سرگال:پاکستان سَک بُنی ایں حالت اندرا

وتی صدر آژ گتؤ ڈن ائے وزیر تکا پاکستان ائے سرکار آ اینگے مسلہ آنی چکا وتی ویچار پدھر کھُزا ہماں کہ خاصیں وڑا ھند ائے اندری ایں مسلہ ایں ۔پاکستان ائے اسٹیبلشمنٹ آ گو اے یک اینگے گام ایں ہمائی ائے مٹ نعیں ۔نوہ نومبر ۲۰۱۹ آ ھند ائے مزن ایں عدالت آ اتر پردیش ائے باز کہنیں ڈغاری مسلہ چکا ہم صلاحی آگو فیصلہ داسغئے سا ہمائی آ پھدا رام مندر ٹھائینغ ائے دگ سدھا بیسا۔

ھند ائے عوام آ ہمیں فیصلہ ائے باز وشادگی کھُزا۔قاضی آں وتی فیصلہ آ اجودھیا ائے خایں ھَند چکا

مسیت ٹھائینغ آپا پنچ ایکڑ ڈغار دئے اغ ائے دی حکم داسا۔مرکزی او ریاستی ہڑ دوکین سرکار آں

ہمیں ڈغار آپا زمہ واری داسی آ شُزا۔فیصلہ ائے روگا متنازعہ آراضی یک ٹرسٹ ائے تحویل آ بی ،ہمائی آ سئے ماہ آنی اندرا مرکزی سرکار ٹھائینغ بِنا کھنت۔ایودھیا آ ڈغار ائے ملکیت ائے بارو آ فیصلہ ائے مقدمہ اندرا اوار مچھیں فریق آں وشادگی کھُزا۔ہماں پیشین آ سروزیر نریندر مودی آ اُمت

آگو گشتانگ کھُزا او ہمیں فیصلہ چکا اطمینان پدھر کھُزؤ گوشتئی کہ ھند معاشرہ ائے ہر طبقہ ،براسی او مزہب ائے مڑدم او مچھیں اُمت آ ہماں وڑا ہمیں فیصلہ آ قبول کھُزا ،آنہی آژ ملک ائے

صدی کہنیں ثقافت او رسم او روایت او ھُب پدھر بیسا۔مگہ ہمیں مچھیں اصلیت آنژ بی نیاز او حیران

او پریشان پاکستان آ ایودھیا آراضی ائے بارو آ ہم صلاحی آگو گتی ایں فیصلہ چکا بلا جواز ھَنچھو

ہی وتی ویچار پدھر کھُزا ہمائی ائے ھند سرکار آ باز بدگوشی کھُزا ۔ھند ائے ڈن ائے وزارت آ وتی

پیرا اندرا گوشتا کہ پاکستان ائے سروک آنی اندرا فہم او ادراک ائے باز کمی ایں ،اے ھچھ حیران

کھنوخیں ٹؤک نعیں پھرچھے کہ نفرت گیش کھنغ ائے ارادہ آژ ھند ائے اندری مسلہ آنی نیمگا آئیغ

پاکستان ائے حون اندرا اوار ایں ہمائی ائے ہمیختر دی بد گوشی کھُزی آ برؤ کھمین ایں۔پاکستان ائے

ڈن ائے وزارت ائے پیرا او ڈن ائے وزیر شاہ محمود قریشی ائے بیان بازی ائے جواب داسؤ ھند

ائے ڈن ائے وزارت آ گوشتا کہ یک دیوانی مقدمہ ائے بارو آ مزن ایں عدالت ائے فیصلہ چکا پاکستان آ ہماں کہ بلا جواز او توہین کھنغ ائے بیان بازی کھُزا،آنہی آ ھند سختی آگو مسترد کھنت۔

پھرچھے کہ اے آنہی ائے جند ائے مسلہ ایں او آنہی تعلق قانون ائے بالادستی آگو ایں او آنہی آژ مچھیں او عقیدہ آنی احترام پدھر بی ہمائی ائے پاکستان ائے اخلاقیات او قدر آنی اندرا دیر دیر تکا

دَرک نعیں۔عمران خان ائے سرکار پاکستان اے وخت سَک معاشی بحران ائے شکار ایں او ہمیں

بحران آ دیر کھنغ آ ناسوبی آ پھدا آنہی سرکار او اہلیت آ باز خطر لاحق ایں۔مولانا فضل الرحمن ائے

سروکی آ جمعیت العلمائے اسلام ائے ہزاراں کارکن آں اسلام آباد آ مظاہرہ کھُزؤ سر وزیر ائے استعفی ائے مطالبہ کھُزا۔زانتکار آنی روگا سروزیر عمران خان ھند ائے حلاپ ہماں کہ بیان بازی

کھنغیں شاید آنہی مقصد وتی اُمت ائے ہمیں مسلہ آنژ دھیان ہٹائینغ ایں مگہ پاکستان آ پوہ بی اغ لوٹھی کہ نوخیں دلی ائے پھجی آ آنہی سیال داری ہماں وخت تکا وشتر نویس بی ہماں وخت تکا

آں دھشت گردی آ بند نہ کھنت او ھند ائے اندری مسلہ آنی نیمگا آئیغ ائے وتی پالیسی چکا عمل کھنغ بند نہ کھنت۔