سرگال ھند او متحدہ عرب امارات ائے نياما ودھوخ ايں اسٹرٹيجک سيالداري
ھند او متحدہ عرب امارات ائے امن او وشحالي آپا يکھ ويژن ايں او سرے وزير نريندر مودي او ولي عہد شہزادہ محمد بن
زيد الہنہيان ائے سروکي لافا ہڑدوئيں ملک آني سوداگري زر کاري دفاع سيکورٹي تعليم ثقافت او سائنس او تکنالوجي ائے شعبہ آني لافا دو وٹ ائے تعاون آر ودھينغ آپا بعض زر کاري کھزا دھر آں آپسي کميشن بيٹھک ڈوليں دو وٹ ائے ميکانزم
ائے زريعہ وزي سيالداري آر اسٹرٹيجک بہرداري تکا برغ ائے بعض کوشش کھزا
نزيخ اين روش آني لافا سوداگري معاشي او تکنيکي تعاون ائے بارو لافا ھند متحدہ عرب امارات آپسي کميشن ائے بيٹھک
ائے سيزد مي ورچول اجلاس بي سا ہمشي صدارت ہند ائے ڈن ائے وزير ايس جے شنکر او متحدہ عرب امارات ائے آں ہي ہم عہدہ آ آپسي ڈول چھکا کھزا کوڈ ائے وبا ائے وجہ آژ آپسي کميشن ائے سري ايں دھکا ورچول بيٹھک بي سا
بيٹھک لافا ہڑدوئيں ملک آں وزي وزي ويچار پدھر کھنغ ائے جزبہ پدھر کھزا تاکہ دو وٹ ائے تعاون ودھي
ہڑدوئين ملک کرونا وائرس ڈول ايں وبا ائے مقابلہ کھنغ آپا يا ہند بي سو کار کھنغاں
اپريل لافا ہند آ کوڈ ائے دوروخ آني علاج آپا ہائڈرو کسي کلوروکوين ائے پھنچ اعشاريہ پھنچ ملين گولي متحدہ عرب امارات ديم داسيغساں ہمشي پھزا مئي لافا ہند آ چھيار گيست او چھيار نرس رائي کھزغاں تاکہ آں متحدہ عرب امارات ائے
اسپتال آني نگہداشت والا ايں يونٹ آني لافا دوروخ آني حزمت کھناں دوہمي وٹ آ متحدہ عرب امارات ائے وٹ آژ ہپت ميٹرک ٹن ائے ميڈيکل سپلائي ہند آر ملسغاں
سرے وزير نريندر مودياو ولي عہد پھجي آ ہڑدوئيں ملک آني رہنماں آں يکھ دوہمي آژ ٹيلي فون چھکا ٹوک توار کھزو کرونا وائرس ائے وبا آژ مقابلہ کھنغ آپا کھزي آ روغ والا ايں کاروائي آني چھکا ويچار آني داس گپت کھزا
آں ہي آ ہميں بارو لافا ہڑدوئيں ملک آني نياما تعاون آر ودھينغ ائے بارو لافا ٹوک توار کھزا
متحدہ عرب امارات ہند ائے جہان لافا سئے مي کھل آژ مزن ايں سودا گرايں بہردار ايں او ايزا آژ ہند لافا بعج زرکاري بي
ہميں ڈول آژ مروشي ہڑدوئيں ملک آني نياما بعض ايں شعبہ آني لافا تعاون جزغيں
Comments
Post a Comment