بی اغ آ پھدا سروزیر نریندر مودی ائے پھجی آ جہانی سروک آں ستمبر ۲۰۱۵ آ پھائیدار ترقی ائے بارو آ اقوام متحدہ ائے ایجنڈہ

۲۰۳۰ آ منظوری داسا۔اقوام متحدہ آ دہ دسمبر ۱۹۴۸ آ یونیورسل ڈکلیرشن آف ہیومن رائیٹس ٹریٹی

آ منظوری داسا۔آؤخیں سالا اقوام متحدہ ائے ۷۵ می سالگرہ منائینغ آپا باسک ملک آں ہماں کہ

موضوع گچین کھُزا،آں ایں کثیر جہتی ائے سئے اجتماعی عہد بستگی ائے اعادہ۔اقوام متحدہ ائے روش ائے موقع چکا ھند کثیر جہتی ائے اصول آنی آپا وتی عہد بستگی آ پدھر کھنت۔