سرگال:پاکستان ائے وٹاژ دھشت گردی ائے سلسلہ تنک جُزغیں

پاکستان چاہے ہمیختر دی باور دیائینی کہ آں دھشت گرد آنی واہریائی نہ کھنغیں او اے کہ نی ایں سرکار ہمیں ٹؤک ائے مچھیں کوشست کھنغیں کہ پاکستان اندرا سرگرم دھشت گرد آنی چکا پابندی جھزی آ برؤ ہماں کہ ہمسائیگ ملک آنی اندرا ھلگر کھناں ،ہمیں وڑ ائے دعوی چھڑوئی آ بین الاقوامی براسی آر پھَرآمغ ائے براور ایں ۔پاکستان اغدی اغدی ہمیں ٹؤک ائے دعوی کھنت کہ آں
وا دھشت گردی ائے شکار ایں او اے کہ نی تکا لکھیں مڑدم دھشت گردی ائے شکار بیسغاں ،پاکستان ائے ہمیں دعوی چھی اے حد تکا راست دی بیس بی کہ آنہی آ دھشت گرد آنی حلاپ چھی اے حد تکا کاروائی دی کھُزا ہماں کہ وا پاکستان ائے سیکیورتی فورس ائے عملہ یا شہری آنر نشانہ
کھناں۔مگہ ہماں دھشت گرد آنی جھوک پاکستان اندرا آں او ہماں کہ ھند یا افگانستان چکا ھلگر کھناں
آنہاں نی بارو آ پاکستان ائے دعوی دروغ ایں ۔چھی ائ چھڑوئی آ پھیدھارغ ائے کاروائی کھُزئی مگہ آنہی مقصد ھند یا افگانستان آ بی اغ والا ھلگر آ دارغ نعیں بلکہ بین الاقوامی براسی او عالمی
براسی آ پھَرآمغ ایں ۔آنہی ائے اشی آژ مزن ایں مثال دوہمی چھئ بیس بی کہ ایف اے ٹی ایف آ وتی
نی ایں رپورٹ آ پاکستان آر ھَکل داسا کہ آں آؤخیں فروری تکا دھشت گرد آنی فنڈنگ او منی
لانڈرنگ ائے بارو آ ایکشن پلان ائے داسی ایں نشانہ پورا کھنت نہ تہ آنہی آر بلیک لسٹ آ اوار
کھُزی آ برؤ ۔ایف اے ٹی ایف ائے اے دی گُشغ ایں کہ پاکستان آر ۲۷ ٹک آنی چکا مشتعمل ایکشن
پلان چکا عمل کھنغی اسا مگہ آنہی آ چھڑوئی آ پنچ شش ٹک آنی چکا عمل کھُزا۔آنہی آژ چھے اے
پدھر نوی کہ آنہی آ باز سستی آگو کار کھُزا؟اگر پاکستان ائے نیت صاف بیس تہ ہماں کہ آنہی اٹکل
جہانی ایں ادارہ ائے وٹاژ ھکل داسی آ شُزغئے سا آں دھشت گرد آنی حلاپ ہماں تیزی آگو کاروائی
کھُرت۔پاکستان نی دی ایف اے ٹی ایف ائے گرے لسٹ آ اوار ایں چوش کہ آنہی آ مچھیں کوشست
کھُزا کہ آں ہمیں لسٹ آژ درا بی مگہ سوب مند نویسا ۔دھشت گرد ٹلہ آنی بازیں ٹلہ اینگے آں ہماں
بانر کہ اقوام متحدہ آ خطرناک دھشت گرد منسا ۔اصل آ پاکستان اندرا ہر شئے پؤجی استیبلشمنٹ ائے
دست آ ایں او اے ادارہ وا پاکستان ائے دی نہ منی۔دھشت گرد ٹلہ آنی نکیل پؤج ائے دست آ ایں یک
نی ایں مثال اش انت کہ کرتارپور صاحب کوریڈور ائے بارو آ پاکستان ائے سروزیر عمران خان
آ گوشتغئے سا کہ ھند آژ آئیغ والا ایں سکھ یاتری آنی آپا پاسپورٹ ائے شرط نوی مگہ نی ائے اُش
کھنغ آ آتکا کہ پاکستان ائے پؤج آں ہماں فیصلہ بد داسا ۔اشی ائے علاوہ پاکستان آ خالصتان ائے پوستر دی دیستی آ شزغاں آنہی آژ ہمیں اٹکل بی کہ پاکستان پؤج وتی ردین لیو آژ باز نیائے بلکہ
آں شرپسندی ائے نوخیں نوخیں دگ پھولغیں۔