سرگال: پہ پاکستانا شہ ایف آ ٹی ایف نیمگا سَکین وارننگئ بہ دست آرگئ امکان۔
بہ بین الاکوامین کچانہ، مالیاتین نظامئ گھیتیر کنوک و گیرکانونین کارانی وجا ناجایزئن مالین گرگ و دیگ گیش کنوکین موشکولیانی اوشتارینگ، و یک بین الحکومتین و کومین ادارہ کہ بہ ۱۹۸۹ جور بوتگیت و بہ بین الاکوامین کچانہ مالین فسات و دھشت گردیئ موشکولیانا گیرکانونین وڑئ موشکولین کَس و ادارہ شہ غلطئن راھان فنڈئ نز آرگ و منئ لانڈرنگئ وڑئ موشکولیان سَکین وڑئ چمئ چیرا گیت پہ چہ کہ بری گڈین دھہ آن بہ دنیای ھر نیمگئ دھشت گردیی و لھتین ڈل آوانی نیمہ داری کنوکین حکومت بہ برزین کچانہ دیمرئی کنگا انت و شہ وڑ وڑئ راھان سرمایہ نز و مُچ کنگا انت۔ پہ امیشا فائنینشل ایکشن ٹاسک فورس ناما بہ وت گپتگیت۔
کہ ای وڑئ ڈلان و مُلکان سَکین وڑئ وتی نظرئ چیرا داشتگ بیت۔ بری بھرا بہ پاکستان چُنتی ڈل اینوڑئ ھستنت کہنھر نیمگئ خرابکارئ کاروائیانا دیمرئی دیگا انت و فنڈ نز آرگ و منی لانڈرنگ دیمرئی دیگا انت۔ ای وڑئ ڈل بہ پاکستان باز انت۔ و ای بازین ڈل شہ اکوامئ متحدہ و عالمین پیمانہ باز خطرناکین دھشت گرد زانتگ بوتگنت۔ و گیشتریکش شہ آ ھندئ ایسٹبلیشمنٹ نیمگا آوانی نیمہ داری ھم بیت۔ پہ امیشا ایف آ ٹی ایف پاکستانئ تھا ای ڈلانی موشکولیانا خاسین وڑئ وتی چمئ چیرا گپتگیت و بہ ای بھرا چُنتی وار پہ پاکستانئ حکومت و آوانی اداران چُنتی وار وارننگ داتگ بوتگیت کہ بری وڑئ ڈلانی حلاپا سَکین کاروائی کنت۔ آ ھندئ ارباب سنجیتگین توجہ نہ کننت۔ یک وار ایف آ ٹی ایف پاکستانا بہ گرئ لسٹ تھا پرینتگیت و گشتگیت کہ اگہ ای ڈلانی موشکولیانا لگام جنت چُنتی سال پاکستان ھمی لسٹ تھا منتگیت و رندا شہ بازین کوشستان گون اتحادی و دوستین مُلکانی مددا شہ ای لسٹ آ در کرتگ بوتیت۔ امیت شوت کہ دیگہ پاکستان پہ دوارگ شرؔین و کٹوکین کاروائی کنگا بیت۔ آ ھندئ دھشت گردین موشکولیانا لگام جنت۔
مگہ پاکستانئ ریکارڈ پھدا خراب بوت و بہ گئوستگین سالا بہ جون ماہ یک وار پھدا آی را بہ گرئ لسٹ تھا دور داتنت و وارننگ داتنت کہ تہ اکتبر ۲۰۱۹ وتی ریکارڈا جوان کنت و بہ ای ڈلانی حلاپا شرؔین کاروائی کنت و گشتگ بوتتیت کہ اگہ بری بھرا گجام بدل بیگئ میایت دیگہ شہ گرئ لسٹ تھا پاکستانا در کرتہ بلک لسٹ تھا ھور کننت۔
اکتبرئ ماھ اتیت و نون بہ پاریس ایف آ ٹی ایف دیوان بناہ بوتگیت۔ و تہ اکتبرئ ۱۸ بہ پاکستانئ باروا فیصلہ کنگا یت کہ آی را پھدا بہ گرئ لسٹ تھا ھما وڑا کئلنت یا کہ بلک لسٹ تھا ھور کنگا بنت۔ و تہ نون پاکستان انچین کاروائی نہ کرتگیت و یا انچین گامئ نہ زورتگیت کہ ریکارڈی گھیتیر بیت۔
ایشیا پسفیک ڈل وتی نا امیتی آ شہ پاکستان درا کرتگیت و بہ گئوستگین سالا شہ ایف آٹی ایف نیمگا ۲۷ ٹیکین لسٹئ پہ آی داتگ بوتگیت۔ شہ آوان تھانکا شش ٹیکئ عمل کرتگیت۔ پاکستانئ واز دار پردگئ پھدئ نظاما دیما برنت۔ نون احساس باید کننت کہ اگہ پاکستان بلوٹیت شہ عالمین براسانی یک کوتئ بیت باید انت وتی ڈنئ پالسی آ بدلینیت۔ حال رستگیت کہ ای واری پھدا پاکستان کوشست کرت کہ شہ لھتین مُلکانی نیمگا مدد گپتہ تہ کہ کمی ارامتر بیت و بلک لسٹ تھا مہ کپیت مگہ نہ بوت۔
بہ اصلا پاکستانئ نظام و سیاست ای وڑا انت کہ دھشت گردیئ یک ٹوکورئ شہ آئ انت و عالمین براس گیش دیگہ ای حالتا برداشت نہ کننت۔
و پاکستان نون شہ وتی حد آ گئوستگیت۔ بہر حال آ ھندئ ارباب اختیار دارنت کہ وت بری باروا پکر کننت۔
Comments
Post a Comment