26.04.2020 من کی بات

منی عزیزیں ہم وطن نمسکار
شوا لاک ڈاؤن ائے نیمگا ہمیں من کی بات پروگرام آ اش کھنغئے ،ہمیں من کی بات آپا آئیغ والا ایں تجویز او فون کال ہر روش آژ ہمیں دھکا باز گیش ایں ۔کے ای مسلہ آنر وتی اندرا ایر کھُزؤ شوئے ہمیں دل ائے ٹؤک ،مئی تکا پُجھسا ۔منا کوشست کھُزا کہ شوئے تجویز آنر گیش آژ گیش اش کھناں او وانیناں ۔شوئے ٹؤک آنژ کے ای اینگے ٹک زانغ آپا ملسغاں ہمائی چکا کھدیں دھیان نہ رؤ ،منی دل گُشی کہ ہمیں مڑائی ائے وخت آ بی اغ والا ایں ہمیں من کی بات آ ہماں چھی اے ٹِک آنر شوئے پھجی آ ونڈاں ۔منی سنگت ھند ائے کرونا ائے حلاپ مڑائی راست ایں معنی آ عوام ائے مڑائی ایں ،ہماں کہ عوام مڑغیں ،شوا مڑغئے ،عوام ائے پھجی آ ملسؤ سرکار او انتظامیہ دی مڑغیں ۔ھند بھیرئے مزن ایں ملک ہماں کہ ترقی آپا فعال کوشست کھنغیں غریوی آگو مڑائی مڑغیں آنہی آ گو کرونا آگو مڑغ او کھٹغ آپا چھڑوئی آ ہمیں ایکا دگ ایں ،او مئےقسمت جوان ایں کہ مروشی مچھیں ملک ،ملک ائے ہر شہری او مڑدم ہمیں مڑائی ائے سپاہی ایں ۔مڑائی ائے سروکی کھنغیں ،شوا نیاہ ماکھنے تہ ہر وٹا شوار احساس بی کہ ھند ائے مڑائی عوام ائے مڑائی ایں ۔ہماں وخت مچھیں جہان ہمیں وبائی ناجوڑی آ دیما کھنغیں آؤخین روش آ ہماں وخت آنہی چکا ٹؤک کھُزی آ رؤ ،آنہی طریقہ آنی چکا ٹؤک بی مناں باور ایں کہ ھند ائے ہمیں عوام ائے مڑائی ائے بارو آ ضرور ٹؤک بی۔مچھیں جہان آ ہر ھند آ دمگ آ مروشی مڑدم یک دوہمی ائے مدد آپا اگا آتکغاں،غریو آنی آپا نغن آژ گتؤ راشن ائے بندوبست بی یا لاک ڈاؤن آ باور دؤخ کھنغ بی،اسپتال آنی بندوبست بی یا طبئی سامان ائے ملک آ ٹھائینغ بی مروشی مچھیں ملک یک مقصد ،یک منزل،آگو پھجی آ جزغیں ۔تاڑی،پلیٹ موم بتی روژن کھنغ ،ہمیں مچھیں شئے آں ہماں کہ جزبہ پیدا کھُزا ،ہماں جزبہ آگو ملک ائے شہری آں ھچھ نہ ھچھ کھنغ ائے عزم پھیدھارتھا،ہ کھسے آر ہمیں ٹؤک آنژ حوصلہ ملسا۔شہر بی یا گاؤں اینگا مان کھائے کہ ہمینگا کہ ملک آ یک مزن ایں یگ بی غیں۔ہمائی آ ہر کھسے شریک بی اغ آپا باڑہ ایں ۔مئے کسان براساو گواہر آنر گندے آں یک وٹا تہ ہمیں ناجوڑی ائے نیمگا وتی ڈغار آ کشت کاری آپا روش او شف محنت کھنغاں او ہمیں ٹؤک ائے دی پکر کھنغاں کہ ملک آ ہر کھسے آر نغن ملی۔ہر کھسے وتی صلاحیت ائے حساو آگو ہمیں مڑائی آ مڑغیں ،کھسے کرایہ معاف کھنغیں،کھسے وتی مچھیں پیشن سروزیر ائے فنڈ آ ماکھنغیں،کھسے وتی کشتکاری ائے مچھیں سوزی عطیہ آپا دئے غیں تہ کھسے ہر روش سدیں مڑدم آنر مفت آ نغن ورائینغیں ،کھسے ماسک ٹھائینغیں ،تہ ھچھ ھند آ مئے مزدور براس او گوار کورنٹائین آ ہماں اسکول آ ایر کھُزی آ شزغاں ہموزا صاف صفائی او رنگ روغن کھنغاں۔
منی سنگت دوہمی آنی مدد آپا شوئے دل آ ہماں کہ ہمیں جزبہ ایں آں کرونا ائے حلاپ ھند ائے ہمیں مڑائی آپا طاغت دئے غیں ۔راستیں معنی آ عوام ائے مڑائی کھنغیں او مارا دیستا کہ گوستی ایں چھی اے سال آنی اندرا مئے ملک آ ہمیں احساس باز مضبوط بی غیں ،چاھے کروڑوں مڑدم آنی گیس سبسڈی آ الغ بی یا لکھیں بزرگ مڑدم آنی ریلوے سبسڈی آ الغ بی،سوچھ بھارت ابھیان ائے سروکی کھنغ بی ،پاخانو ٹھائینغ بی آں چنتی اینگے ٹؤک آں ہمائی آژ کل بی کہ مئے دماغ او دل یک پکوں ایں دھاگہ آ مان ایں ہمائی آ کہ مارا جوڑسؤ ایر کھُزا۔
منی عزیزیں ہم وطن،
من باز عاجزی او باز احترام آگو مروشی یک سد او سی کروڑ ہم وطن آنی ہمیں جزبہ آنر سلام کھناں ۔شوا وتی صلاحیت او حیثیت ائے روگا ملک آپا کار کھنغئے آنہی آپا سرکار آ یک ڈیجیٹل پلیٹ فارم دی ٹھائینتھا ،اے پلیٹ فارم ایں کووڈ ویرئیر ڈاٹ جی او وی ڈاٹ ان۔سرکار آ ہمیں پلیٹ فارم ائے زریعہ آگو مچھیں سماجی تنظیم آنی رضا کار ،سول سوسائیتی ائے نمائیندگ ،او مقامی انتظامیہ آر یک دوہمی آگو جوڑسا،باز کھمیں وخت آ ہی ہمیں پلیٹ فارم آگو یک کروڑ آژ گیش مڑدم آنی بستگی بیسا۔اشاں نی اندرا ڈاغدار ،نرس،مئے آشا او اے این ایم گواہر،مئے این سی سی ،این ایس ایس ائے سنگت جتا جتا شعبہ آنی مڑدم آنہاں ہمیں پلیٹ فارم آر وتی پلیٹ فارم کھُزا۔اے مڑدم مقامی سطح چکا کرائیسز مینیجمنت پلان ٹھائینغ والا آنی اندرا او آنہی عمل آ باز مدد کھنغاں ۔شوا دی کووڈ ویرئیرس ڈاٹ جی او وی ڈاٹ ان ۔آگو بستگی کھُزؤ ملک ائے ھزمت کھُز کھنے کووڈ ووریئیر بیس بی اے۔
منی سنگت ہر مشکل حالت ،ہر مڑائی ھچھ نہ ھچھ سبق دا ھچھ نہ ھچھ سکھینی ۔ چھی اے گمان آنی آپا دگ سدھا کھنت او چھی اے نوخیں منزل آنی تکا دی پُجھینی ۔ہمیں حالت آ شوا مچھیں شیہری آں ہماں کہ عزم او طاغت پھیدھارتھا آنہی آژ ھند آ یک نوخیں بدلاؤ ائے بنگیج دی بیسا۔مئے سؤداگری،مئے دپتر،مئے اسکول ،مئے طبئ شعبہ ہر کھسے باز تیزی آگو نوخیں تکنیکی بدلاؤ ائے وٹا ودھغیں ۔تیکنالوجی ائے دگ آ تہ اینگا مان آغیں کہ ملک ائے ہر جدت پسند نوخیں حالت آنی روگا ھچھ نہ ھچھ نوخیں ایجاد کھنغین۔
سنگت ملک ہماں وخت یک ٹیم ائے بھیرا کار کھنت تہ باز چھی اے بی ،اے ما تجربہ کھنغؤں ،مروشی مرکزی سرکار بی یا ریاستی سرکر بی اشاں نی ہر یک محکمہ او ادارہ مدد آپا ملسؤ کار کھنگاں۔مئے ہوا بازی ائے شعبہ آ کار کھنغ والا ملازم یا ریلوے ائے ملازم بی آں اے روشاو شف محنت کھنغاں تاکہ ملک ائے ہر شہری آ کھمیں مسلہ بی آں ۔شوے آژ باز مڑدم آنر معلوم بی کہ ملک ائے کنڈ کنڈ آ درمان پُجھینغ آپا او طبئی سامان پُجھینغ آپا لائیف لائین اڈان بنا کھزی آ شزا ہماں کہ ہمیختر کھمیں وخت آ ملک ائے اندرا ہی لکھیں کلومیتر ائے دیری طئے کھزؤ پنچ سد ٹن آژ دی گیش طبئی سامان ملک ائے ہر کُنڈ آ شوئے تکا پُجھینتھا۔ہمیں بھیرا ریلوے ائے سنگت لوک ڈاؤن آ دی بروبر محنت کھنغاں تاکہ ملک ائے عامین شہری آنر ضروری شئے آنی کمی نوی۔ہمیں کار آپا ھند ریلوے آ شست آژ گیش ریلوے دگ آنی چکا سد آژ دی گیش پارسل ٹرین جُزینغیں ۔ہمیں بھیرا درمان آنی پُجھینغ آپا مئے ڈاک ائے محکمہ ائے مڑدم دی باز خاصیں کار کھنغاں مئے ہمیں مچھیں سنگت راستیں معنی آ کرونا ائے ویرئیرس آں۔
منی عزیزیں سنگت پردھان منتری غریب کلیان پیکیج ائے روگا غریو آنی اکاؤنت آ زر ماکھُزی آ رؤغاں ،پھیرُنڈ مڑدم آنی آپا پینشن جاری کھُزی آ شزا ،غریو آنر سئے ماہ آنی آپا مفت سلینڈر،راشن داسی آ رؤغیں ،ہمیں مچھیں کار آنی آپا سرکار ائے جتا جتا محکمہ ائے مڑدم ،بینکنگ سیکتر ائے مڑدم یم ٹیم ائے بھیرا کار کھنغاں،او ما وتی ملک ائے ریاستی سرکار ائے دی ہمیں ٹؤک آپا وشادگی کھناں کہ آں ہمیں وبائی ناجوڑی آ دیما کھنغ آپا باز خاصیں کردار ادا کھغیں ۔مقامی انتظامیہ ریاستی سرکار ہماں کہ زمہ واری پھیلو کھنغیں آنہی ائے کرونا ائے حلاپ مڑائی آپا مزنیں کردار ایں آنہاں نی ہمیں کوشست باز وشادگی ائے لائیق انت۔
منی عزیزیں ہم وطن
ملک آژ طبئی ھزمت آگو جڑسی ایں مڑدم آں نی ایں روش آں ہماں کہ آرڈیننس آڑتھی آ شزا آنہی چکا اطمینان آ پدھر کھُزا۔ہمیں آرڈیننس آ کرونا وائیرس ائے حلاپ مڑائی کھنغ والا آنی چکا تشدد یا آنہانر ٹھپی کھنغ والا آنر سخت ایں سزا داسی آ رؤ۔مئے ڈاغدار ،نرس،پیرا میدیکل استاف ،کمیومیتی ہیلتھ ورکر او اینگے مچھیں مڑدم ہماں کہ ملک آ کرونا آژ بھچینغ آپا روش شف محنت کھنغاں آنہاں نی محافظت کھنغ آپا ہمیں گام باز ضروری سا۔
منی سنگت ما محسوس کھنغؤں کہ وبائی ناجوڑی ائے حلاپ ہمیں مڑائی ائے نیمگا مارا وتی زند آ وتی معاشرہ آ مئے آسو پاسو آ بی اغ والا ایں دپ آنر یک نوخیں ویچار آنگو گندغ ائے موقع دی ملغیں ،معاشرہ ائے ویچار آنی اندرا دی مثبت بدلاؤ آتکا،مروشی وتی زند آگو جڑسی ایں ہر مڑدم ائے اہمیت ائے مارا احساس بی غیں،مئے لوغ آنی اندرا کار کھنغ والا مڑدم،مئے ضرورت آنر پھیلو کھنغ والا مئے عامین کارکن بی آں یا مئے مزیخ دکان آنی اندرا کار کھنغ والا مڑدم بی آں ہمیں مچھیں مڑدم آنی مئے زند آ باز خاصیں کردار ایں مارا اے احساس بی غیں ۔ہمیں بھیرا ضروری شئے آنی پُجھینغ والا مڑدم،بازار آ کار کھنغ والا مئے مزدور براس او گواہر مئے نزیخ آٹو جزینغ والا ،مروشی مارا احساس بی سا کہ اشاں نی بغیر مئے زند چھیختر مشکل بیس بی۔نی ایں روش آں ما سوشل میڈیا چکا گندغؤں کہ لاک ڈاؤن ائے نیمگا مڑدم وتی ہمیں سنگت آنر نہ چھڑوئی آ یات کھنغاں بلکہ آنہاں نی مدد دی کھنغاں او آنہاں نی بارو آ باز احترام آگو لکھغاں دی ۔مروشی ملک ائے ہر کنڈ آژ ہمیں عکس دیما آغیں کہ مڑدم صفائی کارکن آنی چکا پھُل گواری کھنغاں ،سرا مارا اشاں نی کار ائے اہمیت ائے نوٹس کھدیں دی نہ گتغئے سا ۔مئے ڈاغدار بی آں ،صفائی عملہ بی یا پولیس تنطیم بی آں اشاں نی بارو آ عامین مڑدم آنی ویچار آنی اندرا بدلاؤ آتکا۔سرا پولیس والا آنی آپا مئے ویچار منٖفی اساں مگہ مروشی پولیس والا لاک ڈاؤن ائے ہمیں مشکل وخت آ غریو او ضرورت ائے مڑدم آنر نغن پُجھینغاں آنہاں نی ہر بھیرئے مدد کھنغاں پولیس ائے ہمیں کار دیستؤ مئے منفی ویچار مثبت بیسغاں یک اینگے موقع دیما آتکا کہ ہر عامین مڑدم پولیس آگو بستگی کھنگاں ۔
منی سنگت گوستی ایں چھی اے روش آنی اندرا شوا دیستا کہ ھند آ وتی ثقافت او اخلاق آ درست ایر کھزؤ او مئے ثقافتی ورثہ آ برقرار ایر کھزؤ چھی اے فیصلہ کھُزغاں۔ہمیں بحران ائے نیمگا ہماں وخت جہان آ مچھین زر والا او وشحال ملک آنر دی درمان آنی کمی ایں یک اینگے وخت ایں کہ اگر ھند جہان آ درمان دئے اغ آژ انکار دی کھُرت تہ ہر کھسے آنہی لاچاری پوہ بیس کہ ہر مڑدم وتی شہری آن زند آ بھچینغ آ گیش اہمیت دا مگہ منی سنگت ھند آ فطرت او وتی ضروت آنر شمشتھؤ یک فیصلہ گتا او جہان ائے دیگر ملک آنی ضرورت آنی دھیان ایر کھُزا مارا مچھیں جہان آ گزر مند آنر طبئی سامان دیم داسا او ہمیں مڑدمی ہمدردی ائے کار سوب مندی آگو پھیلو کھُزا۔مروشی ہماں وخت چنتی ملک آنی سروک آنگو ہماں وخت منی ٹؤک فون چکا بی دی آں ھند او ھند ائے عوام ائے باز شکریہ ادا کھناں ہماں وخت آں مڑدم گُشاں تھینک یو انڈیا تھینک یو پیپل آف انڈیا تہ ملک آپا مئے ناز او فخر گیش بی ۔ھند ائے آیور ویدا او یوگا ائے اہمیت چکا مچھیں جہان ائے مڑدم خاصیں دھیان دئے گاں سوشل میڈیا چکا نیاہ ماکھنوں تہ ہر ھَند آ مڑدم وتی درائی آپا ھند ائے آیور وید او یوگا چکا ٹؤک کھنغاں مناں باور ایں کہ نی ہر کھسے وزارت آیوش ائے زریعہ آگو تجویز کھزی ایں کرونا ائے بارو آ پروٹوکول چکا عمل کھناں ،گرم آف ،کاڑھا او دیگر ھدایت وزارت آیوش ائے وٹا جاری کھزی ایں اگر شوا آنہی چکا عمل کھنے تہ شوے آپا باز مدد دؤخ بی۔
منی سنگت اے مئے بد بختی رہسا کہ ما سرا آژ وتی طاغت او رسم آنر منغ آژ انکار کھنوں مگہ ہمں وخت جہان ائے ھچھ دیگر ملک ہمیں ٹؤک کھنت تہ ما یک دم منوں ۔آنہی ائے مزن ایں سبب مئے سدیں سال آنی غلامی ایں ۔آنہی سبب آژ ما مارا وتی طاغت ائے احساس کھنغ آ ناسوبی بی مئے وتی چکا باور گار بی ہمیں خاطرہ ثبوت چکا مبنی پٹ او پھول آگو وتی رسمی اصول آنر پیش کھنغ آژ چھم چھرینوں او کھمیں پوہ بی اوں ۔ھند ائے ورنا نسل آ ہمیں چیلنج زیرغی بی ہماں بھیرا جہان آ وشی آگو یوگا آ منسا ہماں بھیرا جہان مئے ودیم وخت ائے آیور وید اصول آنر دی منی باور آگو نوجوان آنر ہمیں کھنغ ائے عزم کھنغی بی او ہمیں اصول آنر جہان آ سائینسی زوان آ پوہ کھنائینغی بی تاکہ آں اشی آ پوہ بی آں ۔منی سنگت مناں اے گُشغ ضروری ایں کہ چنتی مثبت بدلاؤ مئے کار ائے ثقافت مئے زند ائے طریقہ او مئے عادت آنی اندرا اوار بی غیں شوا محسوس کھزا کہ ہمیں بحران آ مارا تھانگا گیش آژ گیش پوہ کھنائینتھا او جتا ٹک آنی چکا مئے شعور آ بُڑزا کھُزا۔ہماں اثر مئے نزیخ سجوں آنژ گیش نیاہ کھائے آں ماسک آگو دیم آ ڈھکغ ایں کرونا ائے وجہ آژ بدل بیسغیں طریقہ آ ماسک مئے زند ائے یک بہر بیسا مئے نزیخ ہمیختر مڑدم آنر ماسک آ گندغ ائے عادی نعیں مگہ نی ما ہمیں اصلیت آژ پوہ بیسغؤں مگہ اشی مطلو اے نعیں کہ ماسک کھُزی ایں ہر مڑدم نادرا ایں او ہماں وخت من ماسک ائے ٹؤک کھناں تہ منا چھی اے یاھنائینغی بی شوار اے دی گیر بیس بی کہ یک وخت اسا کہ مئے ملک ائے چنتی بہر آنی اندرا اگر ما کھسے آر وتی ہمسائیگ آ فروٹ گرغ آ گندوں تہ مارا اے اٹکل بی کہ آنہی لوغ آ کھسے نادرا ایں ہماں وخت ہمیں ویچار اسا مگہ وخت بدل بیسا او ہمیں مثال دی بدل بیسا ہمیں وڑا مارا دی ماسک ائے بارو آ ویچار آنر مٹینغی بی منی لپظ آنی چکا نشان جھنے ماسک نی مُہزب معاشرہ ائے علامت بی آں برواں اگر شوا وضہار او دوہمی آنر ناجوڑی آژ بھچینغ آ باڑہ اے تہ شوار ماسک جھنغی بی وتی دیم آ ڈھکغی بی او ہر کھسے آر میئ صلاح ایں کہ وتی دیم آ ڈھکغ آپا تولیہ یا ھچھ وڑ ائے جر ائے استعمال کھُز
کھنے۔
منی سنگت مئے معاشرہ اندرا یک دوہمی شعور پیدا بیسا کہ مڑدم ہمیں نقصان آژ پوہ بیسغاں ہماں کہ عوامی جاگاہ آ تھُک پھیرینغ آژ بیس بی اے مئے ردین عادت اسا کہ ما ہر ھَند آ تھُک پھیرینوں اے صفائی او درائی آپا یک ردین چیلنج اسا چوش کہ ما آنہی آ گندوں تہ مارا سرا آژ ہمیں مسلہ ائے ردینی ائے اٹکل اسا مگہ ہمیں مسلہ آ مئے معاشرہ ائے وٹا دھیان نہ داسا مگہ نی وخت آتکا کہ ہمیں مسلہ آژ آجو بی اوں ہمینگا کہ آں گُشاں کہ دیر بیائے درست بیائے ۔مارا نی وتی ردین عادت آنر الغی بی مار ہمیں عادت آنژ ندرائی دیما کھنغی بیس بی او کرونا ناجوڑی آ دارغ آپا مارا ہمیں کھنغی بی۔
منی عزیزیں ہم وطن اے یک وش ایں اتفاق ایں کہ مروشی ہماں وخت من شوے پھجی آ من کی بات پروگرام آ ٹؤک کھنغاں تہ اکھشئے ترتی ائے تہوار دی ایں منی سنگت ھندی آ اکھشئے مطلو ایں ہماں کہ کھدیں دی آسر نوی ما ہر سال ہمیں روش آ منائینوں مگہ ہمیں سال مئے آپا اے خاصیں اہمیت ایر کھنت نی ایں پریشانی ائے حالت آ اے ہماں روش ایں کہ مارا گیر کھنائینی کہ مئے روح مئے زند ائے طاغت اکھشئے ایں اے روش مارا گیر کھنائینی کہ چھیختر ہی مشکل بی مئے دگ آ بند کھُز نہ کھنت اے دی منسی آ رؤ کہ اے ہماں روش ایں کہ پانڈوں آں بھگوان کرشن او سوریہ دیو ائے برکت آنگو اکھشئے پُتر گتغئے سا۔اکھشئے پاترا یک اینگے بھانڈو اسا ہماں کہ کھدیں دی ھور نوی او ہر وخت آ آں برکت آگو پھُر بی مئے کسان مئے ان داتا آں ہماں کہ ملک آپا ہر مشکل وخت آ دی باز محنت کھناں ہمیں جزبہ ائے وجہ آگو مئے ملک آ غلہ ائے ڈمبار ایں اکھشئے ترتیہ ائے روش مارا وتی ماحول ،جنگل،ندی او مچھیں نظام ائے محافظت آپا یک ویچار دئے غی بی ہماں کہ مئے زند آ یک خاصیں کردار ادا کھناں اگر ما قابل تجدید وسیلہ آنر گیش کھنغ آ باڑہ اوں تہ مارا پوہ بی غی بی کہ ڈغار آ بھچینتھی آ برؤ۔
سنگت رمضان ائے پاکین ماہ دی بِنا بیسا آخیری ایں وخت آ ہماں وخت رمضان آتکغئے سا تہ کھسے آ ہمیں ویچار دی نہ کھُزغئے سا کہ ہمیں دھکا ہمیختر مزن ایں پریشانی دیما کھنغی بی مگہ نی ہمیں پریشانی ہماں وخت مچھیں جہان آ پریشان کھنغیں آنہی آژ مارا ہمیں رمضان آ مِہل او حب او ھزمت ائے علامت ائے ڈؤل چکا منائینغ ائے موقع ملی ہمیں دھکا مارا سرا آژ گیش دُعا لوٹھغی بی تاکہ عید آژ پیشا ہی جہان کرونا آژ چھُٹی برؤ او ما عید آ سرا ائے ڈؤل آگو جوش آگو منائینتھ کھنوں منا باور ایں کہ رمضان ائے ہمیں پاکیں روش آ مقامی انتظامی سروک اصول آنی چکا عمل کھزؤ ما کرونا ائے حلاپ وتی مڑائی کھٹوں ،سڑک ،بازار ،محلہ یا کالونی آ وضہار دیر کھنغ ائے قانون چکا عمل کھنغ نی دی باز ضروری ایں مروشی ما مچھیں کمیونیتی سروک آنی منتوار آں کہ آں مڑدم آنر دو گز دیر رہغ او لوغ آنژ درا نہ درکھوغ آژ پوہ کھنائینغاں ۔
اصل آ کرونا آ ھند ائے پھجی آ مچھیں جہان آ تہوار منائینغ ائے طریقہ آ بدل داسا ۔نی ایں روش آں مارا چنتی تہوار آنی مشاھدہ کھُزا ہمینگا کہ بیساکھی،پونڈو،ویشو او اڑیا نوخیں سال مارا دیستا کہ تھانگا مڑدم آں ہمیں تہوار آنر وتی لوغ آنی اندرا ہی منائینتھا معاشرہ ائے جوانائی آپا باز سادہ ایں طریقہ آگو منائینتھی آ شزا لاک ڈاؤن ائے اصول آنی چکا عمل کھزؤ ہر کھسے آ مَہل داشتا ،مسیحی براس آں دی وتی لوغ آنی اندرا ایسٹر منائینتھا اے وخت معاشرہ او وتی قوم آپا زمہ واری پھیلو کھنغ ضروری ایں گڈا ما کرونا ناجوڑی آ آسر کھنغ آپا سوب مند بی اوں مارا کرونا ڈؤل ائے وبائی ناجوڑی آ ناسوب کھنغی ایں ۔
منی عزیزیں ہم وطن ہمیں وبائی ناجوڑی ائے نیمگا شوئے کنبہ ائے یک مڑدم ائے بھیرا او شوا منی کنبہ ائے باسک آنی بھیرا اے زمہ واری ایں کہ چھی اے تجویز پیش کھنوں وتی ہم وطن آنژ منی عرض ایں کہ ما باور ائے جال آ نہ بجھوں کہ مارا اے احساس کھنغ ائے ضرورت نعیں کہ اگر نی تکا کرونا مئے شہر ،گاؤں گلی یا مئے دپتر تکا نیاتکا تہ نی نوی تہ اینگا نعیں اینگے غلطی کھدیں دی نہ کھنے جہان ائے تجربہ مئے آپا باز چھی اے بیان کھنغیں او مئے ملک آ مارا بار بار یات دیائینتھی آ رؤ کہ اگر احتیاط نہ کھزی آ شزا تہ ہمیں ناجوڑی گیش بی اے یات ایر کھنے کہ مئے ابا ڈاڈا آ اینگے حالت آنر دیما کھنغ آپا مئے باز واہریائی کھُزا آنہاں گوشتا کہ اگر قرض او نادرائی آ اگر ہلکا گتی آ رؤ تہ آں خطر ناک بی رؤ ہمیں خاطرہ اشی ائے مچھیں بھیرا علاج ضروری ایں ہمیں خاطرہ مارا ھچھ دی سطح چکا لاپرواہی نہ کھنغ لوٹھی او ما یک دھکا پدوارغ گُشاں کہ دو گز ائے دیری ار کھنے وضہار جوڑ او درا ایر کھنے دو گز دیری ایں باز ضروری شوئے درائی ائے دُعا کھُزؤ ما وتی ٹؤک آ ایزا آسر کھناں اگی ایں من کی بات ائے وخت آ ہماں وخت ملوں تہ ہمیں وبائی ناجوڑی ائے آسر بی اغ ائے حبر مچھیں جہان آژ اش کھنغ آپا ملاں اے منی دعا ایں۔باز باز شکریہ