سرگال: شہ آمریکہ دپاع وزیرئ دیما : طالبانی جنگبندی بیدئ خطرا نہ انت۔

چُنت روچ دیما ناتوئ دپاع وزیرانی دیوان بہ بروسلز بوتیت و بہ آ دیوانا آمریکہ دپاع وزیر مارک ایسپر ای اطلاع داتیت کہ گون طالبان گپ و تران بہ ای نتیجہ رستگیت کہ آوان راضی بوتگنت کہ پہ ۷ روچ شہ تشددین کاروائیان دوری کننت۔ شہ ایشی یک روچ دیما اوگانئ سدر اشرف غنی ای اشارہ کرتیت کہ بہ آمریکہ و طالبانی نمایندگانی نیاما گپ و تران یاتئ وڑئ دیمرئی کرتگیت۔ واجہ ایسپر بہ بروسلز گون حالین احوالکارانی نمایندگان ایشا ھم گشتیت کہ آمریکہ و طالب بری تجویزئ سرا غور کرتگنت کہ پہ ۷ روچ تشددین کاروائیانا اوشتاریننت۔ ھمی وڑا ایشا گشتگیت کہ اگہ بہ اوگانستانا حالتانی بدل بیگا یک حلئ اگر نہ انت دیگہ شرّین راہ ای وڑئ سیاسین تفاھم انت و امیت درا کرت کہ کار رادگ انت و ھر چی زودتر ای کار بیت مگہ کہ گشتیت چی وھدہ بناہ بیت۔ مگہ طالبانی نمایندگ ایشا گشتنت کہ جمعہ روچا یعنئ فرورئ ۱۴ تشددئ کاروائیا اوشتاتگ بنت۔ 

شہ دیگہ نیمگئ آمریکہ دپاع وزیر ایشا گشتیت کہ بہ مئ خیالا نون ھپت روچ بس انت مگہ سرئ ایشی بہ ھر گامئ مئ مواقف ایش انت کہ کارئ کہ بیت مشروطیت وڑا انت۔ واجہ ایسپر ھر وار ای ھبرئ سرا سَک بوتیت کہ طالبانی و آمریکہ حلقہ انی بیانانی نتیجہ ایش بیت ممتازین ھالتاک نیویارک ٹائمز بہ وتی رپوٹا گشتگیت کہ سدر ڈونالڈ ٹرامپ شہ اوگانستانا پہ وتی پوجیانی برگردینتنا گون طالبان مشروطین وڑئ گپ و ترانا منگا بوتگیت۔ رندا شہ ایشی طالب شہ گپ و ترانا شرّین امکانان کرتگنت مگہ بہر حال شہ خطرا اورک نہ انت۔ ھپت روچ جنگبندی باقاعدہ ئن جارئ دیما آوان گشتنت کہ وقفہ لوٹوک انت کہ بہ اوگانستانا پہ امنا یک موقع دینت۔ شرّین راہ پہ ای کارا ھمیش انت کہ بہ سیاسین گپ و ترانئ سیائگا بیت۔ ای بیان یک روچ دیما آمریکہ یک اعلائن اپسرئ داتیت کہ تفاھمئ خاکا تیار بوتگیت و ھر چی زوتر چاری جتگ بیت۔ 

بہ مونیخ دپاع وزیر ایسپر ڈنئ کارانی وزیر مائک پامپئو جمعہ روچا گون اوگانستانئ سدر اشرف غنی دیستنت و اشرف غنی بری معاملہ بھرا شہ گیشترین ھبر دیگا دوری کرتیت۔ بہر حال ای وڑا درا بیت کہ آمریکہ پوجیانی روگئ سلسلہ زوتئ بناہ بیت ایش ھم اوشکتگ بیت کہ بہ ۱۰ روچئ تھا مُچین اوگانستان گیند و نیندئ بناہ بیت کہ ھمی پلانئ یک کوتئ انت، دیگہ اگہ بلوٹنت شہ ای مُچین ھبران بہ یک نتیجہ برسنت ایش بیت کہ حکیکت تہ انون شرّیا درا نہ انت۔ دپاع وزیر ھر وار شیت کہ تفاھم رادگ انت مگہ شہ خطرا اورک کہ انت۔ آمریکہ وت انگتا باور نہ داریت کہ چون بیت پہ امیشا دپاع وزیر ھر وارئ ھمی وڑا شیت کہ وت اوگانستانئ سدر ھم یقین نہ داریت بری ھبرا۔ نون بیدئ چمبرائیا دیگہ راھ معلوم نہ بیت۔ بہ گئوستگین سالا بہ آمریکہ نمایندگ و طالبانی نیاما دور و تچکین گپ و ترانئ عمل منسوخ بوت و درا بوت کہ طالب تشددئ راہ ویل نہ کننت۔ 

نون ای سوج بہ دیما کئیت وھدہ کہ شہ مُچان گون دنیائ مزنئن واکا طالب گوازی کنگا انت دیگہ رندا شہ پوجیانی روگا چی وڑا کننت۔ اوگانستانئ بازین حلقہ پہ امنئ گپ و ترانا تیار بوتگنت، آوان اوگانستانئ کانونین حکومتا بہ چما نہ کارنت و ایشی امیتئ دارگ ھم جوان نہ انت کہ بہ آسانی کجام حکومتئ سیاسی جور بیت۔