آسرگال پاکستان ائے قومي احتساب بيورو
پاکستان اندرا قومي احتساب بيورو ائے نام آژ يکھ ادارہ اين ھماں سياست دان بيورو کريٹس او واپاري آني چھکا جھزي ايں
کرپشن ائے الزام اش کھنت او فيصلہ کھنت ليکن ھمشي طرہ امتياز ھمش ايں کہ ھمشي زير سماعت آئغ والا ايں معاملہ لافا ملزم آر ھماں وخت تکا مجرم ہي من زي آ رو ھماں وخت تکا کہ آں بے ڈوہي ثابت نہ کھنت کھلي جبکہ عام ايں قانون اندرا
ملزم ھماں وخت تکا بے ڈوہي من زي آ رو ھماں وخت تکا کہ آں مجرم ثابت نوي رو ھميں نظٓام انصاف آر قائم کھنغ ائے
سعادت پاکستاني فوج آر حاصل رہسا قومي احتساب بيورو ني تکا بعض ايں اپوزيشن سياست دان آني زندگاني او کئيرر تباہ کھزو اشتا ليکن ني ظلم ائے ٹوک ھمش ايں کہ ھموزا ہچھ سياسي پارٹي اپوزيشن اندرا بي تہ نيب چھکا وڑ وڑ ائے الزام جنتھ او ھمشي آر انتقامي کاروائي ائے زريعہ منيليکن ھموزا اقتدار لافا کھائے روتہ چھئيے اينگے رويہ پدھر کہ ھمانگا جزغيں جزغ ديتھ او ھماں سياسي پارٹي آژ کھم ايں ديري چھکا جھکزي ايں پاکستاني فوج ھميں تماشہ گندي او ہوشياري آژ
قومي احتساب بيورو آر سياسي پارٹي آني غضب آژ بھچغ آگو ھماں سمت لوٹھي موڑسو باڑتھ
نزيخ ايں روش آني لافا قومي احتساب بيورو ائے معاملہ چيف جسٹس آف پاکستان ائے ويچار بنا آختا جسٹس گلزار احمد
ھمشي موجودہ ايں صورت حال دي سو تڑستھو شزغاں عدالت آ ھميں فکر پدھر کھزا کہ کھل اين ملک لافا احتساب ائے
کل گيست او پھنچ عدالت آں او اش آني لافا آژ پھنچ عدالت اينگے ناں ھموزا جج نياں جبکہ يکھ ہزار گيست او شش معاملہ التوا لافا کھپتي آں
بہر حال نزيخ ايں سال آني لافا حکومت آني آپا احتساب بيورو يکھ نوخيں سغر درد بي آنا روغيں پھچے کہ احتساب بيورو
صوبائي حکومت آني بدعنواني آر آسر کھنغ ائے محکمہ اندرا مداخلت کھنغيں صوبہ آني سنئير اين بيورو کريٹس آني خلاف اينگے الزام آني پٹ پھول کھنغ ائے سلسلہ چالو کھزا ھمشي آژ سرکاري خزانہ آر نقصان زيرغي بي غيں ھمشي وجہ آژ سنيئر ايں افسر پريشان آں او آں ہچھ کار آردست لافا گرغ آژ پھاريز کھنان آں ہچھ مزن اين فيصلہ چھکا دستخط
کھنغ آپا محکمہ آني وزير آني ہدايت ائے باوجود تيار نوي آں پھچے کہ آں ہار تڑس بي کہ آں شک ائے دائرہ لافا کھايان روان
Comments
Post a Comment