سرگال:کراچی اسٹاک ایکسچینج چکھا ارش بدگوشی ائے لائیق مگہ ھند چکا پاکستان ائے انگل کھڑو کھنغ یک ردین عمل

کراچی پاکستان ائے سجوں آنژ مزن ایں شہر ہی نعں بلکہ ہموزا ائے اقتصادی بُنجہ دی ایں ۔ہموزا ائے اسٹاک اکسچین چکا دو شمبھے آ بلوچ لیبریشن آرمی ائے مجید برگیڈ ائے ہماں کہ اُرش بیسا آں بد گوشی ائے لائیق انت او ھند آ آنہی ائے باز بد گوشی کھُزا ۔حبر آنی روگا چھیار مسلح جتائی لوٹھوک توپق بردار آں پاکستان ائے اسٹاک ایکسچینج چکا یُرش کھُزا ہمائی آ چھیار مڑدم مڑتھغاں او چنتی ٹھپی دی بیسغاں ،مگہ محافظتی پؤج آ ہما چھیاریں یُرش کھنوخ آنر دی کُشتا ۔باز حبر آنی روگا مرغ والا آنی کچھ یازد اسا ہمائی آ چھیار یُرش کھنوخ دی اوار اساں۔یُرش کھنغ والا ایں ٹلہ آ آنہی زمہ واری دی گِتا ۔پولیس ائے روگا یُرش کھنوخوتی گون رائیفلز ،دستی بم او ترکوخیں مادہ آگو اسٹاک ایکسچینج ائے گیٹ ائے نزیخ آتکغاں ۔آنہانژ دو پارکنگ والا ایں علاقہ آ داخل بیسغاں آنہاں دستی بم چھغل داسغاں او باز تیر گواری بنا کھزیش مگہ آں محافظتی ایں پؤج ائے دست آنژ کُشتی آ شزغاں۔چھی اے مڑدم آنی زند زیاں بیسا مگہ اطمینان دؤخ ٹؤک اش انت کہ یُرش کھنوخ گیش بربادی کھنغ آ سوب مند نویسغاں ۔ھند آ ہمیں وڑ ائے ھلگر ائے باز بد گوشوشی کھنت چاھے آں ھچھ دی ملک اندرا بی ہمیں وجہ ایں کہ ھند آ پاکستان اسٹاک ایکسچینج چکا بی اغ والا ایں ہمیں ھلگر ائے باز بد گوشی کھزا۔چند سال پیشا پشاور ائے آرمی پبلک اسکول چکا ھلگر بیسغئے سا او ہمائی آ ہماں اسکول ائے چُکھ آنی پھجی آ نزیخ یک سد او پنجہ مڑدم مڑتھغئے ساِں،ہماں وخت دی ھند آ ہماں بزدلی ائے کاروائی آر بربریت آگو پھُر دپ منسغئے سا۔سیاسی مڑائی سیاسی ایں ڈؤل چکا مڑغ لوٹھی وتی مطالبہ آنی پھیلو کھنائینغ آپا تشدد ائے دگ چکا جزغ آر ھچھ دی بھیرا جائیز منغ نویس بی ۔پاکستان چکا ہماں وخت دی کھدیں اینگے ھلگر بیسا آں ھچھ ویچار کھنغ آ بغیر آنہی ڈوہی ھند آر منی ہمیں خاطرہ اسٹاک ایکسیچینج چکا یُرش آ پھدا پاکستان ائے ڈن ائے وزیر محمود شاہ قریشی آ یک دم ہمیں پیرا داسا کہ اینگے اشارہ ملسغاں کہ ہمائی آژ اٹکل بی کہ ہمیں ھلگر ائے پھدا سلیپر سیلس ائے دست رہسا آنہی آ اے دی گوشتا کہ ھند لوٹھی کہ پاکستان آ جھیڑوئی حالت بی او ہر وٹا لا اینڈ آرڈر ائے مسلہ نیاہ کھائے ،اینگے بے بُنشت الزام ہماں ہاں نی کہ نہ سغر ایں نہ پھاز اینگے دروغی الزام جھنغ آ پاکستان سرا آژ پیش پیش رہسا مگہ مروشی تکا آنہی آ ھچھ دی الزام آپا ھچھ دی شواہد پیش کھنغ آپا ناسوب رہسا۔وا پاکستان ائے میڈیا دی ہموزا ائے سرکار چکا چگھ کھنغیں کہ اگر سرکار آگو ھچھ ثبوت او شواھد استیں تہ آں پیش پھرچھے نہ کھنت؟