سرگال: بہ اوگانستانا تہ اگست ۲۰ تاریخا دو فرقہ انی نیاما گپ و ھبرئ بناہ بیگئ امکان۔

بہ اوگانستانا شہ دیر پائ انت کہ جنگ رادگ انت و پہ ختم کنگئ اثرئ بہ چما نہ کائیت مگہ چی واقعہ انت کہ بری جنگ جتگین مُلکاپہ امن و امانا راہ آوار بوتگیت۔

بری بھرا پہ راستین وڑئ نون چیزئ گشتگ نہ کننت مگہ انچوش کہ درا انت بہ آمریکہ و طالبانئ نمایندگانی نیاما دور و تچکین گپ وترانئ گئوستگیت و وتی جال و برزئ مُچین راھانا شوتگیت و تفاھمئ وڑا الاس بوتگیت، شہ ایشی اوگانستانئ مسئلہ حل بوتگ کنت، مگہباز مزنئن حلقہ بہ ایشی باور نہ دارنت۔ بہ اصلا ای معاملہ ھم انکس اسان نہ انت۔ لھتین حلقہ زاننت و ایشی سرپھد کنگئ کوشستااستنت کہ رندا شہ گپ و ترانا تفاھمئ کہ بوتگیت بہ یک اھمین مرحلہ نیمگا روگئ اشارہ دنت مگہ دومی مرحلہ کہ انت خاسین وڑئ بازسَک انت و ای وڑا تصور بیت کہ گپ و تران کہ بہ طالب و آمریکہ نمایندگانی نیاما دیما شوتگیت و تفاھم بوتگیت مزنئن وجی ایش انتکہ صدر ترامپ شہ اوگانستانا وت پوجیانا ھر چی زودتر بارت، پہ چہ کہ بہ نومبرئ ماہ آمریکہ تھا گیچئن کاری بناہ بیت و باید انتدیم شہ آی ای کار تسر بیت۔ سدر ترامپ بری گیچئن کاریا بہ وتی کٹا شہ ایشی کار گرگا انت۔ آی مزنئن دلچسپئ وڑئ ھبر ایش انتکہ وتی پوجیانا ھر چی زوتر برگردینیت۔ مگہ بہ اوگانستانئ تھا بہ طالب و حکومتئ نیاما مسئلہ چون بیت؟ بہ اوگانستانا حکومت کہکار کنگا انت شہ طالبانی رپتارا درا بیت کہ آوان اشرف غنی حکومتا نہ لوٹنت مگہ حکومت شہ وتئ نیمگا وتی کوشستا کنت۔ ھما کہ بہحکومت و طالبانی نیاما گپ و تران بوتیت و تفاھما رستنت دگہ بہ وتی دومی مرحلہ رسیت۔ اشرف غنی ھر وار جنگبندئ لوٹگا داشتگیتمگہ تاناکا یک نیمگئ بوتگ نہ کنت۔ شہ طالبانی نیمگا منفین رپتار بہ دیما آتگیت پہ امیشا گیشترین حلقہ ای وڑا پکر کننت کہ شہطالبانی نیمگا برابیرین رپتارئ امیت نہ روت و طالبئ کہ بہ اوگانستانا حکومتئ حراستا اتنت گیشترکیش ایلہ داتگ بوتگنت و بہ چارصد طالبئ بھرا کہ باز گندگ و خطرناکین مڑوک اتنت لویہ جرگہ اشرف غنی لوٹت۔ لویہ جرگہ جہ آ ھندا باز برزین اسامبلی انت و شہمُچین اوگانستانا ۳۰۰۰ نمایندگ بہ آی کوت گپتنت۔ ای دیوانئ مکسد ایش انت کہ شرین راھئ بہ دیما گرنت تا کہ گپ و ترانئ راھکجام سَکی ودی مہ بیت۔ شہ آمریکہ نیمگا اشرف غنی حکومتئ سرا سَکین ڈبہ بوتتیت کہ آ ھم کجام تفاھمئ کننت۔ آمریکہ ڈنئ کارانیوزیر و طالبانی دیپتی لیدر ملا برادر نیاما ویدیو کنفرانسنگ دیوان بوتیت و یک حالئ پہ ھندوستان، ڈنئ کارانی گوشوک انوراگشریواستاو گشتیت کہ بہ سرئ وزیر نریندر مودی و جمھورین سدر اشرف غنی نیاما بہ اگست ۳ تلیفونین وڑئ گپ و ھبر بوتگیت وھندیی سفیر دو قیادتئ رابط بوتگیت۔ آی گشتیت کہ ڈنئ کارانی وزیر اس جئ شنکر گون وتی ھم منصب پمپئو گپ و تران کرتگیت وھمی وڑا وتی پکرانی بدل کنگا بوتگنت کہ ھند اوگانستانئ حکومتئ مواقفئ نیمہ دار انت۔

بہ ھر حال رازئ کہ وھدہ داتگ بوتتیت۔ اوگانستانئ چارصد خطرناکین طالب ایلہ داتگ بوتنت و گپ و تران دیگہ بناہ بیگی انت۔ و اشارہانت اگست ۲۰ تاریخا گیند و نیند شاید بیت۔ بہ اوگانستانئ تھا شہ گپ و ترانا چی اثرئ بہ دیما کئیت و اگہ طالب بہ بنیادمین حکانیبھرا شرین رویہ گرنت بلکہ وضعیت جوان بیت۔ اوگانستانئ استمان امنئ لوٹوک انت و ایشی احساسا دو نیمگ باید انت کننت۔