موضوع: وبا ائے زمانہ آ دی جاگاھی امن آپا چین ائے غیر ذمہ واریں نمونہ

اے ویلا مچھیں جہان یکھ عالمی وبا ائے رزغ اندریں۔بازیں ملک کووڈ ۱۹ آگو متا ثر آں او لکھیں مڑدم اشی ائے رزغ اندرا آتکؤ شزغاں او اسپتل آین اندرا آہانی علاج جزغئیں۔ مچھیں جہان اشی ائے علاج پھولغ اندرا مان آتکی ایں او شیشن ائے تیاری بابت آ ہیلا بیغاں لیکن حاضرہ ھمیں بیماری ائے علاج دستا نیاتکا۔کرونا وائرس آ جہان ائے ہر روش ائے کار بار آنر بدل کھزؤ اشتا۔لاک ڈاؤن سبب مچھیں جہان ائے معیشت یکھ آں بین بیسغیں صورت حال آر دیم کھن غیں۔ہر ملک وزی وزی معیشت آر سنبھالغ آپا ہچھ نہ ہچھ دگ کھشغ ائے کوشش اندرا مان آتکی ایں۔ھمیں کشوخین بیماری ھماہی ائے علاج دنے وخت آ دستا نیاتکا،چین ائے شہر ووہان آژ درکھتاووہان آژ درکھتا۔ھمیں بابت آ چین پلو آ جدا جدائیں بہر موڑدگان کھڑو کھن غاں۔ اینگیں گمان دی پھیدارتھی آ رؤغان کہ ھمیں حذائی کنڈ آژ دیم داسغیں بیماری نئیں بلکہ مڑدمی دست آنی کار ایں۔او ھمیں بارو آ شک او گمان آنی شیشن چین پلو آ چھر غئیں۔ آنہی سرا الزام ایں کہ آنہی آ ھمیں بابت آ اصلیت آر لکینتھا۔خاص طور سرا ھموزا کرونا وائرس آگو بیئغ والائیں موت آنی بارو آ گلط این پیرا داسغان۔امریکی صدر ڈونلڈ ترمپ آ ھمیں بیماری آپا گھڑی گھڑی چین سرا الزام جھزا۔نی سجلا روشاں آنہانی یکھ پیرا دیما آتکا ہماہی اندرا آں ہاں گوشتا کہ کرونا وائرس چین وٹاژ جہان آپا یکھ ردین سوکھڑی این۔دیگر بازیں سروک آنر دی گمان ایں کہ بی موی ھمیں وائرس چین ائے ہچھ لیبارتری آژ درکھتا۔حضرہ ھمیں بارو آ ہچھی گوشت شز نوی۔ بیس بی کہ ھمیں وائرس رندا چین ائے دست ایں یا گڈا اے دی بیس بی کہ اے چھڑوئی آ گمان باں۔چین او پاکستان نیاما سنگتی ائے سیالداری آں او چین پاکستان اقتصادی راہداری سبب آ ہردوں نانی نیاما باز پکوئیں سیالداری آں لیکن گوادر پورت بابت آ آنہی ائے کار بار آیژ پاکستان اندرا باز وزت ایں او بازیں مڑدم ھمیں بابت آ مخالفت کھن غاں۔حیر ھمیں توک آش چھم چھرینتھو،اے ویلا چینی سروک کرونا بابت آ شک او گمان آنی رزغ اندراں۔ اشی آژ علاوہ دی آں دیگر محاذ آنی سرا دی ڈکھیائیں صورت آر دیم کھن غئیں۔