سرگال:ایف ڈی آئی ائے تعلق آژ ھند ائے نام دھ اعلی ایں ملک آنی اندرا اوار

ھند آ ڈن ائے ملکی راست ایں سرمایہ کاری ائے تعلق آژ ۲۰۱۹ آ ۱۶ پیصد ائے گیشتری درج کھُزا۔اے سرمایہ کاری ۴۲ ارب دالر آژ گیش بیسؤ گوستی ایں سال ۴۹ ارب دالر بیسا،ہمیں بھیرا آنہی جاگاہ ہماں اعلی ایں دھ ملک آنی اندرا ایں ہموزا سجوں آنژ گیش ڈن ائے ملکی سرمایہ کاری بی۔سؤداگری او ترقی ائے بارو آ اقوام متحدہ ائے نی ایں کانفرنس ائے نی ایں رپورت ائے روگا ھند آ ڈن ائے ملکی سرمایہ کاری اندرا گیشتری اینگے وخت آ بیسا ہماں وخت عالمی سطح چکا سرمایہ کاری آ چھی اے کمی بیسا ۔۲۰۱۹ آ اے سرمایہ کاری یک اعشاریہ چھیار یک ٹریلین دالر آژکھمین بیسؤ یک اعشاریہ سئے نوہ ٹریلین دالر بیسا۔ہمیں بھیرا آنہی اندرا یک پیصد ائے کمی آتکا۔اینگے وخت آ ہماں وخت امریکہ او چین آ راست ایں سرمایہ کاری آ ھچھ گیشتری گندغ آ نیاتکا ،ھند ایف ڈی آئی ائے اعلی ایں ملک آنژ یک سا۔برز آسیا آ ایف ڈی آئی آ دھ پیصد ائے گیشتری درج کھزا او اے شست ارب دالر ائے بیسا۔آنہی اندرا ہشتاد پیصد بہر ھند ائے غیں۔ہماں صوبہ آنی اندرا راست ڈن ائے ملکی سرمایہ کاری کھزی آ شزا آنہی آ مخابراتی ایں تیکنالوجی ائے گون ھزمت ائے صنعت اوار آں۔مئے ہمسائیگ ملک بنگلہ دیش آ ہمیں بارو آ شش پیصد کمی دیما ایں درگتہ کہ پاکستان آ ۲۰ پیصد ائے کمی بیسا۔مچھیں جہان آ سیاسی اتھل پتھل ائے راست ڈن ائے ملکی سرمایہ کاری چکا باز اثر بیسا،نہ چھڑوئی آ آسیا بلکہ یورپ دی آنہی زد لافا ایں ۔برطانیہ آ بریگزٹ مسلہ ائے وجہ آژشش پیصد ائے کمی بیسا درگتہ کہ یورپی یونین آر ۱۵ پیصد ائے کمی دیما ایں ۔یورپی یونین آ سرمایہ کاری بُنا بیسؤ ۳۰۵ ارب ڈالر ائے رہسا۔مگہ نجکاری ائے سبب آژبرازیل آ چھی اے نپ او کھٹ ضرور بیسا۔آنہی آر ۲۶ پیصد ائے نپ او کھٹ بیسا ۔ھچھ دی ملک ائے سیاسی ایں حالت آنی اثر ہموزا ائے ڈن ائے ملکی راست سرمایہ کاری چکا کھوی ۔اگر حالت وشتر بی تہ دیگر ملک سرمایہ کاری کھناں او اگر اینگا نوی تہ سرمایہ کاری چکا دی منفی اثر بی۔روست ڈن ائے ملکی سرمایہ کاری پورٹ فولیو سرمایہ کاری آژ بہر حال وشتر ایں پھرچھے کہ اے گیش مستحکم ایں۔ایزا اے ٹؤک باز حاصلہ دا کہ ھند ائے زر نبادلہ ائے ڈمبار آ دی گیشتری آتکا ۴ جنوری ۲۰۱۹ آژ گتؤ نی تکا آنہی اندرا ۶۵ اعشاریہ یک دو نو چھیار ارب دالر ائے گیشتری بیس۔اگر آستریلیو ،فنلینڈ اوآئیس لینڈ ائے ڈمبار آ یا ھند کھُزی آ برؤ تہ اے آنہی براور ایں۔اقوام متحدہ ائے رپورٹ اندرا یک ٹؤک اے نیاہ کھائے کہ آنہی آ ۲۰۲۰ آ راست ڈن ائے ملکی سرمایہ کاری اندرا گیشتری ائے امیت پدھر کھزا۔آنہی ویچار آ ہمیں سال عالمی معیشت آ وشتری ائے گمان آں ۔ایف ڈی آئی ائے بارو آ اقوام متحدہ ائے نی ایں حبر ھند آپا باز حوصلہ دؤخ انت ۔