موضوع : افغانستان اندرا دگشتگردی،حون ریزی اور پھڈا آںپا طالبان او داعش ذمہ وار

   افغھانستان اندرا رندی ایں چھل سال آنژ دی گیش مدت آژ حون ریزی ،دھشتگردی او انتشار ائے ماحول ایں۔ ۱۹۷۹ اندرا رندی ایں سوویت یونین آ افغانستان سرا حملہ کھزؤ ہموزا وزی لوٹھغ ائے سرکار قائم کھز غئے سا۔ اے ویلا امریکہ او سوویت یونین نیاما ساڑتھیں مڑائی جزغئے سا۔ ھمیں واسطہ امریکہ آر سویتت یونین ائے ھمیں کاروائی پسند نیاتکا او آنہی آ ماسکو ائے خلاف مجاحدین آنی حمایت کھنغ شروع کھزا۔نیٹھاں ۱۹۸۹ اندرا سوویت یونین آر افغھانستان آژ درھکوغی بیسا۔اوزا پاکستان ۱۹۹۵ ائے دہائی اندرا طالبان تیار کھن غئے سا۔آنہار ہر واجھیں تربیت دغئے سا۔ تاکہ آں اندری ایں چھک تانڑ او حون ریزی ائے فائدہ زڑتھؤ کابل سرا قوضہ کھز کھناں او بیسا دی ھمینگا۔سال ۱۹۹۶ اندرا ھمیں مڑاکا ٹلہ آ افغا نستان اندرا واگ داری سنبھلتھؤ چھڑوئی آ نام آپا اسلامی سرکار جو ڑ کھنغ ائے دعوی کھزا۔ اے اینگیں وخت آ ھماں ساعت  آ
افغانستان اندرا مڑدمی حق او حرمت ائے ہچھ اہمیت نیا زائی فا آنر خاص طور سرا وئیل داسی آ شز ساں او آنہار لوغ آنی اندرا واڑسؤ ایر کھزی آ شز سا۔ ملک اندرا طالبان سرکار جوڑ کھنغ اندرا امریکہ او پاکستان ائے فوج او آنہی ائے مخفی ایجنسی آنی پھیلوئیں دست آ۔طالبان سرکار جوڑ تہ بیسؤ شزا لیکن آنہی آر پاکستان پھجی آ چھڑوئی آ سئے ملک آن ہی تسلیم کھز غئے سا۔
 ایزا ھمیں ٹوک گشغ ائے لائخ ایں کہ سعویت یونین ائے خلاف چھڑوئی آ نام آپا مجاحدین آنی مزاحمت ختم بیغ آژ رندا بازیں مڑاکا بے گزران بیسؤ شز غئے ساں لہزا پاکستان آ آنہاژ بازیں مڑدم آنر پاڑیچی ملک آنی اندرا دہشتگردی آپا استعمال کھزا۔ دھشت گرد تنظیم القاعدہ ائے ٹھکاڑوں دی افغانستان بیسؤ شز غئے سا ھماہی سرا  ۹ نومبر ائے حملہ ائے الزام ایں۔ھمیں حملہ آنژ رندا امریکہ آ افگانستان اندرا مڑائی شروع کھزا۔ ھمیں مڑائی اندرا گندغا پاکستان آ امریکہ آر بھڑائی داسا لیکن مسک رندا آں القاعدہ پھجی آ جکھزی ائے سا۔ھمیں مڑائی ائے نام سرا اسلام آباد آ امرہکہ سرکار آژ مزائیں زر ائے بھڑائی حاصل کھزا گڈا دی ھمیں ٹوک لکز نویسا او امریکہ آر محسوس بیسا کہ پاکستان دہشتگردی ائے نام سرا آنہی آژ مزائیں بھھڑائی حصل کھن غئیں۔ افگانستان ائے نزیخ ۲۰ فیصد بہر اے ویلا طالبان آنی قوضہ اندرا ایں آں ہار ھماں ھند ائے نندوخ آنی حمایت دی حاصل ایں پرچے کہ آن پوہ بان کہ کابل سرکار بد عنوان این۔خیالا دارے کہ طالبان آن واگداری زمانہ آ بازین دہشتگرد گروپ آنر ملک اندرا پناہ داسؤ ایر کھز غئے سا او ھمان گروپ آنژ الواعدہ یکھ آ ھماہی ائے سروک اسامہ بن لادن آ  ۔