سرگال ھند چين سيماں چھکا فوجي آني گڑدغ
ھند چين سيمائي معاملہ چھکا چين او ھند ائے خاص ايں نمائندغ آني نياما دو گھنٹہ ائے ٹوک توارائے پھزا دھر آں اصل ايں
کنٹرول لائن آژ وزي وزي فوجي آني پھزا ھٹغ ائے اعلان کھزو اشتا ھميں اعلان آژ لداخ لافا ھند او چين ائے نياما پھنچ مئي
آژ جززي ايں کشيدگي آر کھم ايں کھنغ لافا بعض مدد ملسا
قومي سلامتي ائے مشير اجيت ڈوبھال او چين ائے ڈن ائے وزير آر علاقائي تنازعہ او ھڑدوئيں ملک آني نياما سيکورٹي آژ بستي ايں معاملہ آر حل کھنغ ائے زمہ واري داسي آ شزغيسا ھڑدوئيں ناني نياما ٹوک توار ائے پھزا طے بي سا کہ سيماں ائے مغربي سيکٹر لافا ھڑدوئيں ملک آني فوج تکھائي آژ پھزا ھٹاں رواں ھميں اعلان ائے پھزا اميد ايں کہ سيماں چھکا ني
امن برحال بي رواعلان لافا ھميں دي گوشتي آ شزا کہ ھڑدوئيں ملک آر اصل ايں کنٹرول لائن ائے پابندي او احترام کھنغ چائيے بيٹھک ائے پھزا خبر آختا کہ فوجي آن۵ گڑدغ ائے عمل چالو بي سو شزا ھميں خبر آر اش کھنغ ائے پھزا مڑدم آں وشي پدھر کھزا ني ھمانگا کہ فوجي آني پھزا ھٹغ ائے فيصلہ بي سو شزا ھند آر فوجي آني گڑدغ ائے عمل چھکا بعض نھيا اير کھنغ ائے لوٹھغ ايں
سرے وزير نريندر مودي آ سئے جولائي آر لداخ ائے دورہ کھزا ھمشي نياما آں ھي آ مسلح ايں فوج آر پھيلو ايں حمايت ائے باور ديائيتھا ھميشي پھزا ھڑدوئيں ملک آني خاص ايں نمائندغ آني نياما ٹوک توار بي سا او فوجي آني پھزا ھٹغ ائے فيصلہ گت۵ آ شزا اينگا مان کھائے کہ سرے وزير ائے لداخ دورہ او مسلح فوج آر حکومت ائے حمايت او باور کھنائيغ
آ بيجينگ آر سخت ايں پيغام داسيغسا
ھڑدوئيں ملک آني نياما سيمائي معاملہ حل کھنغ آپا بور برحالي ائے گام کھزغاں سيمائي معاملہ چھکا ايشيا ائے دو مزن ايں ملک آني نياما صلح پيدا بيغ يکھ وش کھنوخ ايں ٹوک اين گڈا چين ائے ڈن ائے وزارت آ خاص ايں نمائندغ آني نياما
بيٹھک ائے بارو لافا ھماں بيان داسا ھمشي آژ بيجنگ ائے ترجيحات ائے ائے سدھ کھوي بيان لافا ھميں دي گوشتي آ شزا کہ چين سيماں چھکا امن او امان آپا کوشش کھنانا کھائےچين آ ھميں مشورہ دي داسا کہ رائے عامہ آر راست ايں سمت ديغ ائے دي لوتھگ ايں تاکہ ھڑدوئيں ملک آني نياما اختلاف آر نھياہ آژ اينگو کھزي آ برو
ھميں واسطہ چين ائے شرط او گوستي روش آني ھمشي حرکت او فوجي تياري آني پيش نھياہ آئندہ ھفتہ آني لافا ھند آر بعض ھوشيار رھغ ائے لوٹھغ ايں
Comments
Post a Comment