سرگال: بہ چینئ ایغورئ مسلمان و ای دیگہ مسلمانانی حال انت زار۔

ای وڑا شہ یک زمانگئ انت کہ عالمین براس و عالمین میڈیا دیما ای ھبر چار کننت کہ بہ چینئ شین جیانگ صوبہ، بہ برزین کچانہ بہ ایغورئ مسلمانانی سرا سَکی انت و بہ حراستئ کیمپانی تھا استنت۔ پہ آوان نہ تھانکا آوانی مذھبین آزاتی شہ آوان گپتگ بوتگیت بلکہ پہ آوان مجگانیش شوشتگنت۔ شہ نوکین نت راھان کٹ گرنت و بہ برزین کچانہ بری کیمپان بنیادمین حکانا پادموش کنگا انت۔ ای ھبر اوشکتگ بیت کہ نہ تھانکا گون ایغورئ مسلمانان ای رپتار بیت بلکہ ای دیگہ سیمانی نیندوکین مسلمانانی صورتحال ھم چندان جوان نہ انت۔ بہ شین جیانگ، بہ پنٹینشنئ کیمپئ نزیک بہ ۱۰ لکھ مردم ساتتگ بنت و بہ بنیادمین حکانی بھرا بہ برزین کچانہ حلاپ کنگئ نوٹس نہ تھانکا اکوام متحدہ گپتگیت بلکہ بازین دیگہ مُلکان ھم بری بھرا وتی تشویشئ درا کنگا بوتگنت و ھمی وڑا احتجاج ھم رادگ کنگا بوتگنت۔ لھتین مُلک ھور گون چین، پاکستانئ سرا ھم وتی ناونانا دیمئ آوان گپتگنت کہ پاکستان بہ ھندوستانئ جمو و کشمیرئ سیما زبر آچش روک کنوک انت۔ و ھندوستانئ سرا بنیادمین حکانی پادموش کنگئ الزام ھم جتگیت مگہ بہ آ نیمگا بہ چینئ سیما، بہ شین جیانگ گون مسلمانان ای وڑئ گیرانسانی رپتارئ بھرا کرار نشتہ و توار بال نیاریت و شہ چین ھم ای وڑئ سوج بیت، آ شیت کہ بہ شین جیانگ بہ دھشت گردیئ بھرا و انتھاپسندیئ بھرا، ھر چی کننت، کننت نہ کہ بنیادمین حکانا شہ نیاما برنت۔ مگہ بہ پاکستانا پہ دھشت گردیئ شگون کنگا عالمین براس و عالمین ادارہ، اگہ گجام شرّین گامئ زورنت، دیگہ چین پاکستانئ کوتا اوشتیت۔ مثالئ وڑا چُنت وھدہ دیما، جیش محمدیی سربراہ، مسعود اظھر اکوام متحدہ کمیٹہ نیمگا دھشت گردئ زانگئ تجویزا سبوتاژ و ویٹو کنگا بوتیت۔ گڈین مثال انت کہ ایف ای ٹی ایف نیمگا دھشت گردیئ فنڈنگ و منی لاونڈرگ سرا اوشتارینگئ وجا بہ پاکستان شرّین گامئ زورگا ڈبہ بوتیت۔ 

چین پہ پاکستانئ رکینگا، بہ ھر معاملہ کوشست کنگا انت۔ بہر حال تہ جائ کہ بہ ایغورئ مسلمانانی حالتئ بھرا سوج بہ دیما کائیت دیگہ لھتین ای وڑئ تکان دیوکین ریکارڈ بوتگین توار شہ فایلانی تھا بہ دیما آتگیت کہ حیرانی وڑ انت، مردم شہ تفصیلئ دیما، ھنگ کنگئ لھتین تعلیم گروک شین جیانگ پہ وتی کئولانی دیستنا ٹکٹ بوک کرتگنت، مگہ آوان شہ کجا زانتگنت کہ آوانی سیاس و ھم سیائگ بہ وتی گئسان موجود نہ انت پہ چہ کہ آوان بہ حراستین کیمپانی تھا برتگ بوتنت و ای حال مُچین ایغور و دیگہ مسلمان بہ چینئ تھا استنت۔ آمریکہ ھالٹاک نیویارک ٹائمز، پہ چینئ شین جیانگ سرکارین مکامان نوٹس رادگ کرتگیت کہ گشتگیت ھما تعلیم گروک کہ آتگنت آوانا یک نیمگا برتگنت و گشتگنت کہ وتی توارا بال میارنت، پہ آوان گشتگنت کہ اگہ کسئ شہ آوان خانوادہ سوج کننت، دیگہ گشنت کہ بہ سرکارین ٹرینینگ اسکولا استنت و آوان گجام مجرمئ نہ انت، مگہ نون شہ اودنا پھدا آتگ نہ کننت۔ چینئ اپسرانا رانشان دیوکی بوتگیت، ۴۰۳ تاکدیمین دستاویزئ رازا موجود انت۔ ای دستاویز لیکتگ بوتگنت کہ تروسئ وڑئ حالت شہ آوان درا بیت کہ بہ اینکس مزنئن آباتئ دھشت گردیئ الزامئ جنگ و بہ حراستا گرگ و پہ دیستنئش ھم اجازت نہ دیگئ سرا بنیادمین حکانی حلاپئ کنگ انت۔ 

بہ آسلا بہ ۲۰۱۴ موجودین سدر شی جین پنگ یک وار بہ شین جیانگ شوتیت و بہ اودان ۴ روچ گوازینتیت، آ وھدہ یک یا دو انتھاپسند ایغوری ٹرین اسٹیشنا ڈنا بم تراکینتنت کہ شہ ای وجا ۳۰ تہ ۳۱ مردم کشتگ بوتیت و لھتین ٹپی بوتنت، دیگہ ای دھشت گردین عمل و بدگشئ جاگہ مجرمانی گرگئ جاگہ بہ اینکس مردمئ سرا ای وڑئ نسلین توپیر نشانئ گرگ ۱۰ لکھ مردما،پ بہ حراستین کیمپانی برگیش و اودان آوانی ساتتن، آزار و اذییت کنگئ درائین وڑئ بنیادمین حکانی پادموش کنگ انت و ای دستاویز بہ نیویارک ٹائمز موجود انت و ای وڑئ پاکستانئ کرار نشتن گیندنت کہ ریاکاری انت۔