29.03.2020 من کی بات

منی عزیزیں ہم وطن

عامیں ڈؤل چکا من کی بات پروگرام آ من کے ای مسلہ آنی چکا ٹؤک کھناں مگہ مروشی ملک او جہان ائے دل آ چھڑوئی آ او چھڑوئی آ یک ہی ٹؤک انت کرونا عالمی ناجوڑی اینگین آ من دیگر ھچھ ٹؤک کھناں آں مناسو نوی۔چنتی خاصیں ٹؤک کھناں مگہ مروشی منی دل لوٹھغیں کہ ہمیں ناجوڑی ائے بارو آ چھی اے ٹؤک ڈساں ،مگہ سجوں آنژ سرا من وتی امُت آژ معافی لوٹھاں او منی روح مناں گُشی کہ شوار مناں معاف کھنے۔پھرچھے کہ چھی اے اینگے فیصلہ گرغی بیسغاں ہمائی سبب آژ شوار مشکل دیما کھنغی بی غیں ۔خاصیں ڈؤل چکا من وتی غریو براس او گوار آنر گنداں تہ مناں ضرور مان کھائے کہ آں ضرور ویچار کھنغاں کہ اینگے تھانگے سروزیر ایں کہ مارا ہمیں مصیبت آ ماکھُزئی ۔آنہانژ ما خاصیں ڈؤل چکا معافی آ لوٹھاں ،بیس بی کہ مئی آنژ چنتی مڑدم ناوش بی آں کہ اینگا تھانگا مرڈم آنر منا لوغ آنی اندرا بند کھُزؤ اشتا۔من شوئے مشکل پوہ بی آں شوئے پریشانی آنر دی پوہ بی آں مگہ ھند ڈؤل ائے یک سد او سی کروڑ آباتی والا ایں ملک آ کرونا ائے حلاپ مڑائی آپا ہمیں گام زیرغ ائے علاوہ دیگر دگ نیا ۔کرونا ائے حلاپ مڑائی زند او مرغ ائے نیمگا مڑائی ایں او ہمیں مڑائی آ مارا کھٹغی ایں ۔او ہمیں خاطرہ ہمیں سخت ایں گام زیرغ ضروری اسا۔کھسے ائے دی دل نہ لوٹھی کہ اینگے گام زیری مگہ جہان ائے حالت آنر دیستؤ مان کھائے کہ چھڑوئی آ ہمیں ہی دگ بھچسا۔شوار شوئے کنبہ آر محفوظ ایر کھنغی ایں ،من یک دھکا پدوارغ شوار ہماں کہ مشکل بیسا آنہی آپا معافی لوٹھاں ۔سنگتے مئے ایزا گوشتی آ شزا کہ اینو اینو وکار ،اپی ترونہا سادتے سکھم،یعنی ناجوڑی او آنہی نقصان آژ بنگیج آژ ہی قابو کھنغ لوٹھی ۔پھدا ناجوڑی قابو کھنغ آژ درا بی رؤ تہ گڈا علاج دی مشکل بی رؤ۔او مروشی مچھیں ھند ہر ھندوستانی ہمیں کھنغیں براس او گوار ماس او بزرگ کرونا وا ناجوڑی آ جہان آ قید کھُزا ہمیں ناجوڑی،پوہ،نادان،غریو،امیر،کمزار او زور آور ہر بھیرائے مڑدم آنر چیلنج کھنغیں ،اے نہ تہ سیماں گندی نہ ہی دمغ گندی او نہ ہی موسم گندی اے وائیرس مڑدم آر کُشغ آنہی آ آسر کھنغ ائے ضد کھُزؤ نشتی ایں ۔او ہمیں خاطرہ مچھیں مڑدم آنر مچھیں مڑدمیت آ ہمیں ناجوڑی آ آسر کھنغ آپا یک بیسؤ عہد کھنغی بی کہ ۔چھی اے مڑدم آنر مان کھائے کہ آں لاک ڈاؤن آر منغاں تہ اینگا کھزؤ آں دوہمی آنی چکا احسان کھنغاں ،ارے منی براس اینگے وہم مخنے اے لاک ڈاؤن شوار جند آر بھچینغ آپا ایں ،شوار وضہار محفوظ کھنغی ایں ،وتی کنبہ آر محفوظ کھنغی ایں ،تنک شوار آئیغ والا ایں کے ای روش آنی تکا ہمیں بھیرئے مَہل دارغی بی،لکشمن ریکھا آ پار نہ کھنغی بی۔سنگتے من اے دی زاناں کہ کھسے دی قانون ائے حلاپ روغ آپا باڑہ نعیں ،اصول آنر بھورینغ آپا باڑہ نعیں مگہ چھی اے مڑدم اینگا کھنغاں پھرچھے کہ نی دی آں حالت آنی سنجیدگی آ پوہ نویغاں ،اینگے مڑدم آنر ہمیں گُشاں کہ لاک ڈاؤن آ نہ مناں تہ کرونا ناجوڑی آژ بھچغ مشکل بی رؤ۔جہان آ چنتی اینگے مڑدم آنر چھی اے ہمیں بھیرئے وش فہمی اسا مروشی ہمیں مڑدم لجی آں۔منی سنگت مئے ایزا گوشتی آ شزا کہ آروگیم پرم بھاگیم سواستیم سروارتھ سادھنم ،یعنی درائی ہی سجوں آنژ مزن ایں سوکھڑی ایں۔جہان آ مچھیں وشی درائی آگو جڑسی آں ،اینگین آ قانون ائے حلاپ روغ والا وتی زند آگو لیو کھنغاں ۔سنگتے ہمیں مڑائی ائے چنتی مڑوک اینگے آں ہماں کہ لوغ آنژ درا کرونا وائیرس ناجوڑی ائے مقابلہ کھنغاں ہماں کہ مئے سیماں آنی جوان آں ،خاصیں بھیرا مئے نرس ڈاغدار آں پیرا میدیکل طبقہ ایں اینگے سنگت ہماں کہ کرونا آ ناسوب کھُزا مروشی مارا آنہانژ سبق زیرغی ایں ۔گوستی ایں روش آ مناں چھی اے اینگے مڑدم آنگو فون چکا ٹؤک کھُزا آنہاں نی حوصلہ دی گیش کھُزا او آنہانژ ٹؤک کھُزؤ منی ہمت دی گیش بیسا مناں آنہانژ باز چھی اے سکھسا منی باز دل کھنغئے سا ہمیں خاطرہ شے دھکی من کی بات پروگرام آ اینگے سنگت آنی تجربہ آنہانژ بیسغیں تؤک توار آنہانژ چھی اے ٹؤک شوئے پھجی آ ونڈاں ۔سجوں آنژ سرا مئے پھجی آ جُڑی واجہ رام گمپا تیجا جی ،آنگا تہ آں آئی ٹی پروفیشنل ایں بیائے آنہی تجربہ آنر اش کھنوں،

جی واجہ رام

رام گمپا تیجا :نمستے واجہ

واجہ مودی:کھئے رام ٹؤک آ کھنغا؟

رام گمپا تیجا:جی بھوتار من رام ٹؤک آ کھنغاں

واجہ مودی:جی رام نمستے

رام :نمستے نمستے

واجہ مودی:من اش کھُزا کہ تھہ کرونا وائیرس ناجوڑی آ دیما کھُزؤ جوڑ بیسغئے

رام:جی ہا بھوتار

واجہ مودی: من شوے گون چھی اے ٹؤک کھنغ آپا باڑہ آں شوا ہمیں ناجوڑی آژ درا بیسغئے من شوئے تجربہ آ اش کھنغ آپا باڑہ آں

رام گنپا:من یک آئی ٹی سیکتر آ ملازم آں کار ائے سبب آژ من دبیئ شزغئے سوں بیٹھک آپا ہموزا مناں ہمیں ناجوڑی بیسغئے سا ہماں وخت من گڑتھؤ آتکغاں تہ مناں تھف بیسا تہ مناں پنچ شش روش آنی پھدا ڈاغدار آں کرونا وائیرس ائے ٹیسٹ کھُزا او مناں کرونا ناجوڑی ائے کل کھپتا ۔ہماں وخت منا گاندھی اسپتال حیدراباد آ داخل کھُزی آ شزغئے سا منا او آنہی رندا من چھیاردہ روش آنی پھدا جوڑ بیسغاں او اسپتال آژ موکل ملسا۔چھی اے تھُرسینغ والا اسا ہمیں مچھیں ٹؤک

واجہ مودی:یعنی ہماں وخت شوار ناجوڑی ائے کل کھپتا او شوار اشی آژ سرا اے دی زانتکاری اسا کہ ہمیں ناجوڑی ائے وائیرس باز خطرناکیں ایں او تکلیف دؤخ انت تہ ہماں وخت شوا ہمیں ناجوڑی آ نادرا بیسغئے تہ شوار یک دم چھے محسوس بیسا؟

رام گمپا تیجا:سرا تہ من باز تھڑستغاں منا باور دی نویغئے سا کہ منا ہمیں ناجوڑی بیسا ،اینگا تھانگا بیسا پھرچھے کہ ھند آ دو سئے مڑدم آنر دی بیسغئے سا ہمیں خاطرہ ھچھ کل نیا ہمیں ناجوڑی ائے بارو آ اسپتال آ ہماں وخت مناں داخل کھُزی آ شزغئے سا تہ مناں جتا ایر کھُزی آ شزغئے سا ہماں وخت سرا دو سئے روش اینگا گوستغئے ساں مگہ ہموزا ائے ڈاغدار او نرس باز جوان اساں او منی پھجی آ ہر روش تیلیفون چکا ٹؤک کھزؤ منی ہمت گیش کھنغئے ساں کہ ھچھ دی نوی تھہ درا بی اےاینگا منی آگو روش آ دو سئے دھکا ڈاغدار او نرس منی پھجی آ ٹؤک کھُرت۔تہ ہماں کہ تھڑس اسا آں دیر بیسا او منا محسوس بیسا کہ من درا بی آں

مودی :کنبہ ائے مڑدم آنی دل آ چھے گوزغئے سا ؟

رام گمپا تیجا:ہماں وخت من اسپتال آ داخل بیسغئے سا تہ سرا تہ ہر کھسے آر باز پکر بیسغئے سا او حوال کانر آ دی چھی اے پریشنی گیش کھزغئے سا ۔او منی کنبہ ائے مچھیں مڑدم آنی دی ٹیسٹ کھزی آ شزغئے سا مگہ آں محفوظ اساں آں مئی آپا سجوں آنژ مزن ایں ھزائی رحمت رہسا۔مئ کنبہ او منی نزیخ مچھیں مڑدم آنی آپا باز وشی ائے ٹؤک اسا۔آنہی رندا روش پروش من جوڑ بی غئے ساں۔ڈاغدار منی کنبہ آگو دی ٹؤک کھنغئے ساں او آنہانر حوصلہ دئے غئے ساں

واجہ مودی:شوا وا چھے چھے احتیاط کھُزا او وتی لوغ ائے دیگر مڑدم آنی آپا چھے احتیاط کھُزئے؟

رام گمپا تیجا:کنبہ آپا تہ سرا آنہی بارو آ کل کھپتا تہ من کورنٹائین آ اسوں مگہ کورنٹائین آ پھدا دی ڈاغدار ہدایت کھُزغئے سا کہ وتی کمرہ آژ درا نیاغی ایں۔وضہار جتا ایر کھنغ آپا گوشتیش تی اسپتال آ آئیغ آ پھدا من وتی لوغ آ وتی کمرہ اندرا بی آں دیم آ ماسک جھناں او وتی دست آنر دی گھڑی گھڑی آ شوزاں۔

واجہ مودی : رام شوا جوڑ بیسؤ آتکغئے شوار او شوئے کنبہ آر منی باز باز نیخیں لوٹھغ

من شواز اے دی درخواست کھناں کہ وتی ہمیں تجربہ آر ویڈیو ٹھائینتھؤ سوشل میڈیا چکا وائیرل کھنے تاکہ مڑدم دی پوہ بی آں کہ ہمیں ناجوڑی آژ تھانگا محفوط ایر کھُزی آ برؤ۔

رام گمپا تیجا: جی بھوتار

واجہ مودی:باز باز شکریہ باز باز شکریہ

رام گمپا تیجا:سر من شوئے آگو یک دیگر ٹؤک ڈسغ آپا باڑہ آں ،من باز وش آں کہ شوا ہماں کہ جہان آپا گام زڑتھغاں جہان اندرا ہمیختھر کھسے دی نہ کھنغیں ھچھ دیگر ملک وتی عوام آپا نہ کھنغیں ،او منا امیت انت کہ ما ملسؤ ہمیں ناجوڑی آژ درا بی اوں باز شکرہ واجہ

واجہ مودی:بس چھڑوئی آ ملک درا بی پھرچھے کہ ہمیں خطر باز مزن ایں کل نعیں کہ ہمیں کھدیں ٹھیک بی

رام گمپا تیجا:چھے بی اے مناں دی تھڑس بی غئے ساں مگہ ہماں وخت شوا لاک ڈاؤن ائے جار جھزا ہماں دی گام زڑتھغئے آنہی آژ من باز وش آں باز باز شکریہ

واجہ مودی:شکریہ براس

سنگتے ہمینگا کہ رام آ ڈسسا کہ آنہی آ ہر ہماں قانون آر منسا ہماں کہ آنہی آر کرونا ناجوڑی بی اغ آ پھدا ڈاغدار آں ھدایت کھُزا ہمیں سبب ایں کہ آں مروشی جوڑ او درا بیسؤ زند گوازنغیں مئے گون یک اینگے ہی دیگر سنگت جڑسا ہمائی آ کہ کرونا ناجوڑی آژ درا بیسا او آنہی ائے تہ مچھیں کنبہ ہمیں خطر آ مان آتکغئے سا،آنہی ورنا بچھ دی بیائے آگرہ ائے واجہ اشوک کپور آگو ما ٹؤک کھنوں

واجہ مودی:واجہ اشوک نمستے نمستے

اشوک کپور: نمسکار واکہ اے منی وش ایں قسمت ایں کہ شوے آگو من ٹؤک آ کھنغاں

واجہ مودی: منی دی وش بختی ایں منا فون ہمیں خاطرہ کھُزا کہ شوئے مچھیں کنبہ ہمیں مشکل آ آتکغئے سا

اشوک کپور:جی بھوتار جی

واجہ مودی:تہ من ضرور اے پوہ بی اغ آ باڑہ آں کہ شوار ہمیں ناجوڑی ائے بارو آ تھانگا کل کھپتا؟چھے بیسا؟اسپتال آ چھے بیسا؟تاکہ من شوئے ٹؤک آ اش کھُزؤ اگر ھچھ ٹؤک ملک آ ڈسغ والا بی تہ ڈساں

اشوک کپور:بالکل واجہ ،اینگا ایں کہ منی دو چھورو آں اے ہڑ دوکین اٹلی آ شزغئے ساں ہموزا جُتی آنی میلہ اسا ما ایزا جتی ٹھائینغ ائے کار کھنوں مئے کارخانو ایں ،آں ہموزا اٹلی شزغئے ساں میلہ گندغ آپا ہموزا آں گڑتھؤ آتکغاں،منی زاماس دی آنہاں نی پھجی آ شزغئے سا آں دلی آ ایں تہ آنہی آر چھے اے محسوس بیسا تہ آں رام منوہر لوہیا اسپتال وضہار پھیدھارغ آپا شزا ہموزا آنہی ٹیسٹ کھزی آ شزا او آنہی آ کرونا ناجوڑی ڈسسی آ شزا پھدا آنہی آر صفدر جنگ اسپتال آ داخل کھآزی آ شزا مارا دلی آژ فون آتکا کہ شوا دی آنہی گون ائے شوا دی وتی ٹیسٹ کھنائینے ،تہ گڈا منی دوایں چھورو ایزا آگرہ ڈسترکت اسپتال آ ٹیسٹ کھنائینغ آپا شزغاں تہ اسپتال والا آں ڈسسا کہ شوا وتی مچھیں کنبہ آر دی لوٹھائینے تہ ما مچھیں اسپتال شزغؤں تہ اگی ایں روش آنہاں ڈسسا کہ شوئے ہماں کہ شش مڑدم آں ،منی دوایں چھورو،منی لوغی،منی یک شانزد سال آنی بچھ او من منی چھورو ائے لوغی ائے آنہاں ٹیسٹ پازیٹو ڈسسا تہ شوار دلی برغی بی

واجہ مودی:یا ھُزا

اشوک کپور:مارا تھڑس نویسا مارا گوشتا راست ایں کہ وخت چکا کل کھپتا او ما مچھین دلی آپا روانہ بیسغؤں،اے آگرہ اسپتال والا آں وتی دو ایبولینس آگو مارا دیم داسا ھچھ زر دی نہ گتیشآنہاں نی باز مہربانی ایں،ڈاغدار آنی ایڈمنستریشن ائے آنہاں مئے باز مدد کھُزا

واجہ مودی: ایبولینس آگو آتکغئے شوا؟

اشوک کمار:جی واجہ ایمبولینس آگو آتکغؤں شر ایں بھیرا مارا آنہاں دو ایمبولینس داسغاں او گون ڈاغدار دی اساں او آنہاں مارا صفدر جنگ اسپتال پُجھینتھا ،صفدر جنگ اسپتال آ ڈاغدار تیار اساں او آنہاں مارا وارڈ آ شفٹ کھُزا ،ما شش مڑدم آنر آنہاں جتا جتا کمرہ داسا باز جوائیں کمرہ اسا مچھیں آساقی اسا،ما چھیاردہ روش آنی تکا ہموزا اسپتال آ جتا جتا رہغؤں سوں او ہموزا تکا ڈاغدار آنی ٹؤک ایں تہ آنہاں مئے باد مدد کھُزا باز شر ایں بھیرا مارا دیستیش آں وتی پورا ایں جر ماکھزؤ آتکغئے ساں کل نویس کہ کھئے ایں ڈاغدار ایں یا نرس،او آں ہماں دی مارا گُشت مارا ہماں کھُزا او مارا ھچھ وڑ ائے دی مشکل نویسا

واجہ مودی:شوئے وتی چکا باور دی باز مضبوط نیاہ کھائے

اشوک کپور:جی واجہ من بالکل جوڑ آں

واجہ مودی:نہ مگہ ہماں وخت ہمیختر مزن ایں خطر مچھیں کنبہ تکا پُجھسا یک شانزد سال ائے چُکھ آر دی بیسا

اشوک کپور:آنہی آئی سی ایس ای پیپر اسا تہ مارا آنہی آر پیپر دئے اغ نعیلسا منا ویچار کھُزا کہ زند ایں تہ پیپر گڈا دی دئے اغ بیس بی

واجہ مودی:راست ٹؤک انت

شئےویچار کار آتکا مچھیں کنبہ آر باور دی داسئے او ہمت دی

اشوک کپور:جی واجہ مئے مچھیں کنبہ آر یک دوہمی ائے واہریائی اسا ما یک دوہمی آژ دیر اسوں مگہ فون چکا ٹؤک بیس،ڈاغدار آں دی مئے مچھیں دھیان ایر کھُزا ما آنہاں نی منت وار اوں ہماں ہاں مئے پھجی آ باز شر ایں سلوخ کھُزا مچھیں سٹاف آ مئے مدد کھُزا

واجہ مودی:منی شوار او شوئے مچھیں کنبہ آر باز نیخیں لوٹھغ

اشوک کپور:شکریہ واجہ من باز وش آں کہ منی ٹؤک شوئے آگو بی غیں

منی سنگت ما واجہ اشوک او آنہی کنبہ ائے مزن ایں عمر ائے دعا لوٹھوں ہمینگا کہ آنہی آ گوشتا کہ تھڑسغ آ بغیر وخت چکا راست ایں گام زیرغ راستیں وخت چکا ڈاغدار آ روغ او احتیاط ایر کھزؤ ہمیں ناجوڑی آ ما ناسوب کھُز کھنوں منی سنگت ما طبئی ڈؤل چکا ہمیں ناجوڑی آگو تھانگا مڑغؤں ہمیں بارو آ زانغ آپا من چھی اے ڈاغدار آنگو دی ٹؤک کھُزا ہماں کہ ہمیں مڑائی آ سجوں آنژ اگا مڑگاں ہر روش آں ہماں ناجوڑ آنر دیما کھناں بیائے دلی آژ مئے پھجی آ ڈاغدار نتیش گپتا جُڑغیں

واجہ مودی:نمستے ڈاغدار

ڈاغدار نتیش گپتا:نمستے واجہ

واجہ مودی:نمستے نتیش شوا دی بلکل مورچہ سنبھالتھی آ من زانغ آپا باڑہ آں کہ باقی شوے سنگت آنی موڈ تھانگین ایں ؟

ڈاغدار:سجوں آنی موڈ بالکل درست ایں شوئے نیخیں دعا گون آں ،شوئے داسی ایں تعاون ہماں دی شئے مارا درکار آں شوا دئے غئے تہ گڈا ما مڑدم بالکل سیماں چکا مڑغ والا ایں جوان آنی بھیرا مڑائی کھنغؤں او مئے چھڑوئی آ ہمیں زمہ واری ایں کہ ناجوڑ درا بیسؤ لوغ آ گڑدی

واجہ مودی:شوئے ٹؤل بالکل راست ایں اے یک مڑائی ائے ڈؤل ائے حالت ایں او شوا مچھیں مورچہ سنبھالغئے

ڈاغدار:جی واجہ

واجہ مودی:شوار علاج ائے پھجی پھجی آ دوروخ آنی کونسلنگ دی کھنغی بی؟

ڈاغدار:جی ہا واجہ آں سجوں آنژ گیش ضروری ایں پھرچھے کہ دوروخ تھڑسی رؤ کہ آنہی پھجی آ اے چھے بیسؤ شزا۔آنہانر دلاسہ دئے غی بی کہ ھچھ دی نویسا اگی ایں چھیاردہ روش آنی اندرا شوا بالکل درا او جوڑ بیسؤ لوغ آ بروے تہ مارا نی تکا شانزد دوروخ آنر درا کھُزؤ لوغ آ دیم داسا

واجہ مودی:تہ گڈا ہماں وخت شوا ٹؤک کھنے تہ شوئے دیم آ چھے کھائے ہماں وخت تھڑستی ایں مڑدم آں تہ آنہاں نی پکر چھے شوار دی تنگ کھنت

ڈاغدار:آنہانر اے مان کھائے کہ نی چھے بی اے تہ بالکل اینگا گنداں ہمینگا کہ دری ایں ملک آ بی غیں مڑدم ہمینگا کہ مِرغاں ما دی مروں تہ گڈا ما آنہانر باور کھنائینوں کہ شوا درا بی اے شوئے ناجوڑی باز کھمین ایں نارمل نزلہ او زکام ائے بھیرا ایں تہ ہمینگا ہی آں جوڑ بی پنچ ہپت روش آ شوا دی جوڑ بی اے گڈا ما شوئے ٹیسٹ کھنوں ہماں وخت آں نیگیٹو کھایاں شوار لوغ آ دیم دؤں تہ ہمیں خاطرہ ما ہر دو سئے گھنٹہ آ آنہاں گو ملوں آنہانژ حال پھول کھنوں اے آنہانر شر مان کھائے

واجہ مودی:آنہاں نی وتی چکا باور قائیم بی بنگیج آ تہ آں باز تھڑساں ؟

ڈاغدار:بنگیج آ تہ آں تھڑستی آ بی آں مگہ ہماں وخت ما آنہانر ڈسوں تہ دوہمی سئے می روش آ ہماں وخت آں درا بی اغ بنا بی آں تہ گڈا آنہانر دی مان کھائے کہ آں جوڑ بی آں

واجہ مودی:مگہ مچھیں ڈاغدار آنر مان کھائے کہ زند آ سجوں آنژ مزن ایں ھزمت ائے کار آنہاں نی زمہ آتکا اینگے ویچار راست آں ؟

ڈاغدار:جی واجہ ما وتی ٹیم آ تیار کھنوں کہ تھڑسغ ائے ھچھ ٹؤک نعیں ھچھ اینگے شئے نعیں اگر ما احتیاط کھنوں تہ ھچھ خطر نعیں دوروخ آ اگر ما پوہ کھنائینوں کہ تھانگا احتیاط کھنغی ایں تہ گڈا ہر شئے راست ب برؤ

واجہ مودی:ڈاغدار شوئے ایزا تہ باز کچھ آ دوروخ کھایاں شوا دی دل آگو آنہاں نی ھزمت کھنغئے شوئے پھجی آ ٹؤک کھُزؤ منا باز جواایں مان آتکا مگہ مڑائی آ من شوئے گون آں مڑائی مڑے

ڈاغدار :شوئے نیخیں دعا گون بی ہمیں ما لوٹھوں

واجہ مودی:باز باز نیخیں لوٹھغ براس

ڈاغدار :شکریہ واجہ

واجہ مودی:شکرہ واجہ نتیش وشئے بھیرئے مڑدم آنی کوشست آنگو ھند کرونا مڑائی آ ضرور کھٹیمنی شوئے آژ درخواست ایں شوا وتی او وتی کنبہ ائے دھیان آ ایر کھنے جہان ائے تجربہ ڈسی کہ ہمیں ناجوری آژ گوزغ والا ایں مڑدم آنی کچھ اچانکی آژ گیش بی اچانکی آگو بی اغ والا ایں ہمیں گیشتری ائے وجہ آژ ڈن ائے ملک آ مارا شر ایں درائی ھزمت آر دی ناسوب دیستا ھند آ اینگے حالت نوی ہمیں خاطرہ مارا باز کوشست کھنغی ایں یک دوہمی ڈاغدار مئے پھجی آ پونا آژ جڑغیں

واجہ ڈاغدار بورسے

واجہ مودی:نمستے ڈاغدار

ڈاغدار:نمستے نمستے واجہ

واجہ مودی:شوا تہ بالکل یک مڑدمی ھزمت،ھزائی ھزمت ائے مزاج آگو کار کھنغئے تہ گڈا من مروشی شوئے پھجی آ چھی اے ٹؤک کھنغ آ باڑہ آں ہماں کہ مچھیں ملک ائے عوام آپا پھیغاإ لوٹھییک تہ چنتی مڑدم آنر اے کل نعیں کہ کھدیں ڈاغدار آگو روغ لوٹھی او کھدیں کرونا ناجوڑی ائے تیسٹ کھنائینغ لوٹھی؟یک ڈاغدار بی اغ آ شوا تہ مچھیں بھیرا شوار وضہار کرونا ناجوڑی ائے دوروخ آنی آپا وضہار ونڈسا تہ شوئے ٹؤک آ باز طاغت ایں من اش کھنغ آ باڑہ آں

ڈاغدار:واجہ ایزا من بی جے میدیکل کالج پونے آ ایزا پروفیسر آں او مئے پونے میونسیپل کارپوریشن اسپتال آں نائیڈو اسپتال آ جنوری دو ہزار بیست آژ یک سکریننگ سینتر جزغیں ہموزا نی تکا شانز کووڈ نوزدہ دوروخ آنی کل کھپتا او ہماں کہ شانزد دوروخ آں آنہانژ ہپت مڑدم آنی علاج کھُزؤ آنہانر موکل داسا او ہماں کہ باقی نوہ دوروخ آں آں دی درا بی غاں آں وائیرس موجوت بی اغ آ پھدا دی درا بی غاں آں ہمیں ناجوڑی آژ درا بی غاں او نی ایزا ہماں کہ سیمپل سائیز کسن ایں مگہ اینگا مان آغیں کہ ورنا مڑدم آنر دی ہمیں ناجوڑی بی غیں ورنا مڑدم آنی ناجوڑ بی اغ ائے وجہ آژ ناجوڑی گیش خطر ناک نعیں او ہماں دوروخ تکھائی آ گو درا بی غاں واجہ باقی نوہ دوروخ دی چھی اے روش آنی اندرا درا بی آں رواں او آنہانر موکل داسی آ رؤ ۔ہماں مڑدم آنی چکا گمان بی کہ ہمیں ناجوڑی آ دیما کھنغاں آں ڈن آژ آتکغی ایں مڑدم آں او ہماں کہ آنہاں نی بستگی آ آتکغاں اینگے مڑدم آنی جانچ کھُزی آ رؤغیں اگر آنہانر ہمیں ناجوڑی بی غیں تہ ما آنہانر اسپتال آ داخل کھنغؤں

واجہ مودی:لوغ آ ہماں کہ مڑدم آنر جتا رہغ آپا گوشتی آ رؤ آنہانر چھے احتیاط ڈسے شوا منا ڈسے

ڈاغدار:واجہ یک تہ اگر لوغ آ دی بی اے تہ گڈا دی شوار کورنٹائین کھنغی بی شش فٹ ائے دیری شوار برقرار ایر کھنغی بی اے اولی ایں ٹؤک دوہمی ٹؤک آنہانر وتی دیم آ ماس آگو ڈھکغی بی اووتی دست آنر دی چھی اے وخت آ پھدا شوزغی بی اگر شوئے آگو سینیٹائیزر نعیں تہ شوا وتی سادہ ایں صابن او آف آگو وتی دست آنر صاف کھنے او ہماں وخت شوار کھلغ بی وتی دیم آ رومال آگو ڈھکسؤ کھُلغ کھنے ہمینگا ہماں کہ ڈراپس لیٹ آں آں دیر تکا نہ رواں او ڈغار چکا نہ کھواں اے پوہ کھنائینغؤں واجہ آنہانر چھیاردہ روش آنی تکا وتی لوغ اندرا ہی وضہار کورنٹائین کھنغی بی

واجہ مودی:ڈاغدار شوا باز ھزمت کھنغئے شوئے مچھیں ٹیم مان ایں ہمیں ھزمت آ مناں باور ایں کہ مئے ہمیختر دی دوروخ آں آں درا بیسؤ وتی لوغ آ گڑداں او مچھیں ملک آ دی ما ہمیں مڑائی آژ کھٹوں شوئے مدد آگو

ڈاغدار:واجہ مارا باور ایں کہ ما ہمیں مڑائی آ کھٹوں

واجہ مودی :باز باز نیخیں لوٹھغ ڈاغدار شکرہ باز باز

ڈاغدار:شکریہ شکریہ واجہ

سنگتے مئے ہمیں مچھیں سنگت شوار ہمیں خطر آژ درا کھنغ آپا کوشست آ مان آں اے ہماں کہ ٹؤک مارا ڈساں آنہی چکا مارا عمل کھنغی ایں مروشی ہماں وخت من ڈاغدار آنی ھزمت آ گندغاں تہ منا آچاریہ چرکھ ائے گوشستی ایں ٹؤک گیر بی ،آچاریہ چرکھ آ ڈاغدار آنی آپا باز راستیں ٹؤک گوشتا ہماں کہ نی ما وتی ڈاغدار آنی اندرا گندغؤں آچاریہ آ گوشتا کہ نا تمرتم نا آپی کمارتھم ات بدھ دیام پرتی،وتت یتو چکتسایاں سہ سبرم اتی ورتتے ،یعنی دھن او ھچھ خاصیں لوٹھغ آ گتؤ نہ بلکہ دوروخ ائے ھزمت آپا ہمدردی ایر کھزؤ کار کھناں تہ گڈا سجوں آنژ مزن ایں ڈاغدار بی آں سنگتے گپتران ائے ہمیں سلسلہ آ اگا کھُزؤ منا سارجنٹ ڈھاکہ آگو دی ٹؤک کھُزا ڈن ائے ملک آ ہماں کہ ھندوستانی بجھسی آ اساں آنہانر مچھیں محافظت آگو ھند آرغ آپا سارجنٹ ڈھاکہ ائے مزن ایں کردار ایں۔او آں سجوں آنژ سرا ووہان آژ مڑدم آنر آرغ آپا شزغئے ساں ہموزا آژ ہمیں خطر بنا بیسغئے سا او ہماں وخت خطر ہر کھسے آر تھڑسینغئے سا ۔

سارجنٹ:واجہ جے ھند واجہ من سارجنٹ پرویز ڈاکا ٹؤک آ کھنگاں واجہ

واجہ مودی:سارجنت ڈاکا منا شر مان آتکا شوے آگو ٹؤک کھنغ ائے منا موقع ملسا شوار میئ وٹاژ جے ھند او شوا تہ ووہان ریلیف آپریشن آگو جڑسی آ اسا او ہماں وخت تہ مڑدم ووہان ائے نام آژ دی تھڑسغئے ساں اینگے وخت آ دی شوا ہموزا شزغئے سا تہ من شوئے آژ ہموزا ائے تجربہ اش کھنغ آ باڑہ آں

سارجنٹ:واجہ من ایزا کار کھناں ائیر فورس ستیشن انڈان غازی آباد آ او من یک میدیکل اسستنس آں او ہماں وخت مئے اسپتال آ ہمیں کار ملسا او میئ آژ پھول کھزی آ شزا کہ چھے ما روغ آپا باڑہ آں تہ واجہ اے منی آپا فخر ائے ٹؤک اسا کہ اینگے مشکل ائے گھڑی آ منا وتی ملک ائے ھزمت کھنغ ائے ہماں کہ موقع منا ملغیں وتی براس او گوار ہماں کہ ہموزا بجھسی آ آنہانر گڑدینغ آپا منا یک دمان آپا دی ویچار نہ کھزؤ ہا گوشتا واجہ او وتی ٹیم آگو ہموزا شزؤ وتی براس او گوار آنر گڑدینتھؤ آڑتھا اے منی آپا باز فخر ائے ٹؤک ایں واجہ

مودی :ہماں مچھین آنی دماغی حالت چھے اسا ہماں وخت کہ شوا آنہاں گو ملسغئے آں ہمیختر مزن ایں خطر آ مان اساں

سارجنت:واجہ یک سد او دوازد مڑدم اساں او منا اے گیر ایں کہ ہمینگا ہی بس آنہانر ائیر کرافت ائے نزیخ آرغئے سا کھڑکی آنژ چھی اے مڑدم وتی دست جوڑسؤ شکریہ کھنغئے ساں چھی اے عکس چھکغئے ساں چھی اے ہموزا یک دوہمی آگو ملغئے ساں کہ گڑتھؤ وتی وطن آ رؤگاں او ہمیں خطر آژ درا بیسؤ

واجہ مودی :ہمیں مچھیں کار آ کنبہ او معاشرہ ائے وٹاژ شوار چھیختر تعاون ملغیں پھرچھے کہ شوئے لوغ ائے مڑدم تہ ناوش اساں

سارجنت:واجہ یک دھکا تہ بس چھڑوئی آ ہمیں تھڑس دل آ آتکا کہ منی کنبہ مئی آنژ ناوش بی آں مگہ منا امیت اسا منہ پھز دی ائیر فورس آژ ریتائیرد ایں یک کسن ایں براس ایں آں دی آرمی آ میجر ایں میدیکل آ ایں تہ گڈا منا باور اسا کہ آں پوہ بی آں کہ اے ڈیوٹی ایں ہماں کہ من وتی ملک آپا کھنغاں واجہ اے موقع پدوارغ نہ ملی ہمیں بھیرئے ھزمت کھنغ ائے باز مزن ایں لمحہ اسا میئ آپا واجہ منی لوغ والا آں مئی آگو تعاون کھُزا مئے اسپتال او مئے ٹیم آ تعاون داسا واجہ

واجہ مودی:شوئے تہ مچھیں کنبہ ملک آپا قربان ایں او شوا وتی مچھیں زند وتی ملک آ داسا مچھیں کنبہ جڑسی آ ایں اے اش کھزؤ منا باز وشی بیسا او شوے بھیرئے جوان آنی وجہ آژ منا باور ایں کہ ما ہمیں ناجوڑی آژ کھٹوں او کرونا آژ ملک آ آجو کھنائینوں

سارجنت:ضرور کھٹوں واجہ مئے سرکار،مئے سروزیر ،مئے ہماں کہ وزیر آں آنہاں نی چکا مچھیں باور ایں واجہ

واجہ مودی: شوار او شوئے کنبہ آر نیخیں لوٹھغ

سارجنت:شکریہ واجہ

واجہ مودی:شکریہ

سارجنت:شکریہ واجہ جئے ھند واجہ

واجہ مودی:جئے ھند

منی سنگت مئے پھجی آ وادی کشمیر ائے یک نوجوان نضام الرحمن جڑغیں نضام الرحمن میدیکل آ پڑھائی کھنت او چین ائے ووہان آ پڑھائی کھنت او مئے کشمیر ائے کے ای چھُکھ ووہان آ بجھسی آ اساں آنہانژ یک نضام دی اسا ووہان آژ ما آنہانر درا کھزا او ایزا آنہانر ایر کھزغئے سا بیائے ما نضام ائے ٹؤک اش کھنوں

نضام:نمسکار واجہ

واجہ مودی:نضام گڈ ایوننگ

نضام:واجہ چھے حال انت شوئے

واجہ مودی : من جوڑ آں ووہان میں چھے پڑھائی کھنغئے شوا

نضام:واجہ من میدیکل آ پڑھیائی کھناں ایم بی ایس

واجہ مودی: نی وائیرس ائے اش کھزؤ یک ڈاغدار آ معلوم بی کہ اے چھیختر مزن ایں خطر ایں

نضام:جی ہا واجہ باز خطر ناک ایں

واجہ مودی:تہ گڈا ووہان آ ہماں وخت شوا اش کھزا کہ شوا نہ ہموزا بجھسؤ شزغئے تہ ہماں دو روش تھانگا گوازینتھغئے

نضام:واجہ ہماں روش دی باز پکر بیسا مگہ گڈا ھند ائے سرکار ائے منت وار اوں کہ مارا ہموزا آژ کشتیئ

واجہ مودی:نی درگتہ کہ ہموزا آژ گڑتھؤ آتکغئے تہ آنہی آ پھدا چھے چھے کھزئے من شوئے تجربہ آ اش کھنغ آ باڑہ آں پھرچھے کہ شوا کشمیر ائے غے او ہموزا موسم ساڑتھ بی او ہماں وخت ایزا آتکغئے تہ گرمی آ شوار ایر کھنغی بیسا تہ باز تکلیف آ دیما کھنغی بیسا

نضام:انا واجہ ھچھ تکلیف نویسا مارا باز شر ایں بھیرا ایر کھزی آ شزا

واجہ مودی:شوئے سنگت دی وش اساں ؟

نضام:جی ہا واجہ وش اساں

واجہ مودی:چھیختر مڑدم اساں

مضام:ما شست مڑدم اسوں

نی ہر کھسے وتی لوغ آ درا او جوڑ آں شکریہ واجہ

نضام:منا باز وشی بیسا شوئے آگو ٹؤک کھزؤ واجہ

واجہ مودی :منا باز وشی بیسا شوے آگو ٹؤک کھُزؤ

واجہ مودی:باز نیخیں لوٹھغ شوار او شوئے کنبہ آر براس

نضام:شکریہ واجہ

منی عزیزیں ہم وطن منا چھی اے اینگے دپ آنی کل کھپتا ہمائی آ کرونا ناجوڑی بی اغ ائے گمان پدھر کھزؤ لوغ آ رہغ آپا گوشتی آ شزا آنہانگو چھی اے مڑدم آنی سلوخ ردین ایں اینگے ٹؤک اش کھنغ آ آتکغاں تہ منا باز دکھ بیسا مارا اے پوہ بی غی بی کہ نی ایں حالت آ چھڑوئی آ یک دوہمی آگو دیر رہغ ائے ضرورت ایں وتی جزبہ آنر دیر نہ کھنغی ایں اینگے مڑدم ھچھ ڈوہی نیاں ہماں کہ ہمیں ناجوڑی آ دیما کھنغاںہمیں مڑدم آں دوہمی آنی محافظت آپا وتا کورنٹائین کھُزا وضہار جتا ایر کھُزا اگہ ہمیں مڑدم وتی زمہ واری پھیلو کھنغاں تہ آنہاں نی پھجی آ ردین سلوخ کھنغ ھچھ بھیرا دی جائیز نعیں بلکہ آنہاں نی پھجی آ ہمدردی او تعاون کھنغ ائے ضرورت ایں کرونا وائیرس آگو مڑائی ائے یک ہی دگ ایں سوشل ڈیستینس مگہ ہمائی مطلو اے نعیں کہ جزبہ دی دیر کھزی آ برواں منی سنگت شوا ہمیں لاک ڈاؤن آ وتی پسند ائے کار کھنے ہماں کہ شوار کھنغ آپا باڑہ اے او ہماں کہ شوا وخت نوی اغ ائے وجہ آژ کھُز نہ کھنغئے سا نی ہمیں لاک ڈاؤں آ شوا وضہار پھجھارغ ائے کوشست کھنے ہمیں وخت شوار وتی کہنیں سنگت او سیاد آنگو دی جڑغ ائے موقع ایں ۔منی عزیزیں ہم وطن کرونا ائے حلاپ مڑائی باز چیلنج آنگو پھُر این ہمیں خاطرہ ہمیں نیمگا گتی ایں فیصلہ دی اینگے آں ہماں کہ جہان ائے تاریخ آ گندغ او اش کھنغ آپا دی نہ ملسغاں کرونا آ دارغ آپا ہماں کہ مچھیں گام ھندوستانی آں زڑتھغاں ہماں کہ کوشست نی ما کھنغؤں آں ھند آر کرونا چکا سوب مندی دیائینا ۔یک یک ھندوستانی ائے مہل او تعاون مارا ہمیں مشکل آژ درا کشی پھجی پھجی آ غریو آنی آپا دی مئے زمہ واری گیش بی اغ لوٹھاں مئے مڑمیت ہمیں ٹؤک آژ پدھر بی کہ ھچھ دی غریو دکھی ،شُزی نیاہ کھائے تہ ہمیں مشکل گھڑی آ ما سرا آنہی آ نغن ورائینوں سرا آنہی ضرورت ائے بارو آ ویچار کھنوں او اے ھند ہی کھُز کھنت اے مئے روایت ایں ۔

منی عزیزیں ہم وطن مروشی ہر ھندوستانی وتی زند ائے محافظت آپا وتی لوغ آنی اندرا بند ایں مگہ آئیغ والا ایں وخت آ ہمیں ھندوستانی وتی ملک ائے ود او ترقی آپا باز کوشست کھناں او اگا کھایاں ملک آراگا براں شوا وتی کنبہ ائے گون لوغ آ بی اے درا او جوڑ بی اے مارا اے مڑائی کھٹغی ایں ضرور کھٹوں باز باز شکریہ من کی بات آپا مشکل آنر دیر کھنغ آپا ما سوب مند بی اوں ہمیں یک لوٹھغ آگو ہمیں یک نیخیں لوٹھغ آگو شوا مچھیں آنی شکریہ ۔