سرگال:پاکستان اندرا زائیف حوال کار آنر آن لائین تھُڑسینغ ائے دپ

ہمیں روش آں پاکستان اندرا آنگا تہ ہچھ وڑا گو دی حالت درست نیاں ،ھچھ وٹا سرکار ائے حلاف احتجاج بی غیں تہ ھچھ وٹا نا وش عوام جلسہ او جلوس کشغاں،او کھسے آ دی ہمیں کل نویغیں کہ آخیر اے نوخیں پاکستان تھانگے ایں،ہمائی ائے نوخیں سروزیر عمران خان آ وعدہ کھُزغئے سا کہ او چھے ہمیش ایں ہماں ریاست مدینہ ہمائی واہو پاکستان ائے عوام آر پھیدھارتھی آ رؤغیں۔
ہمیں مچھین آنی نیمگا یک رضاکارانہ تنظیم منظیم میڈیا میٹرز فار ڈیموکریسی آ یک رپقرٹ جاری
کھُزا۔ہمائی آژ کل بی کہ جمہوریت ائے خاصیں ستون صحافت او آنہی آگو جڑسی ایں زائیف حوال
کار آنی پاکستان اندرا چھے حالت ایں ۔رپورٹ آژ اٹکل بی کہ پاکستان آ نرین سنگت آنی مقابلہ زائیف حوال کار آنر آن لائین تھُڑسینتھی آ رؤغیں ہمائی آژ تنگ بیسؤ آں وضہار سیلف سنسر شپ
جھناں،یا گُڈا میڈیا انڈستری آ الاں ،پھرچھے کہ آں وتی کیرئیر آ اگا بی اغ آ لوٹھاں تہ آنہی کُنبہ
چکا تنقید کھُزی آ رؤ ۔جنسی جبر ائے شکار ہمیں زائف حوال کار آنی تعداد ۷۷ فیصد ایں۔او ہر
دھ آژ سئے زائیف حوال کار آنر آن لائین تشدد دیما کھنغی بی غیں۔پاکستان آ آن لائین میڈیا چکا نیاہ
ایر کھنغ والا یک غیر سرکاری تنظیم ڈیجیٹل رائیٹس فاؤنڈیشن ائے یک ایگزیکیوٹو داریکتر نگہت
ائے گُشغ ایں کہ اے رپورٹ پاکستان ائے میڈیا انڈستری آ اوار زائیف آنی مشکل آنی احاطہ کھنت۔
او مارا کل بی کہ زائیف آنی آپا میڈیا اندرا اگا بی اغ چھیختر مشکل بی غیں۔آن لائین او آف لائین
ہڑ دوکین حالت آ آنہانر تفریق دیما ایں ۔آنہانر آنہانی کار ائے بجائے جَر او آنہاں نی چال آگو آنہانر
دیستی آ رؤ۔رپورٹ آ ہمیں وٹا اشارہ کھُزی آ شُزا کہ آن لائین تھُرسینگ چھڑوئی آ ناوش ہی نعیں بلکہ آنہی اثر اصل ایں زند چکا دی مان کھائے۔ہمیں نیمگا ہماں زائیف آنی انترویو کھُزی آ شُزا آنہاں
ڈسسا کہ اکثر و بیشتر اینگے شکایت آنی چکا آنہانر آنہاں نی ایڈیٹر یا سپر وائیزر ائے وٹاژ مناسو
دست رکھیائی نہ ملی۔رپورٹ ائے روگا بازی آ تر زائیف آنر آنہاں نی صنف ائے سبب آژ پریس کلب آ باسک نہ کھُزی آ رؤ یا اگر آں باسک بی آں دی تہ ہموزا ائے ماحول اینگے نوی کہ ہموزا
آں رواں۔انتر نیٹ ائے آجوئی چکا نیاہ ایر کھنغ والا امریکہ اندرا سرگرم ادارہ دی فری ڈم ہاؤس آ
وتی نی ایں رپورٹ آ پاکستان آ ایچار آنی آجوئی چکا بندش چکا باز پکر آ پدھر کھُزا۔۲۰۱۹ آ انتر نیت آجوئی ائے بارو آ ۱۰۰ ملک آنژ پاکستان یک درجہ بُنا بی اغ آ پھدا ۲۷ می نمبر آژ ۲۶ می
نمبر چکا آتکا۔عالمی سطح چکا پاکستان انتر نیٹ ڈیجیٹل میڈیا ائے آجوئی ائے بارو آ جہان ائے
سجوں آنژ بُنی ایں ملک آنی اندرا اوار ایں ۔رپورٹ آ گوشتی آ شزا کہ پاکستان تیلی کمیونیکیشن اتھارتی ائے اعداد و شمار ڈساں کہ ۲۰۱۸ آ پاکستان آ ہشت لکھ آژ گیش ویب سائیٹ آنر بلاک کھُزا۔
آن لائین تھڑسینگ ائے مسلہ آ آسر کھنغ آپا اولی ایں گام اش انت کہ ہمیں ٹؤک آ منسی آ برؤ کہ میڈیا
اندرا نرین آنی مقابلہ زائیف حوال کار آنر گیش آن لائین تھڑسینگ ائے دپ دیما کھنغی بی غاں۔ٓ