سرگال:رائے سینا ڈائیلاگ ۲۰۲۰

ما بیست او یک می صدی ائے سئے می دہائی آ داخل بیسغؤں مگہ جہان آ نی دی جتا چیلنج دیما آں۔اے وخت جہان یک اینگے وخت آژ گوزغیں ہماں وخت کہ آنہی چکا کہنیں طاغت آنی اثر کھمین بی غیںاو نوخیں طاغت بڑزا بی غیں۔چین ائے مزن ایں ترقی آ جہان آ حیران کھُزا۔مگہ ھند دی پھدا نعیں۔آں دی جہان چکا وتی اثر ماکھنغیں۔او مچھیں جہان منغیں کہ آں یک ترقی کھزغیں طاغت ایں۔آسیا اے وخت یک اینگے دمغ ایں ہموزا ناوشی گیش بی غیں مگہ پھجی آ ہی ہموزا معاشی تعاون ائے گمان دی جہان آ نیاہ پھیزاغاں،آؤخین روش آنی اندرا اختراع پسندی ائے بغیر ترقی کھنغ مشکل بی۔اگر ما وتی ویچار آنی اندرا جدت پسندی پیدا نہ کھنوں تہ ما کرا کرا شمشتی آ برؤں۔اے ٹؤک ڈن ائے پالیسی او استریتجک مفاد ائے ترقی ائے بارو آ دی ہمیختر ہی راست ایں ہمیکتر کہ معاشی ترقی ائے بارو آ۔مروشی ائے جہان آ مزن ایں چیلنج دیما آں مگہ ہمیں جہان آ ترقی ائے موقع دی گیش آں۔جہان آ طاغت ائے مرکز کھدیں رونشت اسا مگہ نی آں رودرات ائے وٹا بی غیں او رونشت وتی اثر گار کھنغیں،مگہ رودرات ائے نوخیں ترقی آر نوخین ویچار آنی ضرورت درکار ایں۔نریندر مودی سرکار ائے آئیغ آ پھدا ھند ائے ڈن ائے پالیسی باز مضبوط بیسا۔ھند آ وتی ڈن ائے پالیسی آنی مقصد آنی آپا وتی جمہوریت او وتی مزن ایں بازار ڈؤل ائے خاصیں طاغت آنی استعمال کھُزا۔رائے سینا ڈائیلاگ ائے سوب مندی ائے مُکٹ ھند ائے مضبوط معیشت او آنہی ڈن ائے پالیسی ائے سغر چکا رؤ۔رائے سینا ڈائیلاگ ائے پنچمی ایڈیشن آ روس،ایران،برز افریقہ او آستریلیا پھجی آ دوازد ملک آنی ڈن ائے وزیر آں بہر گتا۔اشی پھجی آ باز پیسر ائے سروک مملکت دی آنہی آ اوار بیسغاں۔سروزیر نریندر مودی آ بنگیجی تقریب آ بہر گتا۔رائے سینا ڈائیلاگ آگو گشتانگ کھزؤ ڈن ائے وزیر ایس جے شنکر آ گوشتا کہ ھند او چین ائے نیمگا سیال داری آ باز ناوشی ایں گڈا دی ہڑ دوکین ملک سیال داری آ وشتر کھنغ آپا باڑہ آں۔آنہی آ ہمیں ٹؤک ائے دی تفصیل داسا کہ ھند آ جاگاہی جامع معاشی سنگتداری آ بہر گرغ آپا تنک وتی در بند نہ کھُزا،ہمیں ڈائیلاگ اندرا جتا عالمی سروک آن ھند آر جاگاہی او عالمی کار آنی اندرا یک خاصیں ملک ائے ڈؤل چکا دیستا۔چنتی سروک آں ویچار پدھر کھُزا کہ ھند آنہاں نی ملک ائے وشحالی او عالمی استحکام آ خاصین کردار ادا کھنغین ۔روس ائے ڈن ائے وزیر آ ھند آپا اقوام متحدہ ائے سلامتی کونسل ائے مستقل باسک کھنغ ائے حمایت کھُزا۔ھند آ باز مزن ایں سفر کھُزا مگہ نی دی چنتی چیلنج دیما کھنغیں ۔خاصیں بھیرا گو اینگے ہمسائیگ آنژ پریشان ایں چیف آف ڈیفینس اسٹاف جنرل بپن راوت آ گوشتا کہ دھشت گردی ھند آپا اے وخت سجوں آنژ مزن ایں چیلنج ایں ۔