سرگال: بہ پاکستان قاضیانی چیرین نگرانی۔
بہ پاکستانا جمھوریت یک انچین آزمایگئ جائ جور بوتگیت کہ اودان پوجئ بالادستی و عوامئ حوصلہ و ھب و آرمانانی نیاما یک سارتین جنگئ ھر وھدہ رادگ بوتگیت۔ بہ جالئ آسیا بہ اودان یک جمھوریت کہ بہ مستحکم بیگئ راھ دیما روگا انت شہ عوامئ نیمگا گیچئن بوتگین حکومت ھر وھدہ وتی طبیعین عمرا گپتہ شکین معلوم بیت و نون ای معاملہ یک وڑئ گرونگئ وڑا بہ چما کائیت۔ عمران خان ھر وار گشتگیت کہ بہ پاکستان پوج و حکومتئ نیاما کجام اختلاپ نہ انت و دوکین بہ یک راھ انت۔ بہ مخالپین گلانی سروکانی دیما عمران خان یک گیچئن بوتگین سرئ وزیرئ نہ انت و شہ پوجئ رحم و کَرَمئ وجا بہ واکا رستگیت۔
شاید شہ ھمی وجا انت کہ بہ عمران خانئ حلاپا ھیچ کجام سروکئ بیان و فیصلہ پاکستانئ پوج و ایجنسیانی ھلگرا بہ وتی سرا پکر کننت و بہ انچین وھدہ ٹپ تاناکا و تاناکا پہ عواما رسیت۔ ای ھبر شہ ھیش کَسئ دیما چیر نہ انت کہ پاکستان پہ باز سَکی شہ ایف آی ٹی ایف دیما شہ بلک لسٹ ھور بیگا وترا رکینت و پہ چُنت ماھ مُھلت گپت شہ دھشت گردیئ اعانتا پاکستانئ ایسٹبلشمنٹ بہ دست آرگا انت پہ امیشا پہ دھشت گردان سزائ دیگا پاکستان ھر بی سوب مانیت۔ اگہ بہ عدالتا کجام قاضی جرات دیما کرت دیگہ حکومت و پوج یکجا بہ آی حلاپا شہ مُچین حربین کار گرگا پہ آی سبق دیگا سرینا بندنت۔ بہ نوکین معاملہ ان قاضی فائض عیسی کہ شہ صدارتین رفرنس حوالہ بہ پوج و ایجنسیانی سرا سَکین الزام عائد کنگا بوتگیت درا انت کہ قاضی عیسی وڑا بہ مُلکا چُنت سروک ایمان دارین و بی باکین انت کہ وتی فرض زاننت و قاضی انت۔ آئ پئس بہ پاکستانئ جد و جھدا اھمین رولئ داشتگیت و بلوچستانئ ھور کنگا بہ پاکستان شہ آی نیمہ داری کرتگیت۔ مگہ نون آی پہ وتی بنیادین حکان توارئ برز کنگا مجبور بوتگنت۔
بری گڈین وھدان گون بلوچئ عواما پاکستانئ اسٹبلشمنٹ رویہ کہ دارنت شہ آوان ھر نیمگئ بدگشی بیت۔ پشتون تحفظ تحریک مردمانی جبرین زیان بیگ و قتل و کُش یک عامین ھبرئ انت نون۔ ڈنا شہ مُلکا ای سروکانئ حلاپا و آوانی ھمدردانی حلاپا شہ ای ایس ای نیمگا ھلگرانی ھبر اوشکتگ بیت۔
بہ پاکستانا شہ یک نیمگا احسان اللہ احسان و مسعود اظھری وڑئ دھشت گردان پہ آوان جیئگئ وخت داتگ بیت و شہ دیگہ نیمگئ احوالکار و سوشل میڈیا وتی ڈبہ چیرا و آوانی آزار و اذیتئ نشان گرنت۔ شہ قاضی عیسئ اشارہ سازشئ سلسلہ بہ فیض آباد بہ چما کئیت و دیما پہ دوارگین چمشانک کنگا بہ ای کئسئ بھرا بہ کویٹہ ترکگا رپوٹی رندا بناہ بوتہ و بری بھرا قاضی ساپ و پاکین وڑا گشتگیت کہ آی ایس آی بہ سیاسین معاملہ ان دست مان دیگئ ھیچ حکئ نہ داریت و نہ شہ کجام سیاسین جماعتئ نیمہ داری کرتگ کنت۔ آی بہ سدرئ رفرنس پسوئ آ سدر، سرئ وزیرئ و خاسین کمکار و کانونئ وزیرئ حلاپا چوگولئ عملا گناھکار بیگئ وجا بہ توھین عدالتا مقدمہ ای دیما روت۔ بہ انچین وھدہ کہ یک قاضی وترا بی وس و مجبور و لاچار گندیت بہ ھر معاشرئ عدلیہ باید انت کہ گیر نیمہ دارین رپتارئ داشتگ بیت۔
بہ یک مقننہ سرا ڈبہ پرینگئ کوشست رادگ انت و دیگہ بہ مُلکا شہ جمھوریتا خداحافظی انت۔
Comments
Post a Comment