28.06.2020 من کی بات

منی عزیزیں ہم وطن نمسکار،
من کی بات آ ۲۰۲۰ آ وتی نیم سفر پورا کھُزا ہمیں نیمگا مارا چنتی ٹک آنی بارو آ ٹؤک کھُزا۔اے یک فطری ٹؤک انت کہ مڑدم آنی چکا آئیغ والا ایں بحران چکا مارا باز ٹؤک کھُزا مگہ ہمیں روش آں مڑدم آنی نیمگا یک ٹک چکا مستقل ڈؤل چکا ٹؤک بی آناں پھیزاغیں کہ ہمیں سال کھدیں رؤ اگر کھسے فون چکا دی ٹؤک کھنغیں تہ ہمیں موضوع چکا ہی ٹؤک بی غیں پھرچھے کہ ہمیں سال تکھائی آ آسر نویغیں ،کھسے لکھغیں ،سنگت آنگو ٹؤک کھنغیں تہ ہمیں گشغیں کہ ہمیں سال شَر ایں نعیں ،کھسے ۲۰۲۰ سال بد بخت ایں سال ایں مڑدم لوٹھغاں کہ ہمیں سال بس تکھائی آگو آسر بی برؤ،منی سنگت کھدیں کھدیں منا حیرانی بی کہ اینگا پھرچگے بی غیں ،ہمیں وڑ ائے ٹؤک آنی چھی اے سبب بیس بی آں شش ہپت ماہ سرا مارا اے حبر نیا کہ کرونا ڈؤل ائے بحران مارا دیما کھنغی بی او ہمیں مڑائی مزن ایں عرصہ تکا جُزی،نی ایں روش آں ملک ائے رودرات آ طوفان امپھان پُجھسا گڈا طوفان نتارگ رونشت ائے وٹا آتکا تِڈی آنی یُرش آژ مئے گواہر او براس چنتی ریاست آنی اندرا باز پریشان آں او چھی اے بہر آنی اندرا کسنیں کسنیں ڈغار چھنڈ نہ جکھغاں ،او ہمیں مچھیں آنی نیمگا دی ہمیں ملک چھی اے اینگے چیلنج دی دیما کھنغیں ہماں کہ مئے ہمسائیگ ملک کھنغاں شاز او نادر ہی دیستی آ رؤغیں کہ حالت اینگے بیسغاں کہ ایزا تکا کہ چھی اے کسنیں دپ دی بی غیں تہ مڑدم تھڑسغاں ۔منی سنگت مشکل ایں ،بحران ایں مگہ سوال اش انت کہ چھے مارا ہمیں آفت آنی وجہ آژ سال ۲۰۲۰ آ ردیں پوہ بی اغ لوٹھی؟چھے ہمیں گوستی ایں چند ماہ آنی وجہ آگو ایں چھڑوئی آ ویچار کھزؤ اے پوہ بی اغ کہ مچھیں سال شر ایں نعیں چھے اے درست ایں ؟تہ ما گُشاں انا۔
منی عزیزیں ہم وطن اے پوہ بی اغ بالکل راست نعیں ۔یک چیلنج یک سال آ بی یا پنجہ چیلنج بی ھند ائے تاریخ آفت او چیلنج آنر دیما کھنغ آپا سرا آژ سوب مند رہسا ۔سدیں سال آنژ جتا جتا ھلگر بیسغاں بحران پیدا بیسغاں مڑدم آنی ویچار اسا کہ ھند ائے خاکہ آسر بی رؤ،ھند ائے ثقافت آسر بی،مگہ ہمیں بحران آژ ھند درا بیسا او گیش مضبوط بیسا۔
منی سنگت مارا ڈسسی آ شزا کہ تخلیق ابدی ایں ،تخلیق مسلسل ایں ،منا یک سوت ائے چھی اے لائین گیر بی غاں
یہ کل کل ،چھل چھل بھتی کیا کہتی گنگا دھارا،یُگ یُگ سے بھتا آتا یہ پُن پروا ہمارا،ہمیں سوت آ اگا کھائے کیا اس کو روک سکیں گے مٹانی والے مٹ جائیں گے،کن کن پتھر کی ہستی کیا بادھا بن کر آئے ۔
ایزا تکا کہ ھند آ ہموزا یک وٹا چنتی مزن ایں بحران پیدا بیسغاں ہماں وخت مچھیں خلل آنر دیر کھزؤ دیگر مشکل دیما آتکغاں ،ہر شعبہ آ تخلیق ائے عمل جاری رہسا او مئے ثقافت آ ترقی کھُزا ملک اگا بیسا ھند آ سرا آژ بحران آنر دیر کھزؤ سوب مندی گِتا۔ہمیں جزبہ آگو مارا مچھیں بحران آنر دیما کھزؤ اگا بی غی ایں ۔شوا دی ہمیں ویچار آنگو اگا بی اے۔یک سد او سی کروڑ ملک ائے شہری اگا بی آں تہ گڈا ہمیں سال ملک آپا نوخیں سال ثابت بی ،ہمیں سال آ ہی ملک نوخیں مقصد آنر پھیلو کھنت،نوخیں منزل آنی تکا پُجھی ،نوخیں بلندی تکا پُجھی۔
منی عزیزیں سنگت ہماں دی بحران بی ھند ائے رسوم بے لوث ھزمت ائے سبق دا،مروشی ھند آ ہماں بھیرا مشکل وخت آ جہان ائے مدد کھُزا آنہی آژ امن او ترقی آپا ھند ائے کردار آ مستحکم کھُزا،جہان آ ہمیں عرصہ آ ھند ائے عالمی براسگی ائے جزبہ آنر دی محسوس کھُزا او آنہی پھجی آ جہان آ ھند ائے طاغت او وتی ود مختاری او سیماں آنی محافظت آپا ھند ائے عزم آر دی دیستا۔لداخ آ ھند ائے سر ڈغار چکا ردیں نیاہ ماکھنغ والا آنر شر ایں جواب داسا ھند آ ،ھند سنگتی آر برقرار ایر کھنغ زانی تہ آں دژمنی کھنغ والا آنر دی نعیلی،مئے دلیر پؤجی آں پھیدھارتھا کہ آں کھدیں دی وتی ماتی ایں ڈغار ائے شان آ نقصان دئے اغ نعیلاں۔منی سنگت مچھیں قوم وتی دلیر پؤجی آنی دلیری آ سلام کھنغاں ہماں کہ لداخ آ شہید بیسغاں آنہانر خراج عقیدت پیش کھنغاں مچھیں ملک آنہاں نی منت وار ایں ۔آنہاں نی کنبہ ائے پھجی آ ہر یک ھندوستانی ہمیں دڑد آ محسوس کھنغیں ۔وتی دلیر بچھ آنی قربانی چکا آنہاں نی کنبہ ناز کھنغیں ،ہماں جزبہ ہماں کہ ملک آپا ایں آں ملک ائے طاغت ایں ۔شوا دیستا کہ ماس پھز ہماں ہاں نی بچھ شہید بیسغئے ساں وتی دوہمی بچھ آنر دی پؤج آ دیم دئے اغ ائے ٹؤک کھنغاں ،بہار ائے شہید کندن ائے پھز ائے لپظ مناں گیر آں آں گشغئے سا کہ من وتی مچھیں چھُکھ آنر ملک ائے محافظت کھنغ آپا دیم دا اے ہر شہید ائے کنبہ ائے ھمت ایں اصل آ ہمیں شہید آنی کنبہ ائے قربانی وشادگی او احترام کھنغ ائے لائیق انت۔مارا زند ائے مقصد آنر پھیلو کھنغی ایں ۔ہر ھندوستانی آر وتی ماتی ایں وطن ائے محافظت آپا یک بھیرئے عزم کھنغی بی ۔ہمیں وٹا ہر ممکن کوشست کھنغ لوٹھی تاکہ سیماں ائے محافظت آپا ملک ائے طاغت گیش بی ،ملک آر گیش آژ گیش قابل کھنغ بیس بی تاکہ ملک مستحکم بی ۔اے دی مئے شہید آنر سچاایں خراج تحسین پیش کھنت ،منا آسام آژ رجنی آ لکھسا کہ رودرات لداخ آ بی اغ والا ایں دپ آنر دیستؤ آنہی آ یک عہد کھُزا کہ آں چھڑوئی آ ملک ائے شئے استعمال کھنت ناچھڑوئی آ مقامی مڑدم آنی آپا آواز کھڑو کھنت بلکہ ہمیں بھیرئے پھیغام ملک ائے کنڈ کنڈ آژ پھیزاغاں،چنتی مڑدم آں منا نمدی لکھسا اے گشغاں کہ آں وتی ملک ائے شئے آنر اہمیت دیاں ۔ہمیں ڈؤل آژ تمل ناڈو ائے مدورائی آژ بستگی ایر کھنغ والا موہن راما مورتی آ لکھسا کہ آں دپاع ائے پٹ آ ھند آر خود کفیل گندغ آپا باڑہ ایں ۔منی سنگت آجوئی آژ سرا مئے ملک دپاع ائے شعبہ آ چنتی ملک آنژ اگا اسا ،مئے ملک آ آرڈیننس ائے چنتی فیکتری اساں ،ہماں وخت چنتی ملک مئے آژ پھدا اساں نی مئے آژ اگا بیسغاں ،آجوئی آ پھدا مارا دپاع ائے شعبہ آ ہماں کہ کوشست کھنغی اساں آں نہ کھزغاں مارا وتی گوستی ایں تجربہ آنژ نپ او کھٹ زیرغی اسا ،مگہ مروشی دپاع ائے شعبہ آ تیکنالوجی ائے پٹ آ ھند مستقل ڈؤل آژ اگا بی اغ ائے کوشست کھنغیں،ھند وتی چکا دارومدار ایر کھنغ ائے دگ چکا جزغیں ۔سنگت ھچھ مشن نعیں ہماں کہ عوامی بہر داری آگو سوب مند نویس بی ،ہمیں خاطرہ مئے ملک ائے وتی چکا دارومدار آپا مئے عزم او تعاون باز ضروری ایں ۔شوا اگر وتی ملک ائے شئے آنر استعمال کھنے ،وتی ملک ائے مڑدم آنی آپا سوت جنے،تہ شوا ملک آ مضبوط کھنغ آپا وتی کار کھنغئے ۔اے دی یک بھیرا ملک ائے ھزمت ایں ،چاھے آں ھچھ دی پیشہ آگو بستگی کھنے ہر شئے آ ھزمت ائے جاگاہ باز ایں ۔ملک ائے گزری آنر دیستؤ ہماں دی کار بی آں ملک ائے ھزمت ایں ۔شوئے ھزمت آگو ملک آر یک بھیرا تقویت ملی او مارا اے دی گیر ایر کھنغی بی کہ مئے ملک ہمیختر کہ مضبوط ایں جہان آ امن ہمیختر ہی مضبوط بی ۔ھند ائے عزم اش انت کہ ھند ائے عزت نفس او ود مختاری ائے محافطت کھنغ ،ھند ائے مقصد ایں کہ وتی چکا باور ایر کھنغ والا ھند ،ھند ائے روایت ایں کہ باور ،سنگتی ھند ائے زند ایں ،براسگی،ما ہمیں ویچار آنگو اگا بی اوں ۔
منی عزیزیں ہم وطن کرونا بحران ائے نیمگا ملک لاک ڈاؤن آژ درا بیسا نی ما ان لاک ائے وخت آ اوں ،ہمیں وخت آ دو شئے آنی چکا گیش دھیان داسی آ رؤغیں منی سنگت لاک ڈاؤن آژ ان لاک ائے وخت مارا گیش احتیاط کھنغ لوٹھی ،شوئے احتیاط شوارا کرونا آژ بھچینی ،سرا اے ٹؤک گیر ایر کھنے کہ اگر شوا ماسک نہ ماکھنغیں ،دو گز ائے دیری ایر نہ کھنے،یا دیگر ضروری احتیاط نہ کھنے تہ گڈا شوا وضہار او دوہمی آنر خطر آ ماکھنے۔خاص ڈؤل آگو لوغ ائے چھکھ او پھیرُنڈ آنر ،ہمیں خاطرہ اے منی درخواست ایں کہ شوا احتیاط کھنے او وتی او دیگر آنی دھیان ایر کھنے۔
منی سنگت اے وخت ملک آ اینگے کے ای شعبہ آنی چکا کار بی غیں ہماں کہ کے ای دہ آنژ جکھسی آ اساں کے ای سال آنژ ہمارا کان کنی ائے شعبہ لاک ڈاؤن آ اسا ،سؤداگری نیلامی ائے منظوری ائے فیصلی آ حالت آنر مٹینتھا ،چھی اے روش پیشا حلا ائے شعبی تاریخی ایں اصلاح کھزی آ شزا ہمیں اصلاح آنگو ہمیں شعبہ آر ہماں کہ سال آنژ لاک ڈاؤن آ بند اسا آنہی آر آجوئی ملسا اشی آژ نہ چھڑوئی آ ھند ود مختار بی بلکہ اے ملک تیکنالوجی ائے پٹ آ دی ترقی کھنت۔اگر شوا وتی کشت کاری ائے شعبہ آر گندے تہ ہمیں شعبہ آ چنتی شئے لاک ڈاؤن آ بند اساں ہمیں شعبہ چکا دی کار بی غیں اشی آژ کسان آنر وتی غلہ آر ھچھ دی ھند آ شوشکغ ائے آجوئی ملسا۔ چنتی دمغ اینگے آں ہموزا ہمیں مچھیں بحران آنی نیمگا تاریخی فیصلہ کھنغ ترقی ائے نوخیں دگ بوژغ ایں،
منی عزیں ہم وطن ہر ماہ ما اینگے حبر اش کھنوں ہماں کہ مارا جزباتی کھنت اشی آژمارا کل بی تھانگا ہر ھندوستانی دیگر ائے مدد کھنغ آپا تیار ایں،آں ہماں دی کھز کھنت آں کھنغیں ۔ارونا چل پردیش ائے یک اینگے قصو منا میڈیا ائے زریعہ آگو معلوم بیسا ایزا ضلع سیانگ ائے میدیم دمغ آ یک انوکھاایں کار کھزا ہماں کہ مچھیں ھند آپا یک مثال بیسا ،درا رہغ والا ہمیں گاؤں ائے چنتی مڑدم نوکری کھناں گاؤں والا آں دیستا کہ کرونا ناجوڑی ائے وجہ آژ آں وتی دمغ آ گڑتھؤ پھیزاغئے ساں اینگے حالت آ گاؤں والا آں سرا آژ ہی گاؤں آژ درا چھیاردہ عارضی جھُگی ٹھائینتھؤ آنہاں ایر کھنغ ائے انتظام کھزغئے سا آنہاں یک پھجی آ ملسؤ ہمیں جھُگی آنی اندرا گزری ائے شئے آنی انتظام کھزیش،ہمائی آ بجلی،پاخانو او دیگر شئے اوار آں ۔صاف ایں کہ ہمیں گوآں والا آنی کوشست اوبیداری آ ہر کھسے ائے دھیان وتی وٹا کھُزا۔منی سنگت مئے ایزا گوشتی آ رؤ کہ کافور آس اندرا دی وتی وش ایں بو گور نہ کھنت ہمیں بھیرا شر ایں مڑدم وتی جوانائی او وتی عادت آنر مشکل آنی نیمگا نعیلاں ۔مروشی مئے ملک ائے مزور طاغت دی آنہی زینگ مثال ایں شوا دیستا کہ ہمیں روش آں مئے درا آژ آتکغیں مزور آںی چنتی قصو آں ہماں کہ مچھیں ملک آر متاثر کھنغاں ۔اتر پردیش آ باران بانکی دمغ آ گڑدغ والا ایں مزور آں دریا گلیانی چکا کار بنا کھزا دریا ائے کار دیستؤ آسو پاسو ائے کسان او مڑدم آنی اندرا دی جوش پیدا بیسا ،گاؤں آ آئیغ آ پھدا کوارنتائین آ رہغ والا مئے مزور سنگت آں وتی حالت آنر مٹینغ آپا صلاحیت آنر ہماں بھیرا استعمال کھزا آں حیران کھنوخ ایں ۔مگہ سنگت چھیختر ہی اینگے قصو ملک ائے چنتی دمغ آنی آں ہماں کہ مئے تکا نہ پُجھاں منی سنگت آنی بھیرا ہمینگا کہ مئے ملک ائے حالت ایں شوئے گاآں ائے پھجی پھجی آ ،شوئے آسو پاسو آ دی اینگے دپ بی آں اگر اینگے ھچھ دی دپ استیں تہ شوار لازمی ڈؤل چکا منا پوہ کھنائینغ لوٹھی۔بحران ائے ہمیں وخت آ ہمیں ڈؤل ائے قصو دوہمی آنی چکا اثر ماکھناں ۔
منی عزیزیں ہم وطن کورونا ناجوڑی آ باور آگو مئے زند آ مٹینتھا ،من لندن آژ چھاپسی ایں یک باز دلچسپ مضمون وانینتھا ہمائی آ لکھسی آ شزا کہ کرونا ائے وخت آ آسیا او امریکہ آ دی ادرک،ھلدی او دیگر مصالحہ آنی استعمال گیش بیسا ۔مچھیں جہان ائے دھیان اے وخت وتی استثنی یا ایمیونیتی آ گیش کھنغ ائے وٹا ایں او ایمیونیتی آ گیش کھنغ ائے شئے مئے ملک اندرا آںمارا جہان ائے مڑدم آنر اشاں نی اہمیت او نپ او کھٹ آژ پوہ کھنائینغ لوٹھی ۔تاکہ آں آسانی آگو پوہ بی آں او ما یک درا او جوڑ جہان آپا وتی کردار ادا کھز کھنوں ۔منی عزیزیں ہم وطن اگر کورونا ائے ڈؤل ائے بحران دیما نویس تہ مارا زند چھے ایں ،زند پھرچھے انت،زند تھانگے انت،مارا اے کل نویس۔مڑدم آ منا اے دی ڈسسا کہ تھانگا لاک ڈاؤن ائے نیمگا آنہاں وشی ائے کسنیں کسنیں لمحہ آنر محسوس کھزا ہمینگا کہ چنتی مڑدم آں منا روائیتی لیو او مچھیں کنبہ ائے گون لیو کھنغ ائے تجربہ دیم داسغاں ،منی سنگت مئے ملک اندرا رسمی لئو آنی مزنیں ورثہ ایں ہمینگا کہ پاسیسی اے لیو تمل ناڈو آ پلنگولی ،کرناٹک آ الی گلی ،او آندھرا پردیش آ ویمن گنٹلو ائے نام آژ لیو کھزی آ رؤ،اے حکمت عملی ائے یک لیو ایں ہمائی آ یک بورڈ استعمال بی اشی آ چنتی نالی آں ہمائی آ لیوڑی آنر گولی یا بِج ائے استعمال کھنغی بی گوشتی آ رؤ کہ اے لیو بُرز ھند ائے برز رودرات آسیا او گڈا مچھیں جہان آ آتکا،منی سنگت مروشی ہر یک چھکھ سانپ ،سیڑھی لیو آنی بارو آ پوہ ایں مگی چھے شوا زانے کہ یک ھند ائے رسمی ایں لیو ائے دیم ایں ہمائی آ موکھش پٹام یا پیریدیم گشاں مئے ایزا یک دیگر رسمی ایں لیو انت گوٹا ،اشی آ کوہ آنگو لیو کھزی آ رؤ چھُکھ پنچ کسنیں کوہ آنگو لیو کھناں ہمائی آ یک کوہ آ گواس آ بال دیائینتھؤ دیگر کوہ آ زڑتھی آ رؤ عامین ڈؤل چکا ایزا ندرا لیو کھنغ والا لیو آنی آپا مزنیں شئے آنی گزری نوی ۔چاک او کوہ آنگو لکیر چھکسی آ رؤ او گڈا لیو تسر بی رؤ۔لیو آنی اندرا ہماں شئے ائے گزری بی آں کسنیں کوہ آگو دی بی۔منی سنگت منا کل ایں کہ ہماں وخت ما آنہی بارو آ ٹؤک کھنغاں تہ چھیختر مڑدم آنر وتی کسنی ائے روش گیر آتکغاں او چھیختر مڑدم آنر وتی کسنی ائے روش گیر آں ،من گُشاں کہ شوا ہماں روش آنر پھرچھے شمشتھغئے شوار ہماں لیو پھرچھے شمشتھگاں ،لوغ ائے ڈاڈا او نانا آنژ منی گزارش ایں کہ اگر شوا مروشی ائے نسل آ ہمیں بارو آ پوہ نہ کھنائینے تہ کھئے کھنائینی ۔ہماں وخت آن لائین پڑھیائی ائے ٹؤک آتکا تہ توازن او براوری آپا مارا اے کار کھنغ لوٹھی،ایزا یک نوخیں موقع ایں او مئے بنگیج آپا یک مضبوط موقع ایں ایزا تکا کہ مئے ورنا نسل آپا ۔بیائے ھند ائے رسمی ایں لیو آنر یک نوخیں دیم آ پیش کھنوں ۔کار کھنغ والا مڑدم ،سپلائی کھنغ والا،اسٹارٹ اپ باز مشہور بی آں او مارا اے گیر ایر کھنغی بی کہ مئے ھند ائے لیو دی مقامی آں او مارا سرا ہی مقامی مڑدم آنی آپا آواز کھڑو کھنغ ائے عہد کھُزا او منی چھکھ آنی بھیرئے سنگت ،ہر لوغ ائے چھُکھ ایزا تکا کہ وتی کسنیں سنگت آنگو مروشی من یک خاصیں درخواست کھناں ،منی چھکھ چھے شوا منی درخواست آر منے ،گندے من شوئے آژ گزارش کھناں کہ من ہماں دی گشاں آنہی چکا عمل کھنے یک کار کھنے ہماں وخت شوئے آگو چھی اے وخت بی تہ وتی ماس پھز آژ پھول کھنے ،موبائیل زیرے او وتی نانا یا ڈاڈا یا لوغ ائے ھچھ دی بزرگ بی آنہی گو ٹؤک کھنے او ریکارڈ کھنے وتی فون آ ریکارڈ کھنے ہمینگا کہ شوا تیلیویژن چکا دیستا ،چھے شوا حوال کانر آگو انترویو نہ کھنے ،شوا آنہاں نی پھجی آ چھے کھنے؟من شوار مشورہ دیاں ۔شوا آنہانژ پھول کھنے کہ کسنی آ آنہاں نی زند تھانگے اسا ،آنہاں نی لیو تھانگے اساں ،ہماں وخت ھند تھانگے اسا ،آنہاں نی لوغ تھانگے اسا ،ہموزا ائے کیمپس تھانگے اسا،مڑدم آنی طریقہ تھانگے اساں،مچھیں شئے آسانی آگو شوا سکھے او شوار کل بی کہ یک انمول خزانہ یک شر ایں ویدیو البم ائے صورت آ شوار ملسا۔
منی سنگت اے راست ایں کہ تاریخ ائے سچائی ائے نزیخ روغ آپا سوانح حیات تکا روغ یک شر ایں طریقہ ایں شوا دی وتی بزرگ آنگو ٹؤک کھنے تہ شوار آنہاں نی وخت،آنہاں نی کسنی ائے او ورنائی ائے زند ائے بارو آ زانتکاری بی ،اے یک شر ایں موقع ایں کہ بزرگ وتی کسنی ائے بارو آ وتی لوغ ائے چھکھ آنر دی دسساں،سنگت ملک ائے یک مزنیں بہر اندرا مون سون آتکؤ شزا ہمیں دھکا موسمی زانتکار آنر امیت ایں کہ مون سون شر ایں بی اگر ھؤر شر ایں بھیرا بیسا تہ مئے کسان آنی کشت کاری دی شر ایں ڈؤل آگوبی او ماحول دی سر سوز بی ،ہمیختر کہ مڑدم آنر ھزائی وسیلہ آنی چکا دارومدار بی ھؤر ائے وخت آ ہمیں وسیلہ گیش بی آں ،مگہ اے ریفلنگ ہماں وخت بیس بی ہماں وخت ما اشی آ وتی ماتی ایں ڈگار ائے مدد کھنوں وتی زمہ واری پھیلو کھنوں ،مئے یک کسنیں کوشست فطترت ،او موحول آ وشتر کھنت۔مئے چنتی شہری اشی آپا باز کار کھنغاں ۔کامی گوڈا،مندوالی کرناٹک آ یک ہشتاد او پنچ سال کہنیں ایں ،کامگوڑا یک عامیں کسان ایں آنہی آ یک اینگے کار کھزا کہ ہمائی آژ کھسے آر دی حیرانی بی آنہی آ وتی دمغ آ نوخیں تالاب ٹھائینتھغاں آں وتی دمغ آ آف ائے کمی ائے مسلہ آ حل کھنغ آپا باڑہ ایں،شوا حیران بی اے کہ ہشتاد او پنچ سال آنی کامی گوڑا آ وتی محنت آگو شانزد تالاب آنی کھدائی کھُزا،بیس بی کہ ہمیں تالاب آنر ہماں ہاں کہ آنہی آ ٹھائینتھا آں گیش مزن نیاں مگہ آنہی کوشست باز مزن آں مراشی ہمیں تالاب آنژ مچھیں دمغ آ یک نوخیں زند ملسا۔منی سنگت گجرات آ وڈوڈا دی آنہی یک مثال ایں ایزا ضلع سرکار او مقامی مڑدم آ ملسؤ یک مہم جزینتھا ،ہمیں مہم ائے وجہ آژ وڈوڈا ائے یک ہزار اسکول آنی اندرا مروشی آژ ھؤر ائے آف آ بھچینغ ائے عمل بنا بیسا یک اٹکل ائے روگا آنہی وجہ آژ ہر سال یک لکھ ملین لیٹر آف آ گندگی آژ بھچینتھی آ رؤغیں ،منی سنگت فطرت ائے محافظت آپا ھؤر آ ماحولیات ائے محافظت آپا مارا دی چھی اے اینگے ویچار او گام گیج کھنغ لوٹھاں ،منا باور ایں کہ شوا ہمیں کھنے او ہمیں کھنغ ائے نیمگا اے دی دماغ آ ایر کھنغی بی کہ ھؤر آنی موسم آ چنتی ناجوڑی دی بی آں کرونا ناجوڑی ائے وخت آ مارا دیگر ناجوڑی آنژ دی بھچغی بی،آیور ویدک درمان ،گرم آف ائے استعمال کھنغے درا اوجوڑ بی اے۔
منی عزیزیں ہم وطن مروشی بیست او ہشت جون آ ھند وتی یک پیسر ائے سروزیر آ خراج عقیدت پیش کھنغیؤں ہمائی آ یک نازک وخت آ ملک ائے سروکی کھزا،مروشی مئے سروزیر واجہ وی پی نرسمہا راؤ ائے پیدا بی اغ ائے سد سالہ روش ایں ہماں وخت ما واجہ نرسمہا راؤ ائے بارو آ ٹؤک کھنوں تہ یک عزیم سیاستزانتکار ائے ڈؤل آگو آنہی عکس مئے دیما کھائے مگہ اے دی راست ایں کہ آں چنتی زوان پوہ اسا آں ھند ائے تجربہ کار سروک آنژ یک اسا واجہ نرسمہا راؤ آ کسنی ائے عمر آ آجوئی ائے تحریک آ اوار بیسغئے سا۔ہماں وخت حیدر آباد آ وندے ماترم گُشغ ائے اجازت آژ انکار کھزغئے سا تہ آنہی ائے حلاپ تحریک آ دی آنہی آ باز بہر گتغئے سا ہماں وخت آں ہبدھ سال آنی اسا ۔منی عزیزیں ہم وطن ہمیں دھکا من کی بات آ چنتی ٹک آنی چکا ٹؤک کھُزا اگی ایں من کی بات پروگرام آ ہماں وخت ما ملوں تہ چھی اے دیگر نوخیں ٹک آنی چکا داس گپت کھزی آ رؤ شوا وتی پھیغام ۔وتی ویچار منا دیم بدئے،ما ملسؤ اگا بی اوں او آئیغ والا ایں روش آ گیش مثبت بی اوں ،ہمینگا کہ منا مروشی ائے من کی بات ائے بنگیج آ گوشتغئے سا کہ ما وا ہی ہمیں سال آ وشتر کار کھنوں یعنی ۲۰۲۰ آ ما اگا بی اوں او ملک دی نوخیں بلندی تکا رؤ،منا باور ایں کہ ہمیں دھ آ ۲۰۲۰ ھند آپا یک نوخیں دگ ثابت بی ،ہمیں باور آگو شوار دی اگا بی اغ لوٹھی ،درا او مثبت رہغ لوٹھی ہمیں لوٹھغ آنگو شوئے باز باز شکریہ ،ہیلو۔