سرگال: پہ پاکستانئ سرئ وزیرا لھتین صلاح و شور۔

بہ پاکستانئ موجودین منظرنامہ، بازین سَکی و نا امیتئ ماحول دیستگ بیت۔ ایش ھر گجام وجئ داریت، یک مزنئن وجئ ایش انت کہ عالمین براسانی دیما، پاکستان پھد بہ پھد شہ چما کپتگیت و شہ وتی لھتین منفین رفتارانی وجا شہ عالمین براسانی چما گیشتر کپتگیت۔ بیدئ ایشی پاکستانئ گیسویین حالاتان اینکس پریشنائ وڑ انت کہ مردم شہ موجودین حکومتا شہ وھدہ کہ بہ واکا رستگیت و نون یک سال و چُنت ماہ پہ باز سکی گوازینتگیت و بی کچانہ ناراض و ناوشنود انت۔ موجودین اکتسادین بھران سَکین تشویشئ وڑ بوتگیت، پہ عامین شھروندان، گرانی نرخانی و ضرورین چیزانی بہ دست آرگئ سَکی و شہ ٹئیکسئ بھوجا سَک پازاب انت۔ سرئ ایشان، مگہ ھند و پاکستانئ سَکی کم نہ بوتگیت۔ شہ سیاسین بھرا، حکومت سَک گون تنقیدئ نشانا دیم پہ دیم انت۔ جمعیت العلمائ اسلام،مولانا فضل الرحمن ھم بناہ کرتگیت کوکارا و لوٹتگیت کہ سرئ وزیر عمران خان باید انت کہ استعفا دنت دیگہ ایش کہ گئوستگین سرئ وزیر بہ جیلئ تھا بی وس و لاچار کپتگیت و آی حالت باز نازورک گشتگ بوتگیت۔

عدالت آی دروائی خرابیا دیستہ و آی را بہ ڈنا شہ مُلکا پہ علاج کنگا روگئ اجازت داتگیت، مگہ حکومت پہ ضمانتا مزنئن زرئ لوٹتگیت، و عوام ای کارا عمران خانیا بیڑئ گرگ شہ نواز شریف تعبیر کرتگنت۔ مگہ شہ تازگین حالانی دیما، شہ اگزیٹ کنٹرل لسٹا نامئ در کرتگنت و نون آی لنڈن شوتگ کنت۔ بہر حال اگہ شہ ای مسئلہ ان گئوزنت، بین الاکوامین براسانی دیما، پاکستانئ کپگا شہ چمان بری بھر، لھتین حلقہ انی واوند ای وڑا صلاح و شور دینت پہ عمران خان کہ اگہ حکومت بہ سریش توجہ کنت و عمل کنت دیگہ ای حالتانا کمئ گیتیر کرتگ کنت تہ یک کچانہ پاکستانئ آبرو ھم ساتتگ بیت۔

ای وڑئ صلاح و شورئ دیوک سینیرئن سیاسین تجزیہ کار و سفارتکار، سیاسین وڑئ باشعورین کسانی نظر و حیال ھور انت۔ ھال انت کہ کرتارپورئ راھدارئ کہ بنگیج بوتیت، دیما سیاسین بھرا، جولین نظرئ داروک گئوستگین سفیر پاکستانئ بہ آمریکہ، چین و ھندوستان جھانگیر غاضی پہ عمران خان ای صلاح و شورا داتگیت کہ گون کمین حوصلہ لھتین شرین گام زورگا باید انت بیت و کمین پکر باید انت کہ کنت، آی ای ھبرا یات کرتہ و گشتگیت کہ ھندوستانئ سرئ وزیر پہ کرتارتپورئ کاریڈور حوالہ عمران خانی توصیفا کرتگیت و گشتگیت کہ، آی بری بھرا شرین گام بہ دیما زورتگیت۔ پہ امیشا شکریہ کنگئ مستحق بوتگ کنت، ھمی وڑا گشتگیت کہ بہ سیمین و کومین و بین الاکوامین کچانہ، پہ پاکستانئ آبرو ساتتنا، لھتین خاسین گام گرگئ باروا اگہ پاکستانئ سرئ وزیر کمین توجہ کنت دیگہ بازین مثبتین بدل بیگ دیستگ کننت، مثالئ وڑا ھند و پاکستانئ موجودین حالاتانی باروا کمین جراتئ نشان دیوک بیت، و امنئ کاز پر واک کنگا بوتہ و دیم بہ دھلی شوتہ لھتین عامین مسئلہ انی حل کنگا گون ھندوستان شریکین بیان رادگ کنت دیگہ شہ ای کاران بازین چیز بدل بوتگ کنت مثالئ وڑا ھوائ بدل بیگئ بھرا پہ آلودگئ کم کنگا و خطرانی یات کرتہ و دیگہ ای وڑئ بازین کار انت کہ دوکین مُلک بہ دیما گرنت و شرین عزمئ درا کنوک بنت و شہ نفرت و آچش پرینوکین ھبران گئوزنت۔ اشرف جھانگیر غاضی گیش کرتہ کہ ای کار نہ تھانکا پہ پاکستان و ھندوستان شرین پیگامئ بیت بلکہ پہ عالمین براسان باوڑئ وڑئ وش آتگی است و پہ ای کاران تچکین وھدہ گپ و ترانئ اڑ انت۔ پاکستان گون شرّین سیاست و مثبتین پکران چون دیگہ مُلکانیا پہ وتی معیشیتئ گیتیر کنگا و دیمرئی منصوبہ انی گیش کنگا اڑ انت و ای وڑا پہ پاکستان جوان انت۔ و ای وڑا عزتی بجا ساتتگ بیت کہ بہ ظاھرا پہ سرئ وزیر و آ حکومتا ای ھبر گشتگ بیت مگہ ھبر دیمئ آ کسان انت کہ شہ پردگئ پھدا حکومت کنگا انت۔