سرگال:افغانستان صدارتی گچین کاری آ اشرف غنی سوب مند

پنچ ماہ آنی دیری آ پھدا ۲۸ ستمبر ۲۰۱۹ آ منعقد افغانستان ائے صدارتی گچین کاری ائے نتیجہ آنی جار جھزی آ شزا او صدارتی عہدہ ائے امیت وار ،نی ایں صدر واجہ اشرف غنی آ کھٹسا ۔گڈا دی آنہی حریف عبداللہ عبداللہ آ ہمیں نتیجہ آنر منغ آژ انکار کھُزا ۔آنہی آ گچین کاری کمیشن چکا دھوکہ کھنغ ائے الزام جھزا او دعوی کھُزئی کہ کہ آں نوخیں سرکار ٹھائینی۔ہمیں گچین کاری آ کھمیں مڑدم آں وتی ووٹ داسا او بنگیج ائے ووٹ شماری آژ پدھر بیسا کہ اشرف غنی اگا ایں تہ آنہی حریف آں ووٹ پیصد چکا جھیڑو کھڑو کھُزا ہمائی نتیجہ آ ۱۵ پیصد ووٹ آنی آڈٹ ائے فیصلہ کھُای آ شزا۔اشرف غنی باز کھمیں ووٹ آنژ سوب مند بیسا ۔آنہی آر پنجہ اعشاریہ شش چھیار ووٹ مؒسغئے ساں ۔آخیری ایں نتیجہ آنی جار آ پھدا ھند آ اشرف غنی آ پدوارغ صدر گچین بی اغ چکا مبارک داسا ۔ھند ائے سرکار آ افغان عوام ائے جمہوری ایں امیت آنی حمایت آ پدھر کھزؤ گوشتا کہ آں نوخیں سرکار او جمہوری ایں نظام آگو کار کھنغ آپا پر عزم ایں تاکہ ڈن ائے ملک آنی دست رکھیائی او تربیت گتی ایں دھشت گردی ائے لعنت ائے حلاپ مڑائی او افغان عوام ائے سروکی والا،آنہاں نی ملکیت او کنترول بُنا پھائیدارقومی امن او سالمیت آپا ہورین استریتجک سنگتداری آ استحکام دئے اغ بیس بی۔اینگا سری ایں دھکا بیسا ہماں وخت افغان ستان ائے صدارتی گچین کاری آ ناوشی پیدا بیسا ۔ھچھ حد تکا دیستی آ برؤ تہ اے دوہزار چھیاردہ ائے صدارتی گچین کاری ائے تکرار ایں ہمائی آ اشرف غنی او عبداللہ عبداللہ ہڑ دوکین ہی امیت وار اساں ۔۲۰۱۴ آ نہ چھڑوئی آ ووٹ آنی پدوارغ گنتی کھنائینتھی آ شزغئے سا بلکہ گچین کاری ائے نتیجہ آنی چکا دوایں امیت وار آنی نیمگا ناوشی پیدا بیسغئے سا ،گڈا دی عبداللہ عبدللہ آپا اختیار آنی بہر کھنغ ائے فارمولہ تیار کھزی آ شزا او چیف ایگزیکیوتو ائے عہدہ ٹھائینتھی آ شزا ہماں کہ آئین آژ منظور کھزی آ نیا۔گدا دی آنہی آر پارلیمان آژ منظوری لازمی اسا۔پارلیمان ائے اجلاس ۲۰۱۸ آ چھیار سال آنی دیری آ پھدا منعقد بیسغئے سا۔چوش کہ سرکار ہمیں دو خیمہ آ بہر بی اغ ائے وجہ آژ معطل بیسغئے سا ہمیں خاطرہ گچین کاری اصلاح او قومی متحدہ سرکار ائے ایجنڈہ ائے یک بہر ائے ڈؤل چکا طئے بیسغیں خاصیں گچین کاری اصلاح ائے کمیشن ائے قیام دی عمل آ نیاتکا۔نی تکا طالبان آ افغانستان ائے سرکار ائے قانونی جواز آ نہ منسا ۔نی درگتہ کہ گچین کاری آ جھیڑو پیدا بیسا تہ غنی ائے سرکار قانونی جواز چکا گیش سوال کھڑو بیس بی۔اشی ائے علاوہ گچین کاری ائے مچھیں عمل او افغانستان آ رونشت حمایت گتی ایں جمہوریت دی سوال آنی دائیرہ آ بیس بی۔ہمیں رونشت حمایت والا جمہوریت ائے طالبان حلاپ آں ۔اینگے وخت آ ہماں وخت کہ امن منغ نامہ ائے تکمیل نزیخ ایں ،صدارتی گچین کاری ائے نتیجہ آنی چکا ناوشی آژ امن ائے قیام چکا اثر بیس بی۔