23.02.2020 من کی بات

منی عزیزیں ہم وطن اے میئ وش ایں نصیوی ایں کہ من کی بات پروگرام ائے زریعہ آگو منا کچھ،آژ گتؤ کوہیما کشمیر آژ گتؤ کنیا کماری تکا،ملک ائے مچھیں عوام آ یک دھکا پدوارغ نمسکار گُشغ ائے موقع ملسا۔شوا مچھین آنر میئ نمسکار۔مئے ملک ائے مظمت آر گیر کھنغ ،آنہی آر سلام کھنغ ہر ھندوستانی ائے سغر آ بُڑزا کھنت او ہمیں جتا وڑ ائے تجربہ آنی موقع تہ سرا آژ وش او حیران کھنت۔او یک بھیرا سبق دئے اغ والا ایں پھُل بی۔چھی اے روش سرا منا دلی ائے ھُنر ہاٹ آ یک کسنیں جاگاہ آ مئے ملک ائے عظمت،ثقافت،رسم او رواج،ورغ ائے طریقہ او حب او جزبہ آنی جتا جتا عکس گندغ آ ملسغاں۔روایتی لباس،دستکاری۔قالیب،بھانڈو بانس او پتل ائے تھعیسی ایں شئے ۔پنجاب ائے گلکاری،آندھر پردیش ائے شر ایں پوست ائے کار ،تمل ناڈو ائے سونڑھاایں پینتنگ،اُتر پردیش ائے پِتل ائے شئے ،بدھوئی ائے قالین ،کچھ ائے کانسہ ائے ٹھعیسی ایں شئے،جتا وڑ ائے موصیقی آگو جڑسی ایں ٹؤک ،مچھیں ھند ائے فن او ثقافت ائے عکس اصل آ باز انوکھاایں اسا۔او آنہاں نی پھدا فنکار آنی لگن،دل لوٹھی او وتی فن آپا حب ائے قصو دی باز متاثر کھنغ والا اسا۔ھنر ھاٹ آ یک زائیف ائے ٹؤک اُش کھزؤ باز اطمینان ملسا،آنہی آ منا ڈسسا کہ سرا آں فٹ پاتھ چکا نشتؤ وتی پینتنگ آنر شوشکغئے سا مگہ ھُنر ہاٹ آگو جُڑغ آ پھدا آنہی زند بدل بیسا،مروشی آں نہ چھڑوئی آ ود مختار ایں بلکہ آنہی آ وتی یک لوغ دی ٹھائینتھا۔ھُنر ہاٹ آ منا کے ای دیگر فنکار آنگو ملغ او آنہاں گو ٹؤک کھنغ ائے موقع دی ملسا۔منا ڈسی آ شزغئے سا کہ ھُنر ہاٹ آ بہر گرغ والا ایں کاریگر آنی اندرا بازی آ تر زائیف آں او گوستی ایں سئے سال آنی اندرا ھنر ہاٹ ائے زریعہ آگو نزیخ سئے لکھ کاریگر او فمکار آنر باز موقع ملسغاں۔ھنر ہاٹ فن آ پھیدھارغ آپا یک استیج استیں ہی پھجی آ اے مڑدم آنی واہو آنر دی پھیلو کھنت۔یک ھند ایں ہموزا ہمیں ملک ائے عظمت آنژ چھم چھرینغ ناممکن ایں ۔فنکاری تہ استیں ہی پھجی آ مئے ملک آ وڑ وڑ ائے ورغ ائے شئے دی استاں،یک وٹا یک قطار آ اڈلی دوسہ،چھولے بٹورے،دال باٹی،کھمن کھانڈوی او باز چھی اے اسا۔منا وا دی بہار ائے وش زائیقہ لٹی پوکھے ائے مزہ گتا،باز مزہ گتا۔ھند ائے ہر بہر آ اینگے میلہ اندرا وتی کارکردگی پھیدھارغ ائے بنگیج کھُزی آ رؤ،ھند آ زانغ آپا ھند ائے تجربہ آپا ہماں وخت دی شوار موقع ملی شوار ضرور روغ لوٹھی۔یک بھارت،یک شریشٹھ بھارت آ زند گوازینغ ائے یک موقع بی رؤ۔شوا نہ چھڑوئی آ ملک ائے فن او ثقافت آگو بستگی بی بلکہ شوا ملک ائے محنتی کاریگر خاصیں بھیرا زائیف آنی کارکردی آ دی دیست کھنے شوا ضرور روغ لوٹھی۔میئ ہم وطن مئے ملک ائے عظیم رسم او رواج آں مئے ابا ڈاڈا آں ہماں کہ مارا وراثت آ داسا ہماں کہ پڑھائی او زانتکاری او شروعات مارا ملسا ہمائی آ جناور آنی آپا مہروانی او کائینات آپا حُب ایر کھنغ اے مچھیں مئے ثقافتی وراثت ایں ۔او آنہی سمجھ جہان آ چرند او پرند آر دی استیں ،او ھند ائے ہمیں ماحول ائے مزہ گرغ آپا جہان ائے جتا جتا کنڈ آنژ جتا جتا وڑ ائے پرندہ ھند ہر سال کھایاں ۔ھند مچھیں سال کے ای وڑ ائے چرند پرند ائے ھجرت کھُزؤ ھند آئیغ ائے آشیانہ بی۔او اے دی ڈساں کہ ہمیں پنچ سد آژ گیش وڑ ائے پرندہ بی آں او جتا جتا جاگاہ آنی بی آں ۔گوستی ایں روش آں گاندھی نگر آ ،کوپ تھرٹین کنوینشن،ہمائی آ ہمیں بارو آ باز بحث بیسا او ویچار پدھر کھزی آ شزغاں او ھند ائے کوشست آنی باز وشادگی کھُزی آ شزا۔سنگتے اے مئے آپا باز فخر ائے ٹؤک ایں کہ آئیغ والا ایں سئے سال آنی تکا ھند ہجرت کھُزؤ آئیغ والا ایں پرند چرند آنی بارو آ بی اغ والا ایں کوپ تھرٹین بیٹھک ائے مزمانی کھنت۔ہمیں موقع آر تھانگا استعمال کھنوں کہ آنہی نپ او کھٹ ملی شوا ہمیں بارو آ وتی صلاح او ویچار آنر دیم بدئے۔کوپ کنوینشن چکا بی اغ والا ایں ہمیں بحث ائے نیمگا منی دھیان میگھالیہ آگو جڑسی ایں یک خاصیں زانتکاری چکا دی شزا،نی ایں روش حیاتیاتی زانتکار آں ماہی ائے یک نوخیں قسم آ پھولسا ہماں کہ چھڑوئی آ میگھالیہ ائے غار آنی اندرا بی۔اے منسی آ رؤغیں کہ ہمیں ماہی غار آنی اندرا ڈغار ائے بُنا رہغ والا ایں آف آ رہغ والا ایں مچھیں جناور آنژ مزن ایں ۔اے ماہی باز گہرا او ڈغار ائے بُنا غارآنی اندرا بی ہموزا روژنانی دی نوی۔زانتکار دی ہمیں ٹؤک آژ حیران آں کہ ہمیختر مزن ایں ماہی ہمیختر گہرا ایں غار آنی اندرا تھانگا زیدغ رہی؟اے یک وشی ائے ٹؤک انت کہ مئے ھند او خاصیں ڈؤل چکا میگھالیہ یک انوکھا ایں جناور آنی لوغ ایں۔مئے آسو پاسو آ اینگے چنتی عجوبہ آں ہماں ہانر کہ تنک پھولسی آ نہ شزا ہمیں عجعبہ آنی بارو زانتکاری آپا پھولغ ائے جنون ضروری بی۔یک مہان تمل قوی آ لکھسا کہ ما ہماں کہ زانوں آں چھڑوئی آ دست اندرا بند سِغ ایں مگہ ہماں کہ ما نا زانوں آں وتی اندرا وا مچھیں کائینات ائے براور ایں۔ہمیں ملک ائے ثقافت آپا دی اینگے ایں ہمیختر کہ زانوں آں کھمین ایں ۔مئےبایو ڈائیورستی ،مچھیں انسانیت آپا انوکھا ایں خزانہ ایں ہمائی آر کہ مارا حفاظت آگو ایر کھنغی ایں او آنہی آر دریافت دی کھنغی ایں۔منی عزیزیں نوجوان سنگت ہمیں روش آں مئے ملک ائے چھُکھ آنی اندرا،نوجوان آنی اندرا سائینس او تیکنالوجی آپا دل لوٹھی گیش بی غیں ۔حلا اندرا ریکارڈ سیتلائیت ائے نوخیں ریکارڈ نوخیں مشن چکا ہر ھندوستانی آر ناز بی۔ہماں وخت من چندریان ٹو ائے وخت آ بینگلور آ اساں تہ من دیستا کہ ہموزا موجوت چھُکھ آنی جوش او جزبہ باز گیش اسا آں باز ہاغ اساں چُست اساں یک بھیرا آں مچھیں شف ہاغ اساں ۔آنہاں نی اندرا سائینس او تیکنالوجی آپا ہماں کہ شوق اسا آں من کھدیں دی نہ شمشاں۔چھُکھ آنی ،نوجوان آنی،ہمیں جزبہ آر گیش کھنغ آپا آنہاں نی اندرا سائینس ائے زانتکاری گیش کھنغ آپا یک دوہمی سستم بنا بیسا۔نی شوا شری ہری کوٹا آژ بی اغ والا ایں راکٹ لانچننگ آ دیما نشتؤ دیست کھنے۔نی ایں روش آں آنہی آ ہر کھسے آپا بوژتھی آ شزا ،وزیتر گیلری ٹھائینتھی آ شزا ہموزا دھ ہزار مڑدم نشت کھناں ۔اسرو ائے ویب سائیت چکا داسی ایں لِنک ائے زریعہ آگو آن لائین بُکنگ دی کھنغ بیس بی ۔منا ڈسسی آ شزا کہ کے ای سکول وتی شاگرد آنر راکٹ لانچنگ پھیدھارغ او آنہانی حوصلہ گیش کھنغ آپا ٹور چکا دی برغاں۔من سکول ائے ہیڈماستر او شاگرد آنر منت کھناں کہ آئیغ والا ایں وخت آ آنہی نپ او کھٹ ضروزیراں۔منی سنگت من شوار یک دیگر حیران کھنوخ زانتکاری دئے اغ آپا باڑہ آں منا ،نیمو ایپ۔چکا جھارکھنڈ ائے دن باد ائے رہغ والا پارس ائے کمنٹ پڑھسا پارس لوٹھی کہ من اسرو ایئ یوویکا پروگرام ائے بارو آ نوجوان سنگت آنر ڈساں نوجوان آنر سائینس آگو جوڑغ آپا یوویکا اسرو ائے یک باز وشادگی ائے لائیق کوشست ایں۔۲۰۱۹ آ اے پروگرام سکولی چھُکھ آنی آپا بنا کھزی آ شزغئے سا ۔یوویکا ائے مطلو ایں کہ یووا وگیانی کاریکرم،اے پروگرام مئے ویژن جئے جوان جئے کسان،جئے وگیان جئے انوسنگان،ائے روگا ایں ہمیں پروگرام آ وتی امتحان آ پھدا چھُٹی آنی اندرا شاگرد اسرو ائے جتا جتا مرکز آ شزؤ حلا ائے تیکنالوجی،حلا ائے سائینس او حلا ائے اپلیکیشن ائے بارو آ سِکھاں۔شوار اگرہمیں زانغ آ باڑہ اے کہ تربیت تھانگا بی؟ تھاں وڑ ائے بی؟چھیختر حیران کھنوخ ایں؟گوستی ایں دھکا ہماں ہاں کہ اشی آ بہر گتغئے سا آنہاں نی تجربہ آنی بارو آ ضرور پڑھے۔شوار وا آنہی آ بہر گرغی ایں تہ اسرو آگو جڑسی ایں یوویکا ائے ویب سائیٹ چکا وتی رجستریشن دی کھنائینتھ کھنے۔منی نوجوان سنگت من شوار ڈساں کہ ویب سائیٹ ائے نام لکھے او ضرور مروشی ہی ہموزاائے وزٹ کھنے۔ڈبلو۔ڈبلیو۔ڈبلیو ڈاٹ یوویکا ڈاٹ اسرو ڈاٹ جی او وی ڈاٹ اِن۔لکھسئے ناں؟منی عزیزیں ہم وطن سی او یک جنوری دو ہزار بیست آ لداخ ائے سونڑھاایں وادی یک تاریخی ایں دپ ائے شاہد بیسا۔لیہ ائے ،کوشوک باکو لا،رمپوچی،بالی پٹ آژ جند ائے گواسین پؤج ائے اے این سی او دو ،بالی گراب آ ہماں وخت بال گِتا تہ یک نوخیں تاریخ رقم بیسا۔ہمیں بال گرغ آ دھ پیصد انڈین بایو جیٹ ایندھن آ ملائینتھی آ شزغئے سا ،اینگا سری ایں دھکا بیسا ہماں وخت ہڑ دوکین انجن آنی اندرا ہمیں مکسچر ائے استعمال کھزی آ شزا۔ہمیں ہی نہ لیہ ائے ہماں بالی پٹ چکا ہمیں بالی گراب آ بال گتا آں نہ چھڑوئی آ ھند آ بلکہ جہان آ سجوں آنژ بڑزا بالی پٹ ایں۔خاصیں ٹؤک اش انت کہ بایو جیٹ ایندھن آ نان ایڈیبل ٹری بورنی آئیل،آگو ٹھائینتھی آ شزا۔اشی آ ھند ائے جتا جتا قبائیلی دمغ آنژ گتی آ رؤ۔ہمیں کوشست آنژ نہ چھڑوئی آ کاربن ائے درا بی اغ کھمین بی بلکہ کچوں ایں تیل ائے برآمد چکا دی دارو مدار دی کھمین بیس بی۔من ہمیں مزن ایں کار آگو جڑسی ایں مچھیں مڑدم آنر مبارک دیاں ۔خاصیں ڈؤل چکا سی ایس آئی آر،انڈین انستی تیوت آف پیترولیم،دیرہ دون ائے سائینسزانتکار آنر ہماں ہاں کہ بایو ایندھن آگو بالی گراب آنر بال دیائینغ آ ممکن کھُزا۔آنہاں نی ہمیں کوشست میک ان انڈیا آر دی مضبوط کھنت۔منی عزیزیں ہم وطن مئے نوخیں ھند نی کہنیں طریقہ آگو جُزغ آپا تیار نعیں خاصیں ڈؤل چکا نوخیں انڈیا ائے مئے گوار او ماس ہماں چیلنگ آنر دیما کھنغ آپا اگا بی غاں ہمائی آژ مچھیں معاشرہ اندرا یک مثبت بدلاؤ پھیزاغیں۔بہار ائے پُڑیاں ائے قصو مچھیں ملک ائے مچھیں مڑدم آنی آپا سبق دؤخ ایں ۔اے ہماں دمغ ایں ہماں کہ سال آنژ سیلاب آ دیماں کھنغیں ،اینگین آ ایزا کشتکاری او آمدنی ائے دیگر زریعہآنگو کمائینغ باز مشکل ایں۔مگہ ہمیں حالت آنی اندرا دی پُنڑیاں ائے چھی اے زائیف آں جتا دگ اپنائینتھا ۔سنگت سرا ہمیں دمغ ائے زائیف شہتوت یا ملبری ائے درشک چکا ریشم ائے کیڑہ آنژ کوکون تیار کھُرت،ہمائی ائے آنہاں باز کھمیں بھا مِلس،درگتہ کہ آنہی آ خرید کھنغ والا مڑدم آنہی آژ باز نپ او کھٹ زیرغئے ساں ،مگہ نی پُنڑیاں ائے زائیف آں یک نوخیں بنگیج کھُزا او مچھیں عکس بدل بیسا۔ہمیں زائیف آں سرکار ائے مدد آژ ملبری ائے شئے ٹھائینتھغاں آنہی آ پھدا آنہاں کوکون آژ ریشم ائے دھاگو ٹھائینتھؤ ساڑی ٹھائینغ بنا کھزا۔شوار اے پوہ بیسؤ حیرانی بی کہ سرا ہماں کوکون آر شوشکتؤ باز کھمیں زر ملغئے ساں آں نی آنہی آژ ٹھعیسی ایں ساڑی ہزارہاں روپیہ زر آنی بھا آ شوشکتگی آ رؤغیں آنہی اثر کے ای گاؤں آ دی رؤغیں۔پُنڑیاں ائے کے ای گاؤں ائے کسان گوار نی نہ چھڑوئی آ ساڑی ٹھائینغاں بلکہ مزن ایں میلہ آنی اندرا وتی سٹال جھزؤ آنہی آ باز بھا آ شوشکغاں دی۔یک مثال ائے ڈؤل چکا مروشی ائے زائیف نوخیں طاغت نوخیں ویچار آنگو تھانگا نوخیں مقصد آنر پھیلو کھنغیں۔منی عزیزیں ہم وطن مئے ملک ائے زائیف ،مئے جنکھ آنی سؤداگری مالیاتی حالت،آنہاں نی حوصلہ ہر کھسے آپا فخر ائے ٹؤک انت ۔وتی آسو پاسو آ مارا چنتی اینگے مثال ملاں ہمائی آژ کل بی کہ جنکھ کہنیں بندش آنر نی بھورینغاں نوخیں بلندی تکا رؤغاں من شوے آگو یک دوازد سال آنی جنکھ کامیا کارتکین ،ائے سوب مندی ائے بارو آ ٹؤک کھنغ آپا باڑہ آں ۔کامیا آ چھڑوئی آ دوازد سال آنی عمر آ ہی ماؤنٹ اکون کینگوا،آنہی چکا چڑھغ ائے کارنامہ کھُزئی اے امریکہ ائے اینڈز کوہ ائے سجوں آنژ بلند چوٹی ایں ہماں کہ ہپت ہزار میٹر بلند ایں۔ہر ھندوستانی آر اے ٹؤک متاثر کھنت کہ ہماں وخت ہمیں ماہ ائے بنگیج آ کامیا آ چوٹی پار کھُزا سجوں آنژ سرا مئے ترنگا بلند کھزی آ شزا۔منا اے دی ڈسسی آ شزا کہ ملک ائے نام روژن کھنغ والا ایں کامیا نی یک نوخیں مشن چکا ایں ہمائی نام ایں مشن سہس،ہمائی آگو آں مچھیں براعظم آنی کوہ آنی چوٹی تکا روغ ائے کوشست آ مان ایں۔ہمیں مہم آ آنہی آ نارتھ او ساؤتھ پول چکا سکی دی کھنغی ایں ۔من کامیا آر مشن سہس آپا وتی نیخیں لوٹھغ دیاں ۔آنگا تہ کامیا ائے سوب مندی ہر کھسے آر فٹ رہغ آپا متاثر کھنت ہمیختر کھمین عمر آ کامیا ہماں بلندی تکا پُجھسا آنہی آ ورزش ائے دی مزن ایں عمل ایں ۔ہماں قوم کہ درا او فٹ ایں ہماں ہِٹ ایں۔آنگا تہ آئیغ والا ایں ماہ ایڈونچر سپورٹس آپا دی باز مناسو ایں ھند ائے جغرافی اینگین ایں کہ مئے ملک آ ایڈونچر سپورٹس آپا باز موقع دا۔یک وٹا ہموزا بلند کوہ آں تہ دوہمی وٹا دیر دیر تکا ریگستان ایں۔یک وٹا ہموزا مزن ایں جنگل آں تہ دوہمی وٹا سمندر ائے لامحدود نظارہ ایں۔ہمیں خاطرہ منی شوے آگو خاصیں اصرار ایں کہ وتی پسند ائے ھَند آ وتی دل لوٹھی ائے عمل گچین کھنے او وتی زند آر ایڈونچر آگو جوڑ کھنے۔زند اندرا ایڈونچر تہ بی اغ لوٹھی ۔آنگا سنگت دوازد سال آنی جنکھ کامیا ائے سوب مندی آ پھدا شوا ہماں وخت یکسد او پنچ سال آنی بھاگیرت ماس ائے قصو اش کھنے تہ حیران بی اے۔سنگتاں اگہ ما زند آ ترقی کھنغ آ باڑہ اوں تہ سری ایں شرط اے بی کہ مئے اندری ایں زانتکار زیندغ بی اغ لوٹھی ۔مئے یک سد او پنچ سال آنی بھاگیرت اما مارا اے سبق دا کہ نی شوا اے زانغ آپا باڑہ اے کہ اے بھاگیرت اما کھئے ایں ۔بھاگیرتھی اما کیرالہ ائے کولام آ ایں باز کسنی آ ہی آنہی ماس مڑتھغئے سا کسنیں عمر آ ہی آنہی سیر آ پھدا آنہی مڑد دی مڑتھا۔مگہ بھاگیرتھی اما ائے جزبہ او حوصلہ گار نویسا،دھ سال آنژ کھمیں عمر آ آنہی آر وتی اسکول الغی بیسغئے سا ،یک سد او پنچ سال آنی عمر آ آنہی آ پدوارغ اسکول روغ بنا کھُزا ہمیختر عمر ائے بی اغ ائے باوجوت اما آ چھیارمی کلاس ائے امتحان داسا او باز بے صوری آگو نتیجہ آنی انتظار کھنغئے ،آنہی آ امتحان آ ہپتاد او پنچ پیصد نمبر گتؤ سوب مند بیسا،ہمیختر ہی نہ آنہی آ حساب آ سد نمبر گتئی،اما نی اگا دی پڑھغ آپا باڑہ ایں۔پدھر ایں بھاگیرتھی اما ڈؤل ائے مڑدم ہمیں ملک ائے طاغت آں ۔من مروشی بھاگیرتھی اما آ باز سلام کھناں۔سنگتاں ،زند ائے حلاپ وخت آ مئے حوصلہ۔مئے لوٹھغ ائے طاغت،ھچھ دی بھیر ائے حالت آنر بدل کھُز کھنت۔نی ایں روش آں منا میڈیا آ یک اینگے قصو پڑھسا ہمائی آ کہ من شوے آگو ونڈغ آپا باڑہ آں۔اے قصو ایں مراد آباد ائے حمیر پور گاؤں ائے رہغ والا سلمان ائے،سلمان پیدا بی اغ آژ ہی لاچار اسا آنہی پھاز آنہی گون نیا ہمیں مشکل ائے باوجوت دی آں لغور نویسا او وا وتی کار بنا کھنغ ائے فیصلہ کھُزی۔پھجی آ اے دی عہد کھُزیئ کہ نی آں وتی ڈؤل ائے سنگت آنی مدد دی کھنت سلمان آ وتی گاؤں آ چپل او صرف ٹھائینغ ائے کار بنا کھُزا ۔سلمان ائے پھجی آ سی دیگر لاچار مڑدم دی آنہی گون بیسغاں۔شوا اے دی ویچار کھنے کہ سلمان وا لاچار اسا مگہ آنہی آ دوہمی آنی دگ آسان کھنغ آپا جُتی او صرف ٹھائینغ ائے کار بنا کھُزا۔خاصیں ٹؤک اش انت کہ سلمان آ وتی مچھیں لاچار سنگت آنر وا تربیت داسا ،نی اے مچھیں سنگت ملسؤ کار کھناں مال ٹھائیناں او مارکیٹنگ کھناں۔وتی محنت آگو ہمیں مڑدم آں نا چھڑوئی آ وتی آپا روزگار پیدا کھُزا بلکہ وتی کمپنی آر دی ترقی کھنائینتھیش۔نی ہمیں مڑدم ملسؤ یک روش آ ڈیڈھ سد جُتی ٹھائیناں ،ہمیختر ہی نا سلمان آ ہمیں سال سد دیگر لاچار آنر روزگار دئے اغ ائے عہد گتا۔من ہمیں مچھین آنی حوصلہ آر سلام کھناں۔اینگے ہی عہد گجرات ائے کچھ دمغ ائے اجرگ گاؤں ائے مڑدم آں دی کھُزغاں۔سال دوہزار یک آ آتکغیں ڈغار چھنڈ آ پھدا مچھیں مڑدم گاؤں السؤ رؤغئے ساں کہ اسماعیل کھتری نام ائے مڑدم آ گاؤں آ نعیلسا او ہموزا اجرگ پرنٹ ائے وتی ابا ڈاڈا ائے فن آ مضبوط کھنغ ائے عہد کھُزا۔گڈا چھے اسا دیستؤ ہی دیستؤ ھزائی رنگ آنگو ٹھعیسی ایں اجرگ ائے فنکاری ہر کھسے آر وتی وٹا چھکغیں۔گاؤں والا آں نہ چھڑوئی آ سدیں سال کہنیں وتی ہمیں فنکاری آ مضبوط کھُزا بلکہ آنہی آر ماڈرن فیشن آگو دی جوڑسیش۔مروشی اجرک پرنٹ یک مزن ایں برانڈ بی غیں جہان ائے مزن ایں خریدار آنر ہمیں پرنٹ وتی وٹا چھکغیں۔منی عزیزیں ہم وطن نی ایں روش آں مچھیں ملک آ مہا شوراتری ائے تہوار منائینتھی آ شزا،بھگوان شو او ماتا پاروتی ائے آشیرواد ملک ائے شعور آ بیدار کھزی ایں۔مہا شو راتری آ بھولے بابا ائے آشیرواد شوے چکا بی شوے ہر مراد شو بھگوان پورا کھنت،شوا دُرا او جوڑ بی اے او ملک آپا وتی زمہ واری آنر پھیلو کھنے۔سنگتاں مہا شو راتری ائے پھجی آ ہی بہار ائے موسم دی روش پروش اگا بی۔آئیغ والا ایں روش آ ہولی ایئ دی تہوار ایں آنہی آ پھدا گُڑی پاروا دی آئیغ والا ایں نوراتری ائے تہوار دی اشی پھجی آ جڑسی آ بی رام نومی دی اشی پھجی آ بی۔تہوار مئے ملک ائے معاشرتی زند ائے خاصین بہر آں ۔ہر تہوار ائے پھدا ھچھ نہ ھچھ اینگے معاشرتی پھیغام جڑسی آ ایں ہماں کہ معاشرہ او مچھیں ملک آ جوڑسؤ ایر کھنت۔ہولی آ پھدا چیتر شکل نوخین سال ائے بنگیج دی بی آنہی آپا دی ھند ائے نوخیں سال آپا من شوا نیخیں لوٹھغ دیاں۔منی عزیزیں ہم وطن اگی ایں من کی بات تکا تہ منا مان کھائے کہ شاید شاگرد وتی امتحان آ مصروف بی آں ہماں ہاں نی امتحان بیسؤ شزغاں آں مست بی آں ،ہماں کہ مصروف آں ہماں کہ مست آں آنہانر دی باز باز نیخیں لوٹھغ داسؤ بیائے اگی ایں من کی بات پروگرام چنتی ٹؤک آنر گتؤ پدوارغ مِلوں۔باز باز شکری نمسکار۔