سرگال:کرتار پور صاحب ائے اہمیت

سکھ براسی آگو تعلق ایر کھنغ والا مڑدم ہمیں وتی مقدس جاگاہ آ گندغ آپا ہر روش دعا لوٹھاں ہماں کہ ملک ائے بہر بی اغ آ پھدا آنہانی روغ آژ دیر بیسغئے سا۔اینگے ہی پاکین جاگاہ آ گوردوارہ کرتار پور صاحب ایں ہمائی آ سجوں آنژ مقدس منسی آ رؤ۔اے گوردوارہ راوی ندی ائے پٹی آ ٹھعسی ایں ہموزا گورنانک آ وتی زند ائے آخیری ایں ۱۸ سال گوازینتھغئے ساں ۔اے بین الاقوامی سیماں آژ چھڑوئی آ چھیار کلومیتر دیر ایں او ہمائی آ ھند آژ دی گندغ بیس بی۔مگہ نی کرتار پور
راہداری ائے بنگیج آ پھدا ہزاراں یاتری ہر روش ہمیں گوردوارہ ائے درشن کھُز کھناں۔آنہی آژ لکھیں مڑدم آنر روحانی او جزباتی اطمینان مِلی۔سروزیر آ نریندر مودی آ گورداس پور آ ڈیرہ بابا
نانک آ ھند ائے وٹاژ کرتار پور راہداری ائے چیک پوسٹ ائے شمبھے ائے روش بنگیج کھُزا۔ہمیں
موقع چکا مڑدم آنگو گشتانگ کھُزؤ آنہی آ گوشتا کہ نی درگتہ راہداری ائے بنگیج بیسا عقیدت مند
آنی آپا دربار پور صاحب ائے درشن آسان بی رؤ۔دربار صاحب ائے درشن ائے اولی ایں ٹلہ آ پیسر
ائے سر وزیر واجہ منموہن سنگھ او مرکزی وزیر ہرسمرت کور بادل او ہردیپ سنگھ اوار آں۔
گورنانک ائے ۵۵۰ می یوم ولادت آنہی ضروری تعلیم ائے بازیافت آپا یک خاصیں موقع ایں۔آنہی
تعلیم ائے خاصیں ٹک کرتار پور آ آنہی زند آژ پدھر بی آں ہموزا آنہی آ نزیخ دو دہائی ائے سفر کھُزا،ہمائی نیمگا آنہی آ سچائی ،دڑد مندی او مڑدم آنی نیمگا براوری ائے سبق داسا۔آنہی آ ہر مزہب
ائے مڑدم ائے مڑدم آنر درس داسا آنہی آ باز ڈھلا ایں رسم آنی مخالفت کھُزا۔کرتار پور آ بابا نانک
آ وتی روحانی پھیغام آنر عملی دیم داسا۔آنہی آ ہموزا نہ چھڑوئی آ یک لوغی ایں مڑدم ائے وڑا زند
گوازینتھا بلکہ یک کسان ائے ڈؤل چکا دی کار کھُزئی ۔آنہی ائے ہمیں زند گوازینغ ائے طریقہ آ مڑدم آنر باز متاثر کھُزا ۔او مڑدم آنہی ائے اصول آنی چکا جُزغ بنا کھُزا۔او آنہی منغ والا آنی یک براسی قائیم بیسا ہمائی اندرا بکھال،مسلمان،غریو زر والا درویش اوسؤداگر مچھیں اوار اساں۔
گورو ناناک ائے تعلیم ائے بنیاتی ایں مقصد اسا کہ مڑدم آنر جہان ائے اصلیت آنر منسؤآنہی اندرا
رپغی ایں او مچھیں ردینی آژ دیر بیسؤ سچائی ائے دگ چکا جُزغی ایں۔آنہی آ مدم آنی دڑد آ دیر
کھنغ آپا ہرکار کھُزا۔گورونانک ائے روگا جہان یک بناوٹی شئے ایں ۔کرتار پور آ گورونانک ائے
وخت ائے باز رسم مِلاں۔آنہانژ چھی ائے تعلق مزہب ،سنگت او پنگت آگو ایں۔کرتار پور راہداری
ائے بنگیج مارا وضہار براوری،مڑدمی دڑد ونڈغ او خالق کائینات ائے واحدانیت ائے گورونانک
ائے پھیغام آپا پدوارغ وقف کھنغ ائے تھنگوی موقع دا،