سرگال:شنگھائی تعاون تنظیم سروک آنی کانفرنس آ پاکستان آ بہر گرغ ائے کانڈھ

ھند او پاکستان ہڑ دوکین شنگھائی تعاون تنطیم ائے باسک آں ۔اے دوایں ملک ۲۰۱۷ آ رسمی ایں بھیرائ ہمیں تنظیم ائے باسک کھزی آ زشزغئے ساں۔ہمیں وڑا ہمیں تنظیم ائے باسک آنی کھُل تعداد اے وخت ہشت ایں۔وسطی آسیائی ملک آنی ہمیں تنظیم اندرا ہماں کہ دیگر ملک سرا آژ آنہی باسک اساں۔آنہی آ چین ،قزاقستان،کرغستان،روس ،تاجکستان،او ازبکستان اوار آں۔ہمیں سال ہمیں تنظیم آ اوار ملک آنی سروک آنی کانفرنس ائے مزمانی ھند کھنغ والا ایں ہماں کہ سال ائے آخیر آ نوخیں دلی آ منعقد بی اغ والا ایں۔ھند ائے ڈن ائے وزارت ائے نمائیندگ آ ہمیں ٹؤک ائے جار جھزا کہ ھند ہمیں کانفرنس آ پاکستان ائے سروزیر آ کانڈھ دا ۔بلا گمان ھند او پاکستان ائے سیال داری اے وخت باز وشتر نعیں مگہ اے یک جتا ٹؤک انت کہ او ھند سرا آژ ہمیں ٹؤک ائے قائیل ایں کہ دو ملک آنی آپسی ایں ناوشی ائے منفی اثر کثیر قومی تنظیم آنی چکا نوی اغ لوٹھی۔پھرچھے کہ بین الاقوامی ادارہ یا تنظیم آنی مسلہ جتا وڑ ائے بی آں اوآنہانژ متعلق عہد بندی ائے دو ملک آنی سیال داری آگو ھچھ بستگی نوی اغ لوٹھی۔ہمیں تنظیم آ اوار سروک آنی بیٹھک ہر سال بی ہموزا ہمیں تنظیم ائے ضابطہ آنی دائیرہ اندرا رہسؤ کثیر قومی اقتصادی تعاون ائے بارو آ گپتران بی۔ہمیں بیٹھک آنی اندرا شنگھائی تعاون تنظیم ائے ہشت باسک آنی گون چھیار آبزرور ریاست او بین الاقوامی ڈائیلاگ پارتنر آنر دی کانڈھ داسی آ رؤ او شے دھکی دی ہمیں بی۔گیر بی کہ شنگھائی تعاون تنظیم چین ائے سروکی آ قائیم بی اغ والا یک اقتسادی او سیکیورتی بلاک ایں ہماں کہ ۲۰۰۱ آ قائیم بیسغئے سا۔ڈن ائے وزارت ائے نمائیندگ رویش کمار ائے روگا پاکستان ائے گون مچھیں باسک آنر تنظیم ائے ضابطہ آنی روگا کانڈھ داسی آ رؤ،باز زانتکار آنی ویچار ایں کہ بیس بی کہ عمران کان ہمیں بیٹھک آ اوار نوی۔او وتی ھچھ اپسر آ ہمیں بیٹھک آ دیم دا۔ھند او پاکستان ائے سیال داری نی ایں سئے چھیار سال آنش چھی اے گیش ردین بیسااو آنہی سبب ایں دھشت گردی آپا پاکستان ائے منفی پالیسی ایں۔چوش کہ ۲۰۱۴ آ سروزیر نریندر مودی ائے سروکی آ آئیغ آ پھدا ھند ائے وٹاژ بروبر ہمیں ٹؤک ائے کوشست بیسا کہ ھند او پاک سیال داری وشتر بی ۔سروزیر آ وتی حلف گرغ ائے تقریب آ پاکستان ائے سروزیرنوازشریف آ کانڈھ داسغئے سا او آنہی آ پھدا کے ای اینگے ٹؤک بیسغاں کہ سیال داری اندرا وشتری ائے امیت دی پیدا بیسغئے ساں۔مگہ آنہی چھی اے وخت پھدا ہی پٹھان کوٹ آ جیش محمد ائے دھشت گرد آں ھلگر کھُزا او سیماں ائے آں وٹاژ آچ بندی آ کے ای دھکا بھورینتھی آ شزا ۔پلوامہ آ چھل آژ گیش آر پی ایف ائے جوان آنی شہید بی اغ آژ سیال داری سَک ناوش بیسؤ شزا۔بہر حال ھند پاکستان آگو دُشمنی آپا باڑہ نعیں پھرچھے کہ آں مچھین ہمسائیگ آنگو وشتر سیال داری ائے کوشست کھناناں پھیزاغیں او پاکستان آر اِلسؤ مچھیں ہمسائیگ آنگو آنہی سیال داری باز وشتر ایں۔