Mann ki baat 25.11.2019
منی عزیزین ھموطن، بہ " من کئ بات" وش آتئیت۔ مروچین بار گون ورنائین مُلکئ ورنائن مردمان بناہ بیت؛ آوانی ھیجان، وطن دوستی و بی وتین حذمت کہ آوانی مُلکا دیمرئی دنت۔ رازئ کہ شما سی استئیت، ھر سالئ نومبرئ ماھئ چارمی ھپتگئ یکشنبہ روچ بہ ان سی سی روچا دود گپتگ بیت۔ اگہ عمومین وڑئ ھبر کنین، مئ ورنائن نسل " دوستئ روچا" گیشتر بہ یاتا دارنت۔ مگہ بازین دیگہ مردمئ استنت کہ برابیر ان سی سی روچا ھم بہ یات دارنت۔ مروچی بیائیت بہ ان سی سی باروا ھبر کننت۔ پہ من وھدہ ودی بیت کہ وت چُنت یاتمانانا تازگ کنین۔ دیم شہ آی بہ ان سی سی روچئ درگتا من وتی نیکین واھیگانا پہ ان سی سی مُچین کڈیتان دیما کنین، مُچین نونین و گڈین کڈیت۔ من ھم یک وھدہ کڈیت بوتگن۔ من حتئ مروچی ھم وترا یک کڈیتئ زانین۔ مشما مُچین سی انت کہ ھندیی کومین کڈیٹ کورپس یکئ شئ عالمئ مزنتری ورنائانی اورگنایزیشنان انت۔
ای یک سہ کوتین حذمتانی اورگنایزیشن انت کہ بہ آی تھا پوج، بحرین پوج و ھوائین پوج ھور انت۔ ان سی سی یعنی کہ سروکئ دیمرئی دیگ، وطن پرستی، بی وتین حذمت و نظم و سَکین کوشت ھر باسکئ شخصیتئ اھمین کوتئ انت کہ آوانا کرار کرار چو یک عادتئ جور کنگا بنت۔ پہ ایشی کہ ما گیشترین وڑئ بری بھرا ھبر کرتگ کننت، چُنت ورنائانا زنگ جننت نون کہ بہ ان سی سی تھا پہ وت نام جور کرتگت۔ بیائیت کہ گون آوان ھبر کننت۔
سرئ وزیر - مئ سنگٹ چُن استئ؟
ترنم خان- جئ ھند سرئ وزیر
سرئ وزیر- جئ ھند
ترنم خان- واجہ من جونیر اندر اپسر ترنم خان استن
سرئ وزیر- ترنم شما شہ کجا استئیت؟
ترنم خان- من شہ دھلی استن واجہ۔
سرئ وزیر- چُنت سال انت کہ بہ ان سی سی تھا استئیت؟ شمئ تجربہ چی راز بوتگنت؟
ترنم خان: واجہ من بہ ۲۰۱۷ سالا ان سی سی تھا شامل بوتن و ای گئوستگین سہ سال منی زندئ بھترین سال بوتگنت۔
سرئ وزیر: باز جوان، ما وشھال انت۔
ترنم خان: واجہ، من لوٹین وتی یکئ شہ وتی بھترین تجربہ ان بہ " یک بھارت- شرشتھ بھارت" کیمپانی تھا شریک کنین۔ ای کیمپ بہ اگست تھا تسر بوت و گونڈک شہ برزئ روچ دراتئ سیمان ھم آتتنت۔ ما گون آ کڈیٹان پہ ۱۰ روچا یکجا منتنت۔ آوانی زوان پہ ما معرفی بوت۔ بہ آوانی دود و ربیدگانی باروا ھم بازین چیزئ یات گپتنت۔ مثالی وڑا، " وایزومی" یعنی کہ سلام یا چون استئ؟ ھمی وڑا بہ دود و ربیدگانی شپان آوان پہ اما وتی چاپ و رقص آ ھم یات داتنت۔ ای نام انت تھرا۔ آوان پہ ما یات داتنت کہ چی وڑا "مئخلا" پُچ پوشتگ بنت۔ باور کنئیت، مئ ڈل شہ دھلی و مئ سنگٹ شہ ناگالینڈ مُچین جوان معلوم بوتنت۔ ما ھمی وڑا آوانا ھلی دور و برا چکر داتنت؛ کومین جنگئ میموریال و اینڈیا گیٹ آ ھم نشان داتنت۔ آدنا پہ آوان شہ دھکی وارتنیان چو " چاٹ" و بھلپوری آ ھم داتنت۔ مگہ آوان پکر کرتنت کہ باز تروند و مرچکی انت۔ آوان گشتنت کہ آوان سوپ و جوش داتگین سبزیانا گیشتر ورنت۔ شہ ھمی وجا آوانا وش نہ بوت مگہ بیدئ آی ما بازین عکسئ گپتنت و بازین یات و تجربہ گون یکئ آ دیگرا شریک کرتنت۔
سرئ وزیر- شما نون ھم گون یکئ آ دیگرا بہ تماس استئیت؟
ترنم خان- بلہ واجہ، ما نون ھم بہ تماس انت۔
سرئ وزیر- باز جوان انت۔
ترنم خان- بلہ واجہ
سرئ وزیر- دیگہ آدنا گون شما کئ انت؟
ھری جی.وی- جئ ھند واجہ
سرئ وزیر- جئ ھند
ھری جی.وی- من شری ھری جی.وی سروکین اندر اپسر استن و شہ کرناٹکائ بنگلور شھرا استن۔
سرئ وزیر- کجا درس وانئیت؟
ھری جی.وی- کریستوجینتی کالج، بنگلور تھا۔
سرئ وزیر- بہ بنگلور تھا؟
ھری جی.وی- بلہ واجہ
سرئ وزیر- نون گوش پہ من
ھری جی.وی- واجہ م زیئن روچا شہ ورنائانی اکسچینج پروگراما آتن کہ بہ سینگاپور تھا ات۔
سرئ وزیر - باز جوان
ھری جی.وی- بلہ واجہ
سرئ وزیر- پہ شما فرصتئ داتگ بوت کہ بہ آدنا بروئیت؟
ھری جی.وی- بلہ واجہ
سرئ وزیر- شمئ تجربہ بہ سینگاپور تھا چی وڑا ات؟
ھری جی.وی- شش مُلک بہ آدنا آتنت کہ بہ آوانی تھا، برطانیہ، آمریکہ، سینگاپور، برونی، ھنگ کنگ و نیپال ھور اتنت۔ بہ آدنا ما گون یکئ آ دیگرا بین الاکوامین پوجین تمرینانی جنگئ تعلیمانا گون یکئ ا دیگرا شریک کرتنت۔ مئ کارکردگی بہ آدنا بہ برزین کچانہ جوان ات۔ بہ آدنا ما آپین سپورٹ و دیگہ ھیجانین چیزانا یات گپتنت۔ بہ واٹر پولو تورنمنٹ تھا ھندین ڈل سوبین بوت۔ و بہ دود و ربدیگین پروگرامان ما بھترین اتنت۔ واجہ آوان شہ مئ ڈریل و کمانڈ آ وش گشی کرتنت۔
سرئ وزیر: ھری چُنت مردم شہ شما ادنا اتنت؟
ھری جی.وی- ۲۰ مردم واجہ۔ ۱۰ بانوک و ۱۰ مردینزاگ اتنت۔
سرئ وزیر- جوان انت۔ آوان شہ ھندیی دیگہ ایالتان اتنت؟
ھری جی.وی- بلہ واجہ۔
سرئ وزیر- باز جوان، شمئ سنگٹ ھم چمبراہ بنت کہ شمئ کئسہ انا گوش دارگا بنت منا باز وش ات۔ دیگہ کئ گون شما انت؟
وینول کیسو- جئ ھند واجہ
سرئ وزیر- جئ ھند
وینول کیسو- من سروکین اندر اپسر وینول کیسو استن۔ واجہ من شہ ناگالینڈئ ایالتا کہ بہ برزئ روچ دراتئ سیمان انت استن۔
سرئ وزیر۔ جوان انت وینول پہ ما شہ وتی تجربہ کئسہ کن۔
وینول کیسو- واجہ من بہ جکھاما، سینٹ جوزف کالج تھا درس وانین بہ تاریخ باروا۔ من بہ ۲۰۱۷ سالا ان سی سی تھا اتن۔ واجہ ای منی بھترین و جوانترین زندئ فیصلہ ان ات۔
سرئ وزیر- گون ان سی سی شہ کجا دورہ کنگئ چانس آ بہ دست آورتئیت؟
وینول کیسو- واجہ من شہ ان سی سی بازین چیزانا یات گپتن و آ منا بازین فرصت دات۔
من لوٹین وتی تجربہ انا گون شما شریک کنین۔ ای سالی بہ جون ماہ من بہ یک کیمپئ تھا کوت گپتن۔ ایش یک سالینہ ئن ٹرئینینگ کیمپئ ات کہ بہ سازولئ کالج تھا بہ کوھیما تسر بوت۔ ۴۰۰ کڈیت بری کیمپئ تھا کوت گپتنت۔
سرئ وزیر - شمئ مُچین سنگٹ بہ ناگالینڈ تھا لوٹوک انت حتما کہ سی بنت شہ چُنتی جاگان بہ ھندیی تھا کہ شما دورہ کرتگئیت چی وڑا تیر بوتہ، شما وتی تجربہ گون آوان شریک کنئیت؟
وینول کیسو- بلہ واجہ
سرئ وزیر- دیگہ کئ گون شما انت؟
اکھیل- جئ ھند واجہ من جونیر اندر اپسر اکھیل استن۔
سرئ وزیر- بلکہ اکھیل گش پہ ما
اکھیل- من شہ ھریانائ روتھک سیمان استن
سرئ وزیر- جوان انت
اکھیل- بہ دھلئ یونیورسٹی دیال سینگھ کالج آ من بہ فیزیک بھرا درس وانین۔
سرئ وزیر- جوان انت۔
اکھیل- واجہ ان سی سئ بھترین چیز نظم انت
سرئ وزیر - شرّ
اکھیل- منا ایش یک ذموارنین شھروندئ جور کرتگیت۔ و منا ڈریل و ان سی سی کڈیٹ یونیفورم ھم باز وش انت۔
سرئ وزیر- بہ چُنت کیمپانی تھا کوت گپتگئیت؟ و شہ چُنتی جاگان دورہ کنگئ چانس پہ شما داتگ بوتہ؟
اکھیل- واجہ من بہ ۳ کیمپانی تھا کوت گپتگن۔ بہ ھمی وھدان بہ دھرادون تھا بہ ھندیی پوجین ایکاڈمی تھا بہ یک کیمپئ تھا کوت گپتن۔
سرئ وزیر- چُنت روچین کیمپئ ات؟
اکھیل- واجہ ایش ۱۳ روچین کیمپئ ات۔
سرئ وزیر- شر
اکھیل- واجہ من بہ آدنا شہ نزیکا دیستن کہ چی وڑا اپسر بہ ھندیی پوجئ تھا داخل بنت۔ و رندا شہ آی منی فیصلہ پہ کار کرتن بہ ھندیی پوجئ تھا بہ یک پوجین اپسرئ پیما سَکتر بوتگیت۔
سرئ وزیر- باز جوان انت۔
اکھیل- و واجہ من ھمی وڑا بہ جمھوریتئ روچئ پریڈ تھا کوت گپتن کہ پہ من و منی الک و اعیالا فخرئ وڑ ات۔
سرئ وزیر- آفرین
اکھیل- واجہ منی ماس شہ من وشھالتر ات۔ وھدہ کہ ما ۲ سھبا شہ وابا اوستانت و بہ راجپتھ پہ تمرینا شوتنت شہ مئ دیما مئ ھیجان درا ات۔ دیگہ مردم ھم ما را بہ برزین کچانہ روحیہ داتنت۔سرئ وزیر- باز جوان انت من گون شما ھر چار مردما ھبر کرتگ کرتن بہ ان سی سی روچا۔ پہ من وشھالئ وڑ انت پہ چہ کہ من ھم بہ وتی الکانی مکتبا کرتگ کرتن کہ بہ ان سی سی کڈیت تھا کوت گرین و من زانین کہ ای نظم و یونیفورم مئ روحیہ و اعتماد بہ نفس آ گیش کنت و من فرصتئ بہ گونڈکیا داشتن کہ ان سی سی تھا تجربہ کنین۔
وینول- واجہ سرئ وزیر من ھم یک سوجئ دارین۔
سرئ وزیر- باز جوان۔ سوج کن۔
وینول- شما ھم ان سی سی تھا کوت گپتگئیت
سرئ وزیر- کئ؟ وینول ھبر کنت نون؟
وینول- بلہ واجہ، بلہ واجہ
سرئ وزیر- بلہ وینول سوج کن
وینول- پہ شما ھم جزا داتگ بوت؟
سرئ وزیر- "اندتنت" یعنی پہ شما جزا داتگ بیت؟
وینول- بلہ واجہ۔
سرئ وزیر- نہ! ایچ وھدہ نہ۔ پہ چہ کہ من منظم اتن۔ مگہ یک وھدہ غلط فھمی تسر بوت۔ وھدہ کہ ما کیمپ تھا اتنت من بہ درختئ سرا برز بوتن۔ اول سرا مُچین پکر کرتنت کہ من کانونا پروشتگن مگہ رندا مُچی زانتنت کہ یک پرندہ بہ کاگد پران تارا بند ات۔ من برز بوتن کہ آی را جات دئین۔ اول سرا ای راز درا بوت کہ منی حلاپا نظمئ بھرا گام زورتگ بیت مگہ رندا شہ من بہ برزین کچانہ وش گشی کرت۔ بری بھرا منی تجربہ توپیر داشتگیت۔
ترنم خان- واجہ باز وشھالئ وڑ انت ای ھبر۔
سرئ وزیر- شکریہ
ترنم خان- من ترنم استن واجہ۔
سرئ وزیر - بلہ ترنم ھبر کنئیت۔
ترنم خان- اگہ شمئ اجازت بیت من ھم یک سوجئ دارین۔
سرئ وزیر- بلہ
ترنم خان- واجہ، شما بہ وتی پیگامانی تھا گشتگئیت کہ ھر شھروندئ باید انت کہ بہ ۳ سال تھا شہ ۱۵ جاگان بہ ھندیی تھا دورہ کنت۔ شما پہ ما گشتگ کنئیت کہ شہ کجا دورہ کننت؟ و کجام جاگہ ات کہ شما ادنا بھترین احساسا کرتئیت؟
سرئ وزیر- منا گیشترکین وھدان ھیمالیا وش ات۔
ترنم خان- بلہ
سرئ وزیر- مگہ سرئ آی من ھندیی استمانا لوٹین کہ اگہ طبیعتا دوست دارنت،
ترنم خان - بلہ واجہ
سرئ وزیر- مزنئن جنگل، آپشار، اگہ شما لوٹئیت یک خاسین ماحولئ را تجربہ کنئیت من پہ مُچان گشین کہ شہ برزئ روچ دراتئ سیمان دورہ کننت۔
ترنم خان- بلہ واجہ
سرئ وزیر - من ھر وھدہ ای حکیکتا گشین و امیتوار استن کہ گون ایشی برزئ روچ دراتئ سیمان توریزم دیمرئی کنت؛ اکتساد بہ برزین کچانہ ای وڑا دیمرئی کنت و ھمی وڑا " یک بھارت، شرشتھ بھارت!" دیمرئی کنت و مستحکم بیت۔
ترنم خان- بلہ واجہ۔
سرئ وزیر- مگہ بہ ھندیی تھا بازین جاگہ انت کہ ارزش دورہ، درس وانتن و دیستنا دارنت۔
شری ھری جی.وی- سرئ وزیر من شری ھری استن۔
سرئ وزیر - بلہ شری ھری گوش پہ من۔
شری ھری جی.وی- من لوٹین زانین کہ اگہ شما سیاستمدارئ مہ بوتنئیت چی بوتئیت؟
سرئ وزیر- ایش نون یک سَکین سوجئ انت۔ پہ چہ کہ ھر گونڈکئ وتی زندئ تھا چُنتی دورہ انا تیر کنت۔ یک وھدہ یک چیزئ لوٹیت بیت و دیگہ وھدہ دیگہ چیزی۔ مگہ ی ھبر راست انت کہ من ھیچ وھدہ نہ لوٹن کہ بہ سیاستئ تھا بیائین و ھیچ وھدہ بہ ایشی باروا پکر ھم نہ کرتن۔ مگہ نون کہ من بہ ادنا رستگن من ھر وھدہ پکر کنین کہ چی وڑا پہ مُلکئ جوانی آ کار کرتگ کنین شہ دل۔ و ای پکر کہ اگہ من ادنا مہ بوتنن کجا لوٹن بئین؟ ای پکر ھیچ وھدہ نہ باید انت کہ منی سرا بیائیت۔ نون بری جاگہ کہ من رستگن باید پورہ ئن وڑئ زندگی کنین و پہ وتی مُلکا بہ برزین کچانہ کار کنین بیدئ ایشی کہ پکر کنین روچ انت یا شپ۔
اکھیل- سرئ وزیر
سرئ وزیر – بلہ
اکھیل: گہ شما روچان مصروف استئیت، من لوٹین زانین شما وخت و وھدہ پہ ٹی وی و فلمانی سیل کنگا یا کتابانی وانتنا ودی کنئیت یا نہ؟
سرئ وزیر- من ھر وھدہ شہ کتابانی وانگا وش اتن۔ ھیچ وھدہ فلمانی سیل کنگئ شوقا نہ داشتن و ٹی وی آ ھم گون ھمی شوقا سیل نہ کرتن۔ باز کم سیل کنین۔ دیمترا من ڈیسکاوری چینلا سیل کرتن۔ و کتاب ھم وانتن دیمترا۔ مگہ بری روچان شہ گوگل وجا وانتگ نہ کنین، وانتنئ عادت کم بوتگیت پہ چہ کہ اگہ شما یک چیزئ باروا معلومات لوٹئیت، ھما دم ودی کرتگ کنئیت۔ ھمی راز چو ای دگران منی بازین عادت ھم خراب بوتگنت۔
شر، منی سنگتان من باز وشھال بوتن گون شما ھبر کرتن و گون شما پہ مُچین ان سی سئ کڈیتان سوبئ لوٹوک استن۔ باز باز شکریہ منی سنگتان، شکریہ!
مُچین ان سی سی کڈیت- باز باز شکریہ واجہ، شکریہ!
سرئ وزیر- شکریہ، شکریہ۔
مُچین ان سی سی کڈیت- جئ ھند واجہ
سرئ وزیر- جئ ھند
منی دوستین سنگتان، مشما ھیچ وھدہ نہ باید شموشنت کہ سلیحبندین پوجانی فلگ ڈئ بہ دسامبرئ ھپتا دود گپتگ بیت۔ بری روچا وھدہ کہ ما وتی احترامانا پہ مئ باتورین پوجیان پہ آوانی باتوری و کربانئ کہ داتگنت درا کننت، ما ھمی وڑا وتی کوتا ھم دینت۔ تھانکا احترامئ اشتن کافی نہ انت۔ کوت گرگ ھم زروری انت و مُچین شھروند باید انت کہ بہ دسامبرئ ھپتا دیما بیائنت و مُچین باید انت کہ سلیحبدنین پوجانی بیرق آ داشتگ بنت، ھر مردمئ باید کوت گیت۔ بیائیت یکجا بری درگتا و روچا وتی شکریہ پہ سلیحبندین پوجانی شھامت و باتوری آ درا کننت و باتورین پوجیانا یات کننت۔
منی عزیزین ھموطن، تہ نون شما شاید شہ "فیٹ اینڈیا" جنبش آ سی بئیت۔ سی بی اس سی یک جوانین گامئ زورتگیت کہ "فیٹ اینڈیائ ھپتگ" بناہ کنت۔ اسکول "فیٹ اینڈیا ھپتگ" بہ دسامبرئ ماہ تھا ھر وھدہ دود گپتگ کننت۔ بہ فیٹنس بھرا چُنتی پروگرام تسر بیگا انت۔ بہ ایشانی تھا، سوج و پرس، لیکتن، رسامی، محلین و ربیدگین سپورٹ، یوگاسنا، چاپ، سپورٹ و گوازیانی مسابقہ۔ تعلیم گروک و آوانی تعلیم دیوک و ماس و پئس ھمی وڑا بہ فیٹ اینڈیائ ھپتگا کوت گپتگ کننت۔
مگہ شما نباید شموشئیت کہ فیٹ اینڈیا تھانکا بری باروا نہ انت کہ وتی پکرئ تھا سپورٹ کنئیت یا بہ کاگدئ سرا فیتنس پلان جور کنئیت یا بہ وتی موبایل یا لپ تاپ یا کمپیوتر تھا فیتنس اپلیکشنانا سیل کنئیت۔ شما باید انت وتی وارتنئ عادتانا بدل کنئیت۔ من شہ مُچین مکتبان و تعلیمین دپتران بہ مُچین ایالتان لوٹوک استن کہ بہ دسامبرئ ماہ فیٹ اینڈیائ ھپتگا بہ ھر مکتبئ تھا دود گرنت۔ گون ایشی مئ روچانگین کارانی تھا فیتنس آ گون کرتگ کننت۔ بہ فیٹ اینڈیا گام گرگئ تھا اسکولانا شہ آوانی فیتنس دیما درجہ بندی کننت۔ ھما اسکولئ کہ ای درجہ پہ آوان برسیت فیٹ اینڈیائ لوگو و بیرک آ استفادہ کرتگ کننت۔
بہ فیٹ اینڈیا پورٹل تھا اسکول وترا فیٹ گشتگ کننت۔ فیٹ اینڈیا سہ استار و پنچ استار درجہ بندی داتگ بنت۔ من شہ مُچین اسکولان لوٹوک استب کہ بہ فیٹ اینڈیائ رنکنگ یا درجہ بندی سیستمئ تھا ثبت بنت۔
منی ھموطن، مئ مُلک باز مزن انت و راز رازئ مردم دارنت۔ باز نورمال انت کہ بازین چیزئ شہ مئ پکرا ڈنا بنت۔ مگہ من لوٹین یک چیزئ را گون شما شریک کنین۔ چُنت روچ دیما بہ مای گورمنت پورٹال تھا من یک پیگامئ را دیستن۔ واجہ رامیش شرما شہ آسامئ ناگاون سیمان ای پیگاما لیکتگنت۔
آوان لیکتگنت، کہ یک فسٹیوالئ بہ براھماپوترائ دریابا دود گپتگ بیت۔ ایشی نام انت براھماپوترا پوشکار۔ ای فسٹیوال بہ ۴ و ۱۶ نومبرئ تاریخ نیاما تسر بیت و مردم شہ مُلکئ مُچین سیمان کائینت کہ بہ براھماپوترا پوشکار تھا کوت گرنت۔ شما ھم تعجب کرتئیت رندا شہ ایشی اوشکینتنا؟ ای یک اھمین فسٹیوالئ انت و مئ پئس و جد ایشی را رای جور کرتگنت کہ اگہ شما اوشکیئنت دیگہ ھم تعجب کنئیت۔
مگہ بدبختانہ تہ حدئ کہ ایشی باروا باید معلومات بہ مُلکئ ھر نیمگئ نشر بوتن و بہ آی باروا تبلیغات بوتن، نہ بوتگیت۔ و ای ھبر ھم راست انت، کہ ای پروگرام یک مُلکئ یک پیگامئ انت۔ کہ ما مُچین یکئ انت۔ ایش ما را ھما احساسا دنت و انرژی دنت۔
اول سرا من لوٹین پہ شری رامیش شکریہ گشین کہ شہ من کی بات فورم راھ وتی پکر و حیالا شریک کرت۔ شما ھمی وڑا گشتگئیت کہ شہ ایشی ناوشنود استئیت کہ انچین اھمین پروگرامئ ھمانکس کہ باید بہ ای باروا ھبر داتگ بیت مُلکئ تھا نہ داتگ بوتہ۔ و من بری بھرا گون شما ھمپکر استن۔
بازین مردمئ بری مُلکئ تھا شہ ایشی سی نہ انت۔ اگہ کجام مردمئ پہ ایشی نامئ "بین الاکوامین دریابئ فسٹیوال" یا دیگہ نامی داتن، رندا مُلکئ مُچین سیمان بہ آی باروا گپ و ھبر بوت۔
منی عزیزین ھموطن، پوشکارام، پوشکارالو، پوشکارھا، ای لغتانا تہ نون گوش دارگا بوتگئیت؟ شما زانئیت ای چی انت؟ من پہ شما گشین۔ ای راز رازئ نام انت کہ گون ایشان مُلکئ تھا ۱۲ جیتائین دریابانی فسٹیوال دروست بنت۔ ھر سالئ تھا یک دریابئ، بری معنا انت کہ یک دریابئ فسٹیوال ۱۲ سال رندا تسر بیت۔ و ای فسٹیوال ھر سال جیتائن دریابئ فسٹیوالئ وڑا تسر بیت و ۱۲ روچگ انت۔ ھمی راز چو کومبھ میلہ ای فسٹویال ھم کومین اتحادا دیمرئی دنت۔ و " یک بھارت - شرشتھ بھارت" فلسفہ ھم مستحکم کنت۔ پوشکارام یک فسٹیوالئ انت کہ دریابئ اھمیت و مزنی و جوانی و ای اھنیت بہ مئ زندان ای مُچین ھبر یات بنت۔
مئ پئس و جد بہ طبیعت، ماحول، آپ و زمین و جنگلان بہ برزین کچانہ اھمیت داتگنت۔
آوان دریابانی اھمیتا سرپھد اتنت و کوشست کرتنت کہ سماجی تھا بہ دریابانی باروا یک مثبتین پکرئ بیارنت۔ آوان ھر وھدہ کوشست کرتنت کہ دریابا گون ربدیگان جوڑیننت گون سماجا یکجا جوڑیننت۔ و جالبین ھبر ایش انت کہ ای کار نہ تھاناکا سماجا گون دریابان نزیک کرت بلکہ مردمانا گم گون یکئ آ دیگرا نزیکتر کرت۔ گڈین سالا پوشکارام بہ ٹامل ناڈو تامیرابرانی دریابئ سرا تسر بوت۔ ای سالی ای بہ براھمپوترا دریاب سرا تسر بوت۔ آیوکین سالئ تھا بہ ٹلنگانہ، آندھرا پردیش و کرناٹکا تھا بہ تونگبھادرا دریابئ سرا تسر بوت۔
یک رازئ شما کرتگ کنئیت توریستین وڑئ شہ ۱۲ جاگان دورہ کنئیت۔ بری بھرا من لوٹین کہ شہ آسام مردمئ میزبانی و دوستی و گرمی آ وش گشی کنین۔ کہ پہ عالمئ مُچین دورہ کنوکان شرّین وڑئ چو میزبانئ بوتگیت۔
ھمی تنظیم کنوک ھم پہ پاکی آ بہ برزین کچانہ اھمیت داتگنت۔ آوان شہ پلاسٹک آ کٹ نہ گپتگنت۔ بایو ٹوالٹ ھم بہ بازین جاگان موجود اتنت۔ من امیت درا کنین کہ ای فسٹیوال مئ آیوکین نسل آ ھم گون دریابان نزیک کننت۔ طبیعت، ماحول و آپ ای مُچین چیز نہ تھانکا باید مئ توریزمئ کوتئ بنت بلکہ مئ زندئ یک کوتئ باید بنت۔
منی عزیزین ھموطن، ورنائن شویتا شہ مدھیا پردیش لیکتگنت۔ و گشتگنت کہ واجہ من بہ صنف ۹ درس وانین و یک سال منتگیت پہ منی بورڈ امتیانان۔ مگہ من ھر وھدہ شمئ گپ و ھبرانا گون تعلیم گروکان و امتیانئ واریرزان گوش کشین۔ من شہ ای وجا پہ شما لیکتگن کہ شما وتی نوکین گپ و ترانا بہ امتیان باروا تہ نون تنظیم نہ کرتگئیت من شہ شما لوٹین کہ بہ زوترین وھدہ تسر کنئیت ای گپ و ترانا، اگہ بیت بہ جنورئ تھا تنظیم کنئیت۔
سنگتان، ای یک چیزئ انت بہ " من کی بات" پروگرام باروا کہ منا باز وش بیت۔ گون ای دوستی کہ منی ورنائن دوست گون آی پہ من شکایت کننت، پہ من ھدایت دینت یا لوٹگانا دیما کننت، من باز باز وشھال بئین۔ شویتا جی شما ای سَکی آ بہ شرّین وھدہ دیما آورتگئیت۔ امتیان نزیک انت چو ھر سالئ دیگہ ما باید بہ امتیان باروا گپ و تران کننت۔ و شما راست گشئیت ای پروگرام ای سالی باید انت کہ زوتئ تسر بیت۔
رندا شہ آخری امتیانانی گپ و ترانا، چُنتی مردم لیکتگنت و لوٹگانا درا کرتگنت کہ ای پروگراما را جوانتر کننت۔ بازین مردم شکایت کرتگنت کہ ای پروگرام باز نزیک بہ امتیانانی وھدہ تسر بیت۔ و شویتا راست گشیت من باید انت کہ ای پروگراما بہ جنورئ ماہ تسر کنین۔ اچ آر ڈی وزارت و مای گورنمنت تین یکجا بہ ایشی سرا کار کننت۔ من کوشست کنین کہ ای گپ و ترانا بہ امتیانانی باروا بہ جنورئ ماہ اول سرا یا آخر سرا تسر کنین۔ منی تعلیم گروکین سنگت بہ مُلکئ تھا دو فرصت دارنت۔ یکئ ایش کہ شہ وتی اسکولانی نیمگا بہ ایشی تھا کوت گپتگ کننت و دوم ایش کہ بری پروگراما کہ بہ دھلی تھا تسر بیت کوت گپتگ کننت۔ تعلیم گروکئ کہ بہ دھلی تھا کوت گرنت شہ مای گورنمنت پورٹال راہ گیچئن بنت۔ ما باید امتیانانی تروسا یکجا دور کننت۔
من لوٹین منی ورنائن سنگٹ بہ امتیانانی وھدہ اندنت و آوانی پئس و ماس استرس داشتہ مہ بنت و آوانی تعلیم دیوک اطمینان داشتگ بنت۔
ما ھر وھدہ کوشست کرتگنت کہ ای مکسدا بہ دست بیارنت۔ شہ من کی بات پروگرام راھ، شہ امتیانانی گپ و تران و یا گون اگزام واریرز کتابا۔ تعلیم گروک، ماس و پس و تعلیم گروک شہ مُلکئ مُچین ھندان بری مشنئ دیمرئی دیگا کوت گپتگنت و من شہ آ مُچان وشھال استن۔
سنگتان، بہ گڈین من کی بات بارا ما بہ ۲۰۱۰ اللہ آباد محکمہ فیصلہ بہ آیودھیا مسئلہ بھرا گپ و تران کرتنت۔ و من پہ شما گشتن، چی وڑا ما آ وھدان یکی و تپاک و امن و امانا ساتتنت۔ یا دیم شہ آ فیصلہ یا رندا شہ فیصلہ۔ ای واری ھم بہ نومبرئ ۹ تاریخا، ۱۳۰ کرور ھندیی یک وارئ دیگہ ای ھبرا ثابت کرتنت کہ پہ آوان کومین مفاد اھم انت۔
اتحاد، یکی و تپاک ارزش مئ مُلکئ تھا بہ برزین کچانہ اھمیتئ وڑ انت۔ وھدہ کہ بہ رام مندیر باروا فیصلہ بوت پورہ ئن مُلک ای فیصلہ منتنت۔ آسان و راحت و گون یکی ای فیصلہ منتنت۔ مروچی شہ من کی بات راہ من لوٹین وتی مُچین ھموطنانان شکریہ گشین۔ یک نیمگا یک کانونین جنگئ الاس بوتگیت و دیگہ نیمگا مئ مُلکئ تھا کانونی عدالت بھرا احترام گیش بوتگیت۔ رندا شہ سرئ محکمہ ای تاریخین فیصلہ مئ مُلک بہ نوکی راھئ تھا دیما روت گون نوکین مکسدئ پر شہ نوکین امیت و ارمانان۔
منی عزیزین ھموطنان مئ دود و ربیدگ و مئ زوان اتحاد و یکئ و تپاکئ پیگاما پہ عالما رسیننت۔ ۱۳۰ کرور ھندیی یک مُلکئ شھروند انت کہ بہ آی باروا گشتگ بوتہ۔ " آپئ مزگ رندا شہ ھر چُنت کیلومترا بدل بیت، زوان ھر مایل سرا بدل بیت۔ بہ چُنتی قرنان چُنت صد زوان مئ مُلکئ تھا ودی بوتگنت و دیمرئی کرتگنت۔
ھمی وڑا تروس انت کہ ای زوان و لھجہ زیان مہ بنت۔ ھمی وھدان من یک کئسہ وانتن بہ دارچولائ باروا بہ اوتراکھند تھا۔ منا باز وشھال کرت۔ رندا شہ ای کئسہ وانتنا من زانتن کہ مردم چی راز دیما کاینت و وتی زوانانا دیمرئی دینت۔ ای کئسہ شہ ای وجا پہ من جالب ات پہ چہ کہ من وھدہ کہ شہ نیپال دورہ کرتن بہ دھارچولا منتتن۔ نیپال بہ یک نیمگئ انت و کالی گنگا بہ دیگہ نیمگئ۔ چُنتی مردم بہ دھارچولا تھا وتی زندا دیما برنت کہ وتی نیاما بہ رنگلو زوانا ھبر کننت۔ آوان ناوشنود انت کہ ھما مردمانی کچانہ کہ ای زوانا ھبر کننت کم کم کم بیگا انت۔ آوان یک روچئ یکجا بوتنت و فیصلہ کرتنت کہ وتی زوانا ساتنت۔ و بہ زوترین وھدہ رنگ کمونٹی استمان یکجا بوتنت۔
شما متعجب بئیت وھدہ کہ زانئیت ای کمونٹئ تھا باز کمین مردم انت۔ آوان شاید تہ دہ ھزار کچانہ بنت۔ مگہ پہ رانگلو زوانئ ساتتنا ھر کجام کوت گپتنت۔ ۸۴ سالگین دیوان سینگ و یا ۲۲ سالگین ورنا وئیشالی گربیال۔ پروفسر یا تجار مُچین کوت گپتنت۔ بری بھرا شہ سوشل میڈیا کٹ گپتگ بوت و چُنتی گروپ بہ واتسپ تھا جور بوتنت۔ ای زوان کجام اسکریپت نہ داریت و تھانکا بری زوان تھا ھبر بیت۔ شہ ھمی وجا مردم وتی کئسہ آنا و شیر و وانتنانا شہ واتسپ راہ گون یکئ آ دیگرا شریک کرتنت۔ واتسپ یک تعلیمین صنفئ جور بوت کہ بہ آی تھا مُچی ھم تعلیم گروک اتنت و ھم تعلیم دیوک۔
سنگتان، یک دیگہ اھمین ھبرئ ایش انت کہ بین الاکوامین کونسل ۲۰۱۹ سالا جار کتگیت کہ " عالمین بومین زوانانی سال" انت۔بری معنا انت کہ ھما زوانئ کہ کرار کرار شہ نیاما زیان بنت آوانی تحفظ کوشست بیت۔ یکصد و پنجاہ سال دیما، مودرن ھیندیئ پئس بھارتیندو ھریشچندرا ھمی وڑا گشتتنت۔
" یکئ زوانئ دیمرئی آی پورہ ئن دیمرہی منبع انت، مُچین دیمرئی بی معنی انت اگہ شہ ماسین زوان ساتتنا غفلت بیت۔ "
بری معنا انت کہ ھیچ دیمرئی ممکن نہ انت اگہ مئ ماسین زوانئ معلوماتا ما داشتگ مہ بنت۔ ای گامئ کہ شہ رنگ کمونٹئ نیمگا زورتگ بوتگنت راھ پہ عالمئ دیگہ استمانا نشان دیگا انت۔
بہ ۱۹ قرن آخر سرا، مھاکاوی ( مزنئن شیر گوشوک ) سبرامانیا بھارتی یک شیری گشتتنت و آ شیر بہ ٹامل زوانا ات۔
آ وھدہ آوان گشتنت کہ ماس ھند ۳۰ کرور دیم داریت و یک بدن۔ آ ۱۸ زوان ھبر کنت مگہ چو یکئ پکر کنت۔
منی عزیزین ھموطن بازین وھدان زندئ تھا دنیائین چیز پہ ما مزنئن و اھمین پیگام دینت۔ چُنت روچ دیما من یک پیگامئ بہ میڈیائ تھا بہ آپ گوازانی باروا وانتن۔ یک روچئ ای اسکوبا ڈایور کہ بہ ویشاکاپٹنام تھا تعلیم دینت بہ منگاماریپیتا ساحل تھا پلاسٹیک و بوتل آپانا دیستنت۔ وھدہ کہ آوان پاک کرتنت ا جاگانا زانتنت کہ حالات خرابتر انت۔
آوان رندا سی بوتنت کہ دریاب پر شہ گندگین چیزان انت۔ چُنتی گئوستگین روچان آوان ۱۰۰ مٹر جھول آپ گوزی کننت و مُچین گندگین چیزانا در کننت۔ و پہ من ھبری رستگیت کہ تھانکا بہ ۱۳ روچئ تھا یعنی دو ھپتگئ تھا آوان ۴۰۰۰ کیلو پلاسٹک گندگین وسائل شہ دریابا ڈنا در کرتگنت۔ ای گونڈین گام یک مزنئن مشن جور بوتگیت۔ ھما سیمانی مردم ھم نون پہ آوان مدد کننت۔ ھما سیمانی ماھیگر ھم نو پہ آوان مدد کننت۔
اگہ بہ ایشی باروا ما پکر کننت و تعھد کننت کہ شہ وتی دور و برا پلاسٹک گندگی آ کم کننت، " پلاسٹک فری اینڈیا" یک نوکین مثالئ پہ عالما بوتگ کنت۔
منی عزیزین سنگتان، ۲۶ نومبر تاناکا دو روچ دور انت۔ ای روچ پہ پورہ ئن مُلکا خاس انت۔ ای پہ مئ جمھوریتا ھم اھمیتئ وڑ انت پہ چہ کہ ای روچ بہ اساسین کانون ناما دود گپتگ بیت۔ ای سالی ای روچ خاستر انت پہ چہ کہ مئ اساسین کانون وتی ھپتاد سالا پورہ کنت۔ پارلیمنٹ تھا خاسین پروگرامئ بری بھرا تسر بیگا انت۔
مئ اساسین کانون ھر شھروندئ حک و عزتا ساتوک بیت بیائیت مُچین یکجا وتی احترامانا پہ اساسین کانونئ اسامبلئ باسکان دیما کننت۔
منی عزیزین ھموطن، سردیئ موسم نون بناہ بوتہ۔ ای موسم دور و برا محسوس بیت۔ ھیمالیائ چُنتی سیم نون پر شہ برفا بوتگنت، مگہ ای موسم " فیٹ اینڈیا موومنٹ" موسم ھم انت۔ شما، شمئ الک و اعیال، شمئ سنگٹ، شمئ دوست و دروستی نہ باید انت کہ ای فرصتا شہ دست دئیت۔ شہ موسما کٹ گرئیت کہ " فیٹ اینڈیا موومنت" دیما برئیت۔
نیکین واھیگ۔ باز باز شکریہ۔
Comments
Post a Comment