سرگال: پاکستان بہ اوگانستانا امنئ لوٹوک نہ انت۔

اوگانستانئ چُنتی دھہ ھون ریچی مُچین عالمئ توجہ آ دیمئ وت گردینتگیت و پہ ایشی حلئ ودی کنگا شہ اکوام متحدہ گپتہ تہ مُچین عالمین ادارہ وتی کوشست کنگا انت و ای کوشست مروچی ھم رادگ انت و نون یک امیتئ روشنئ بہ چما آتگیت۔ 

آمریکہ شہ ای صورتحالئ در بیگا وتی پورہ ئن کوشستا کنگا انت و گون ای کارا سرگردان انت، پہ امنئ برجا بیگا بازین سَکی بہ دیما انت مگہ شہ مُچان مزنئن مسئلہ ایش انت کہ بہ دھشت گردیئ حلاپئ لڑگا شہ آمریکہ ارب ھا ڈالر مددئ گرگا سرئ دھشت گردیئ حلاپا پاکستانئ رپتار ھر وھدہ شَکین استیت و پاکستانئ وازدار سرئ وتی ھکل و کوکاران پہ دنیا ای باورئ دیگا بی سوب انت کہ آی پہ راستی بہ سیما پہ امن سَک بیگا سنجتگ انت۔ آمریکہ ھم وتی ای شَک و شبہ آنا ھر وار پاک و ساپ گشتگیت و بہ پاکستانئ سرا وتی بی باوریا درا کرتگیت، ای باور وھدہ مزنئن تکانئ وارت کہ اوسامہ بن لادن پھد بہ پاکستانئ ایبت آبادا جتگ بوت و ای کارا آمریکہ حکام کرتنت۔ 

بہ اوگانستانا شہ شوروئ اتحادئ اوشتارینگا شہ آمریکہ مددتانی گرگا پہ شدت پسندین مڑوکان گون پاچین دلئ بہ دست آورت کہ پاکستانئ پوج ای اس آی منگا نہ ات۔ آمریکہ مجبوری ایش ات کہ بیدئ پاکستان بہ اوگانستانئ رسگا دیگہ راھئ نہ داشت، وسطین آسیائ مُلک شوروئ اتحادئ ٹوکور اتنت و بہ آ وھدہ بہ ایرانا ھم آمریکائیانا گرو گپتنت۔ 

شہ آمریکہ ای مجبوریا پاکستان پورہ ئن وڑئ کٹ گپتیت و تہ مروچی ھم کٹ گرگا انت۔ پاکستانئ یکین مکسد بہ اوگانستانا یک کم واکین شدت پسندین حکومتئ لوٹگ انت کہ وتی وت واکیا اشتہ بہ پاکستانئ اشارہ ان دیمائی بروت، یک وھدہ پاکستان بری کوشستا اتیت کہ اوگانستان و ھندوستانئ براسدارین بستگیا سیندیت و شہ وتی سرڈگارا بہ ھندوستانئ حلاپا گون دھشت گردین کاروائیان تسر کنگا بیت۔ مروچی ھم گون بدنام ئن دھشت گردان پہ وتی گندگین مکسدانی رسگا دھشت گردانا کوت کنگئ باورا داریت۔ بہ اوگانستان و ھندوستانئ تباھی تھنک کنگا وتی راھ زانت و نون وتی پوجین ورنائانی کوشوک احسان اللہ احسان بہ سزا دیگئ جاگہ یک چیرین معاملہ سیائگا آی را جیئنتنت، ای وڑئ کَسانی جئیل بیگئ جاگہ عیش و عشرت و شرّین ساز و سامان پہ آوان برابیر انت۔ 

کشتگ بوتگین ورنائانی ماس و پئس بری بھرا پوجین ایسٹبلشمنٹ آ ذموار زاننت۔ پاکستان دعوا داریت کہ شہ اکوام متحدہ نشان بوتگین دھشت گردان ۹ مردمی بہ پاکستانا انت کہ لشکر طیبہ سروک حافظ سعید ھم ھور انت و بہ فنڈ برابیر کنگئ بھرا ۲۲۲ مردمانا سزا داتگیت پہ وتی منا۔ مگہ بہ عالمین براسانی چمانی تھا ای وڑا پُر ریچگا انت کہ بہ بندیی ناما چیرکائی آزات انت پہ وت۔ پلوامہ ھلگرئ ماسٹر مائنڈ حافظ سعید تھاناکا پہ وتی مسخرہ کنگا گپتگیتپہ چہ کہ دیگہ راھئ پہ آی نہ منتتیت کہ اگہ نہ ایف ٹی ای ایف آی را بلک لسٹ کرت۔ ای افسوسئ وڑئ ھبرئ انت کہ رندا شہ پلوامہ ھلگرا ھندوستان بہ بالاکوٹ سرا ھلگر کرت۔ وھدہ کہ پہ دنیا پھدیی جتگ بوتیت کہ پاکستان بہ دھشت گردانی سزا دیگا بی سوب انت حکانئ نیٹ ورک، القاعدہ، اسلامیک اسٹئٹ و لشکر طیبہ وڑئ تنظیمئ سرا ضرب عزب آپریشن باز ھم رکتنت۔ آمریکہ باید انت زانت کہ اگہ طالب پاکستانئ نیمہ داریا اگہ مہ داشتنت وخت تہ نون ھاک بوتتنت، اگہ آمریکہ شہ بلک لسٹا پہ رکینگئ کوشستئ  انت دیگہ مزنئن خطائ کنگا انت۔