26.01.2020 من کی بات

مئی دوستیں ہم وطن ،نمسکار

مروشی ۲۶ جنوری ایں جمہوری ایں روش ائے باز باز مبارک ،۲۰۲۰ ائے اے اولی ایں من کی بات پروگرام ایں۔ہمیں سال ایئ اے اولی ایں پروگرام ایں،ہمیں صدی ائے دی اے اولی ایں پروگرام ایں،سنگت ہمیں بار جمہوری ایں روش ائے موقع چکا شوے آگو من کی بات آنہی وخت اندرا بدلاؤ کھنغ شَر ایں مان آتکا۔او ہمیں خاطرہ یک جتا وخت طئے کھزؤ مروشی شوے پھجی آ من کی بات کھنغاں،او سنگتے روش بدل بی آں ،ہپتغ بدل بی آن ،ماہ دی بدل بی آن،سال بدل بی آن،مگہ ھند ائے مڑدم آنی جوش ما دی چھی اے کھمین نعوں ،ما دی چھی اے کھزؤ پھیدھاروں ،کین ڈو ،اے کین ڈو ائے ویچار عہد بیسؤ بڑزا بی غیں ۔ملک او معاشرہ آپا چھی اے کھنغ ائے احساسا ہر روش سرا آژ گیش مضبوط بی غین ۔سنگت من کی بات ائے دیوان آ ما مچھیں یک دھکا پوارغ جوڑ بیسغؤں،نوخیں نوخیں مُدہ آنی چکا بحث کھنغ آپا او ملک ائے عوام آ نوخیں سوب مندی آنر منائینغ آپا ھند آر منائینغ آپا من کی بات ونڈغ سِکھغ او اگا بی اغ ائے یک شر ایں پلیتوارف بیسا۔ہر ماہ ہزاراں نی تعداد آ مردم وتی ویچار وتی کوشست وتی تجربہ یک دوہمی آگو ونڈاں ،اشانژ معاشرہ آ سبق ملی۔اینگے چھی اے ٹؤک مردم آنی غیر معمولی کوشست آنی چکا بحث کھنغ ائے مارا موقع ملی ۔کھسے آ کھزؤ پھیدھارتھا تہ گڈا ما دی کھُز کھنوں،چھے ہمیں ٹؤک آ استعمال کھزؤ مچھیں ملک آ بدلاؤ کھنغ بیس بی ؟چھے آنہی آر معاشرہ ائے یک آسان عادت ائے صورت آ تیار کھزؤ ہمیں بدلاؤ آ مستقل کھز کھنوں ؟اینگے ہی چھی اے سوال آنی جواب تلاش کھزؤ ہر ماہ من کی بات آ چھی اے اپیل،چھی اے انتظار،چھی اے کھزؤ پھیدھارغ ائے سلسلہ بنا بی۔گوستی ایں کے ای سال آنی اندرا مارا کے ای کسنیں کسنیں عہد گتا۔ہمینگا کہ نو ٹو سنگل یوز پلاستک،کھادی او لوکل گرغ ائے ٹؤک بی ،صفائی ائے ٹؤک بی،جنکھ آنی عزت او فخر ائے ٹؤک بی،لیس کیش اکنامی،ائے نوخین ٹک آنہی آر گیش کھنغ بی،اینگے کے ای عہد مئے ہمیں من کی بات آژ پدھر بیسا،او آنہی آر طاغت دی شوا مڑدم آں داسا۔منا یک باز سونڑھاایں نمدی ملسا ،بہار ائے واجہ شیلیش ائے ،آنگا تہ،نی آں بہار آ نعیں آنہی آ ڈسسا کہ آں دلی آ یک انجمن آ کار کھنت ۔واجہ شیلیش آ وتی نمدی آ لکھسا کہ واجہ مودی ،شوا ہر من کی بات پروگرام اندرا چھی اے اپیل کھنئے ،منا آنہانژ باز چھی اے آنر کھزا ہمیں زمستان ائے موسم آ منا مردم آنی لوغ آنژ کہنیں جر جوڑ کھزؤ ضرورت مند آنی اندرا ونڈسغاں،منا من کی بات آژ گتؤ کے ای شئے کھنغ بنا کھزگاں مگہ گڈا کرا کرا چھی اے مناں شمشتغاں او چھی اے شئے پھدا بیسؤ شزغاں۔منا ہمیں نوخین سال آ یک من کی بات چکا یک لست ٹھائینتھا ہمائی اندرا ہماں مچھیں شئے آنی لست تیار کھزا ،ہمینگا کہ مڑدم نوخیں سال آ عہد کھناں ۔واجہ مودی اے منی نوخین سال ائے سوشل ریزیولوشن ایں ،منا مان کھائے کہ اے مچھیں شئے کسن آں مگہ مزن ایں بدلاؤ آڑتھ کھناں۔چھے شوا ہمیں لست چکا وتی دستخط کھزؤ منا ہمین لست گڑدینتھؤ دیم بدئے؟واجہ شیلیش شوار باز باز نیخیں دعا دیاں ۔شوئے نوخیں سال ائے عہد آپا من کی بات لست ،اے باز نوخین ٹؤک انت،ما وتی وٹاژ نیخیں دعا لکھسؤ اشی آ ضرور دیم دیاں ۔سنگت ہمیں من کی بات لست آر ہماں وخت ما وانینغئے ساں تہ ما دی حیران بیسغاں کہ ہمیختر ٹؤک آں ۔ہمیختر ہیش ٹیغ آں او ما سجوں آں ملسؤ باز کوشست دی کھُزا۔کھدیں مارا پؤجی آنر پھیغام،ائے پھجی آ وتی جوان آنگو جزباتی او مضبوطی آگو جڑغ ائے کوشست دی کھُزا،کھادی فار نیشن،کھادی فار فیشن ائے پھجی آ کھادی ائے شوشکغ آ گیش کھزا۔لوکل گرے ائے منتر چکا جزتھؤں،ما فٹ تہ انڈیا فٹ ،آنہی آ دیما کھنغ آپا ہاغ بیسغؤں ،مئے صاف انڈیا ،ائے کوشست آنژ صفائی آپا عوامی تحریک جزینتھا،ہیش ٹیگ ،نو ٹو ڈرگس ،ہیش ٹیگ،بھارت کی لکشمی،ہیش ٹیگ سیلف فار سوسائیٹی،ہیش ٹیگ سٹریس فری ایگزام،ہیش ٹیگ سورکشا بندن،ہیش ٹیگ ڈیجیٹل اکنامی،ہیش ٹیگ روڈ سیفٹی چنتی اینگے ہیش ٹیگ آں۔واجہ شیلیش جی شوے ہمیں من کی بات ائے لست آر دیستؤ احساس بیسا اے لست اصل آ باز مزن ایں ۔بیائے ہمیں سفر آ جاری ایر کھنوں۔ہمیں من کی بات ائے لسٹ آژ وتی دل لوٹھی ائے ھچھ دی مسلہ آگو بستگی کھنے،ہیش ٹیگ استعمال کھزؤ ہر کھسے آگو فخر آژ وتی ویچار آنر بہر کھنے۔سنگت آنر کنبہ آر،او ہر کھسے ائے حوصلہ افزائی کھنے۔نی ہر ھندوستانی یک گام اگا زیری تہ مئے ھند یک سد او سی ،کروڑ گام اگا زیری۔ہمیں خاطرہ اگا گام زیرے،گام زیری،گام زیرے۔منی دوستیں ہم وطن منا من کی بات لست ائے بارو آ ٹؤک کھزا،صفائی آ پھدا مڑدم آنی بہر گرغ ائے احساس ،سنگتداری ائے جزبہ،مروشی یک دوہمی شعبہ تیزی آگو ودحغیں،آں اش آں آف ائے محافظت،آف ائے محافظت آپا کے ای وڑ ائے کوشست ملک ائے کنڈ کنڈ آ جزغاں۔منا اے گوشتؤ باز وشی بی غیں کہ گوستی ایں مون سون آژ بنا کھزی ایں ہمیں جل شکتی ابھیان ،مڑدم آنی بہر گرگ آژ باز سوب مندی آگو اگا بی غین ،مزن ایں تعداد آ تالاب،او ندی آنی تعمیر کھزی آ شزا۔سجوں آنژ مزن ایں ٹؤک اش انت کہ ہمیں کوشست آ معاشرہ ائے ہر طبقہ ائے مڑدم آں تعاون کھزا۔نی راجھستھان ائے جھالور ضلع آ گندے تہ ایزا ائے دو تاریخت کھوہ گند او پلیت آف آگو پھُر اساں۔گڈا چھے سا بدایوں او تھان والا پنچائیت ائے سدیں مڑدم آں جل شکتی ابھیان ائے روگا آنہانر پدوارغ زیندغ کھنغ ائے زمہ واری گتا۔ھؤر آژ سرا ہی مڑدم ہمیں کھوہ آنی اندرا پلیت آگ او گند آر صاف کھنغ بنا کھزیش۔ہمیں مہم آپا کھسے آ محنت کھُزا تہ کھسے آ زر آنگو تعاون داسا۔او آنہی ائے نتیجہ ایں کہ ہمیں کھوہ ایزا ائے زند بیسغاں۔چھی اے اینگے ہی قصو ایں اتر پردیش ائے بارہ بنکی ائے،ایزا چھل او سئے ہیکٹیئر جاگاہ آ سراہی ندی وتی آخیری ایں ساہ زیرغئے سا مگہ گاآں والا آں وتی طاغت آگو اشی اندرا نوخین زند ماکھزا۔ہمیختر مزن ایں مہم ائے دگ آ اشاں ھچھ دی کمی آ نیامگا آئیغ نہ داسا،یک آر پھدا یک کے ای گاؤں آنی نیمگا بستگی بیسا۔اشاں ندی ائے آسو پاسو آ یک میٹر دراژ ڈیم ٹھائینتھا۔نی ندی آف آگو پھُر ایں او آسو پاسو ائے محول باز وشتر بیسا۔اترا کھنڈ ائے الموڑہ ،ہلدوانی ہائی وے آژ سنیا کوٹ گاؤں آژ دی مڑدم آنی بہر گرغ ائے یک اینگے ہی مثال دیما آتکا۔گاؤں والاں آں آف ائے بحران آ دیما کھنغ آپا وا ہی آف آرغ ائے عہد کھزا۔گڈا چھے اسا مردم آں آپس آ زر جوڑ کھزغاں۔منصوبہ ٹھائینتھیش،محنت کھزیش او نزیخ یک کلومیتر دیر تکا گاؤں آ پائیپ پٹی ٹھائینتھی آ شزا۔او دو صدی کہنیں مسلہ حل بیسا۔تمل ناڈو آژ بور ویل آ رین واٹر ہارویست ائے زریعہ کھنغ ائے باز نوخین ویچار دیما آتکا۔مچھین ملک آ آف بھچینغ آژ جڑسی ایں اینگے بیشمار قصو آں ،ہموزا کہ نوخین انڈیا ائے طاغت آر گیش کھنگاں ۔مروشی مئے آف آر بھچینغ ائے چیمپئین آنی قصو مچھیں ملک ائے مڑدم اش کھنغ آپا باڑہ آں ۔مئی شوے آژ درخواست ایں کہ شوا اینگے چیمپئین آنی قصو وتی سنگت او کنبہ ائے مڑدم آنگوونڈے۔منی عزیزیں ہم وطن ،او خاصیں بھیرا منی نوجوان سنگت،مروشی من کی بات ،پروگرام ائے توسط آژ من آسام ائے سرکار او مڑدم آنر ،کھیلو انڈیا ،ائے مزمانی آپا باز مبارک دیاں ۔سنگت ،۲۲ جنوری آ گوہاٹی آ سئے می کھیلو انڈیا،لیو آسر بیسغاں ،آنہی آ جتا جتا ریاست آنی شش ہزار لیوڑی آں بہر گتا ۔شوار اے اش کھزؤ حیرانی بی کہ لیو آنی ہمیں موقع آ ہشتاد ریکارڈ پھُرشتغاں،او مناں ناز ایں کہ اشانژ ۵۶ ریکارڈ بھورینغ والا مئے جنکھ آں کھُزا۔کھیلو انڈیا ائے سوب مند بنگیج او آنہی آژ جڑسی ایں مچھیں مڑدم آنی منت وار آں ۔اے مئے آپا باز وشی ائے ٹؤک انت کہ سال در سال کھیلو انڈیا لیو آنی اندرا لیو کھنغ والا گیش بی غاں،من شوار ڈسغ آپا باڑہ آں کہ ۲۰۱۸ آ ہماں وخت کھیلو انڈیا لیو آنی بنگیج بیسغئے سا ہماں وخت آنہی آ ۳۵ سد لیوڑی آں بہر گتا۔مگہ چھڑوئی آ سئے سال آنی اندرا شش ہزار آژ گیش بیسغاں ۔چھڑوئی آ سئے سال آنی اندرا کھیلو انڈیا لیو آنی توسط آژ ۳۲ سد لائیق چھُکھ دیما آتکغاں۔اشاں نی اندرا کے ای چھُکھ باز غریوی آ مزن بیسغاں ۔نی گوہاٹی ائے پورنیما منگل آر ہی گندے آں وا یک گوہاٹی نگر نگم آ یک صفائی ملازم ایں ،مگہ آنہی جنکھ مالویکا آ ہموزا فٹبال آ وتی زور پھیدھارتھا ہموزا آنہی بچھ سجیت آ کھو،کھو،آ تہ دوہمی بچھ پردیپ آ ہاکی آ آسام ائے نمائیندگی کھُزا۔چھی اے اینگے ہی باز ناز کھنغ ائے قصو تمل ناڈو ائے یوگانندن ائے غیں۔آں وا تہ تمل ناڈو آ بیڑی ائے ٹھائینغ ائے کار کھنت ،مگہ آنہی جنکھ پورناشری آ ویت لفتنگ ائے تھنگو ائے تمغہ کھٹسا۔نوزدہ سال آنی پرشانت یک کسان کنبہ آژ ایں شوار اے پوہ بیسؤ حیرانی بی کہ پرشانت آک اندرا پول والٹ ائے پریکتس کھُرت۔لیو ائے محکمہ آ آنہی کوچ آر دلی ائے جواہر لعل نہرو استیدیم آ اکیدمی جزینغ آ مدد کھُزا او مروشی پرشانت ہموزا تربیت دا۔ممبئی ائے کرینا شنکتا ائے قصو آ ھچھ دی حالت آ ناسوبی دیما نہ کھنغی ایں ہمیں جزبہ ہر کھسے آر متاثر کھنت،کرینا آ تیراکی آ سد میٹر آ تھنگو ائے تمغہ کھٹسا۔دھ می کلاس آ پڑھغ والا کرینا آپا اے یک وخت اینگے دی اسا کہ آں وتی پھاز ٹھپی بی اغ ائے سبب آژ آنہی آر وتی تریننگ الغی بیسا۔مگہ کرینا او آنہی ماس آ حوصلہ نعیلسا مروشی نتیجہ مئے دیما ایں۔من مچھیں کھلاڑی آنی روژن آؤخین روش آنی دعا لوٹھاں ۔اشی پھجی آ ہی ما مچھیں عوام ائے وٹاژ ہمیں مچھین آنی ماس پھزآر دی یات کھناں ہماں ہاں کہ غریوی آر چھُکھ آنی آؤخین روش آنی نیمگا آئیغ نعیلسا۔ما زانوں کہ راشٹریہ مقابلہ آنگو کھلاڑی آنر وتی فن پھیدھارغ ائے موقع ملی گون آنہانر دیگر ریاست آنی ثقافت آگو دی دیم پدیم بی آں۔سنگتاں اگی ایں ماہ ۲۲ فروری آژ یک مارچ تکا اڈیشہ ائے کٹک اوبھونیشور آ سری ایں کھیلو انڈیا یونیورستی لیو آنی بنگیج بی غیں۔اشی آپا ۳۰۰۰ کھلاڑی آں کوالیفائی دی کھُزا۔منی عزیزیں ہم وطن ،امتحان ائے وخت آکتا ،تہ پدھر ایں کہ شوا طالبعلم وتی وتی تیاری کھنغئے،ملک ائے کراڑو طالبعلم سنگت آنگو امتحان چکا بحث ائے تجربہ آ پھدا من باور آگو گُشت کھناں کہ ملک ائے ورنا آنر وتی چکا باز باور ایں او آں ہر وڑ ائے چیلنج آنر دیم کھنغ آپا تیار آں۔سنگت منی شوے آژ گزارش ایں کہ شوا دیگر کار آنی گون وضہار فٹ ایر کھنے،چھی اے ورزش ضروری ایں،مئے نوخیں انڈیا مچھیں بھیرائ فٹ بی اشی آپا ہماں دی کوشست گندغ آپا ملاں آں جوش آ گیش کھنغ والا آں ۔گوستی ایں سال نومبر آ بنا بیسغیں فٹ انڈیا اسکول ائےمہم دی سوب مند بی غیں ۔منا ڈسسی آ شزا کہ نی تکا ۶۵۰۰۰ آژ گیش سکول آں آن لائین رجستریشن کھزؤ فٹ انڈیا سکول سرتیفیکت گتا۔ملک ائے دیگر سکول آنژ دی منی گزارش ایں کہ آں لیو آنر پڑھائی ائے پھجی پھجی آ جوڑسؤ فٹ اسکول ضرور بی آں ۔منی دوستیں ہم وطن ،دو ہپتغ سرا،ھند ائے جتا جتا دمغ آنی اندرا جتا جتا تہوار آنی دھوم ااسا ،ہماں وخت پنجاب آ لوہڑی جوش آگو منائینتھی آ رؤغئے سا ،تمل ناڈو آ پونگل ائے تہوار جزغئے سا ،آسام آ بیہو ائے سونڑھا ایں نظارہ گندغ آپا ملغئے سا ،گجرات آ ہر وٹا آزمان چکا گُڈی بال گرغئے ساں ،اینگے وخت آ دلی یک باز خاصیں منغ نامہ چکا دستخط کھزی آ رؤغئے ساں ،اشی پھجی آ ہی نزیخ ۲۵ سال آنی کہنیں ،برو ریانگ،مہاجر آنی مسلہ ائے باز دڑدی باب آسر بیسا۔برو ریانگ ائے مسلہ نواد ائے صدی ائے غیں ۔۱۹۹۷ آ وتی آپسی ایں ناوشی ائے وجہ آژ برو ریانگ براسی ائے مڑدم آنر میزورم آژ درا درکھپتؤ تری پورا آ پناہ گرغی بیسغئے سا۔اے باز دُکھی کھنغ والا ٹؤک ایں کہ برو ریانگ براسی آ پناہ گزین آنی وڑا وتی زند ائے یک اہم ایں بہر گار کھزا۔آنہاں نی آپا کیمپ آنی اندرا زند گوازینغ ائے مطلو اسا ہر بنیاتی آساقی آژ محروم ۔۲۳ سال تکا نہ لوغ،نہ ڈغار،نہ کنبہ نہ سیاد ھچھ دی نیا۔مگہ ھند آئین او ثقافت آپا آنہاں نی باور گار نویسا۔او ہمیں باور ائے نتیجہ ایں کہ آنہاں نی زند آ یک نوخیں صبح آتکا ۔منغ نامہ ائے روگا ،نی آنہانر یک وقار ائے زند داسی آ رؤ۔آخیر کار ۲۰۲۰ ائے نوخیں صدی برو ریانگ براسی آپا یک نوخیں امیت آگو آتکا۔منی عزیزیں سنگت ہمیختر مزن ایں کھیلو انڈیا لیو آنی سوب مند بنگیج کھنغ والا آسام آ یک دوہمی مزن ایں کار بیسا ،شوا دی حبر آنی اندرا دیستا کہ نی چند روش سرا آسام آ ہشت جتا جتا ملیتینت ٹلہ آں تشدد ائے دگ ترک کھُزا ،ہماں مڑدم آنی اے ویچار اسا کہ تشدد آژ مسلہ آنی حل درا بی،ہتھیار زڑتھیش،آنہاں نی مچھیں باور نی اش انت کہ ھچھ دی مسلہ ائے حل چھڑوئی آ امن آگو درا بی۔جال رودرات آ تشدد آ کمی آتکا او دمغ آ گپتران ائے زریعہ آگو مسلہ آنی پرامن طریقہ آگو حل درا کھنغ ائے کوشست کھزی آ رغیں۔اتحاد ہر مسلہ حل کھنغ ائے کنجی ایں او مڑدم آنر بہر کھنغ آپا جتائی لوٹھوک آنی ھچھ دی کوشست آ ناسوب کھزی آ رؤ۔بیائے ما ملسؤ یک اینگے ھند ائے بنشت ایر کھنوں ہمائی آ امن ہر سوال ائے جواب ائے بنشت بی،یکجہتی ہر مسلہ ائے حل کھنغ ائے کوشست آنی اندرا بی۔منی دوستین ہم وطن،مروشی جمہوری ایں روش ائے موقع چکا منا گگن یان ائے بارو آ ڈسغ آ باز وشی بی غیں ۔ملک ہمیں وٹا یک گام دیگر اگا ودھسا۔۲۰۲۰ آ مئے آجوئی ائے ۷۵ سال پورا بی آں ۔او ہمیں موقع چکا مارا گگن یان مشن ائے زریعہ آگو یک ھندوستانی آر حلا آ دیم دئے اغ ائے وتی مقصد ائے وٹا یک گام زیرغی ایں ۔گگن یان مشن ۲۱ می صدی آ سائینس او تیکنالوجی ائے شعبہ آ ھند ائے یک تاریخی سوب مندی بی۔سنگت شوار کل ایں کہ ہمیں مشن آ ایسترا نوت یعنی حلا آ سفر کھنغ آپا چھیار امیت وار آنی نام گچین بیسغاں ،ہمیں چھیاریں ورنا ھند گواسین پؤج ائے پائیلت آں ،ہمیں لائیق نوجوان ھند ائے صلاحیت،ہمت او دلیری ائے علامت آں۔منی سنگت ہر سال ائے بھیرا دوشی پیشین پدم شری انعام آنی جار جھزی آ شزا ،شوا ہر ہماں مڑدم ہمائی آ کہ ہمیں انعام داسی آ شزا آنہی بارو آ ضرور پڑھے۔منی عزیزیں ہم وطن من یک وار دیگر جمہوری ایں روش ائے باز باز مبارک دیاں ،اے مچھیں صدی شوئے زند آ ،ھند ائے زند آپا نوخیں عہد والا ایں بی۔او جہان ھند آژ ہماں کہامیت کھزی ایں ھند آنہی آر پورا کھنغ ائے صلاحیت زیری ۔ہمیں یک باور آگو بیائے نوخیں صدی ائے بنگیج کھنوں ۔نوخیں عہد آگو بھارت ماس ائے ھزمت کھنوں۔باز باز شکریہ ،نمسکار۔