سرگال: بین الاکوامین مالیاتین فنڈ نوکین لوٹگ شہ پاکستانا۔
شہ نوکین حالانی دیما بین الاکوامین مالیاتین فنڈ شہ پاکستانا لوٹتگیت کہ آی وتی گیردیمرئین خرچانا اوشتارینیت و شہ آوان دیمگیریکنت۔ شہ کووڈ - ۱۹ وجا پاکستانئ معیشیت بری وھدہ شہ بدین حالئ گئوزگا انت پہ امیشا آی ایم ایف پہ پاکستانا گشتگیت کہ بہآیوکین سالا بجٹ بنیادین ٹپانی مجموعین پیداورانا بہ منفی ۰ اعشاریہ ۴ فیصدا برسینیت و بری بھرا معاشین اصلاحات تسر کنگابیت۔ ھمی انون بنیادین ٹپ ۲ اعشاریہ ۹ فیصدا انت و بہ آیوکین بجٹا ایشی را کم کرتہ بہ منفی ۰ اعشاریہ ۴ فیصدا برسینیت۔
ھمی وڑا گیردیمرئین خرچانی لگاما گیت۔ بری بھرا بین الاکوامین مالیاتین فنڈ پہ پاکستانا گشتگیت کہ آی نہ تانکا سرکارینکارکنوکانی تنخانا بوشتارینیت بلکہ دپائین خرچانا ھم بوشتارینیت۔ بین الاکوامین مالیاتین فنڈ بری وھدہ پہ پاکستان بہ سَکین وھدہ ۶ارب ڈالر وام دیگئ فیصلہ کرتیت کہ ھیچ کجام عالمین ادارہ پہ اسلام آباد وامئ دیگا تیار نہ ات۔ درا انت وھدہ کہ معیشیت ای وڑا بیتدیگہ ھیچ کجام پہ وامئ دیگا تیار نہ انت۔ شہ پاکستانئ سرکارین حالانی دیما ای وامئ قسط وھدہ بہ دست آورت کہ آیوکین بجٹپاکستانئ و بین الاکوامین مالیاتین فنڈ شرطانا چمئ چیرا باید گیت۔ اگہ ای وڑا مہ بیت دیگہ ۴۵۰ ملیون ڈالر سومین قسط کہ شہ کووڈ۱۹ وایرس تھنک بیگئ وجا اوشتاتگیت پہ پاکستان بہ دست آرگی سَک بیت۔
یاتئ وڑ انت کہ شہ کرونا وایرس تھنک بیگا رندا پاکستانئ معیشیت شہ باز بدین حالتئ گئوزیت و ای حالتا دیستہ، آی ایم ایف وامااوشتارینتگیت و بین الاکوامین مالیاتین فنڈ دیوانا کہ بہ آی و پاکستانئ نیاما بہ اسلام آباد بہ تکنیکین کچانہ بوتیت و ای تنظیم ایھبرئ سرا سَک بوتیت کہ پاکستان باید انت سَکین پالسی دیما گیت و اگہ بہ آیوکین بجٹا بنیادین ٹپانی کچانہ ۲ اعشاریہ ۹ فیصد بیتو بہ ۰ اعشاریہ ۴ فیصدا مہ رسیت رندا آ بہ وامئ جالئ تھا کپیت و در بیگی آی سَک بیت۔
نون سوج ایش انت کہ پاکستانئ معاشین حال اینکس خراب پہ چہ بوت۔ سرئ وزیر عمران خان گشتگیت کہ مُلکئ معیشیت اینکسخراب ھیچ وھدہ نہ بوتگیت کہ نون استیت۔ شہ گئوستگین حکومت نواز شریف آ گشتگیت کہ شہ آی پہ آوان ۱۲۵۰ ارب روپی مالین ٹپرستگیت و بہ نواز شریفی واکدارئ وھدہ فسات باز بوتہ۔
یکئ کہ نواز شریف پہ واما در کپتگیت بہ دیگہ مُلکان و شہ دیگہ نیمگئ ڈنا شہ مُلکا گون استمانئ زران جعلین کمپنی پاچ کرتگیت کہبہ آوانی تھا سدر پوٹن روسیہ و شی جینپنگ چینئ سدرانی نام ھم استیت۔ بہ نواز شریفئ حلاپا کومین احتسابئ بیورو کاروائی بوتگیتو بہ جیلا پرینتگ بوتہ و نون پاکستان درآمدئ ھم نہ داریت و ۳۰ ارب ڈالر وام سرئ ھم است۔ دیگہ بین الاکوامین مالیاتین فنڈ گشتگیتکہ اگہ جی-۲۰ مُلک وتی کارکنوکانی تنخا کم کرتگ کننت پہ چہ پاکستان مہ کنت، مگہ پاکستانئ حکام شنت کہ ایش ممکن نہ انت۔پاکستان اگہ ای ایم ایف ھبرا منیت و تنخانا کم کنت و بوشتارینیت و دپائین خرچانی سرا پابندی جنگ، رندا گون پوج و مھلوک خشمادیم پہ دیم بیت و اگہ ای وڑا مہ کنت دیگہ گون عالمین ادارہ وامئ دیگا بند کپیت۔
نون گیندنت کہ پاکستان شہ ای حالتا چون وترا در کنت۔
Comments
Post a Comment