سرگال:ھند او بنگلہ دیش ائے نیمگا مضبوط بیسغیں سیال داری

ڈن ائے سیکریتری ہرش وردھن شرنگلا نی ایں روش آں بنگلہ دیش ائے دوروشہ آنی دورہ چکا اسا ۔آں وتی گون سروزیر شیخ حسینہ آپا سروزیر نریندر مودی اے پھیغام آگو شُزا ۔بالی پٹ چکا واجہ شرنگلا ائے استقبال آپا شیخ حسینہ وا شُزا،کووڈ نوزدہ ناجوڑی آ پھدا آژ واجہ شرنگلا اولی ایں ڈن ائے ملکی مزمان اسا ہمائی ائے سروزیر شیخ حسینہ آ بالی پٹ چکا استقبال کھُزا۔آنہی آژسرا کرونا وائیرس ائے وجہ آژ ہڑ دوکین ملک آنی نیمگا داس گپت ورچوئیل ڈؤل آگو بی غئے سا ۔ہمیں اصلیت آر دیستؤ کہ کووڈ نوزدہ ائے وجہ آژ بُرز آسیا ائے ملک آنی معیشت ائے حال شر ایں نعیں ،شرنگلا ائے ہمیں دؤرہ باز اہمیت ایر کھنت ۔ھند ائے ڈن ائے سیکریتری آ بنگلہ دیش ائے ڈن ائے وزیر اے کے عبدالمومن ،ڈن ائے کار آنی وزیر مملکت شہر یار عالم او ڈن ائے سیکریتری مسعودبن مومن آگو دی بیٹھک کھُزا۔سر وزیر شیخ حسینہ او ھند ائے ڈن ائے سیکریتری ائے نیمگا یک گھنٹہ ائے بیٹھک ائے نیمگا ہڑ دوکین ملک آں نی ایں بستگی ائے نیٹ ورک آ پدوارغ شروع کھنغ ائے طریقہ آنی چکا داس گپت کھُزا۔اشی پھجی آ کووڈ نوزدہ ائے شیشن آ ٹھائینغ آپا دوایں ملک آنی نیمگا تعاون چکا دی داس گپت بیسا ۔ہڑ دوکین ملک آنر کووڈ نوزدہ آژ پیدا بیسغیں معاشی چیلنج دیما آں ۔ہمیں خاطرہ دوایں ملک آں ہمیں ٹؤک چکا دی داس گپت کھُزا کہ وبا ائے آسر بی اغ آ پھدا تھانگے حکمت عملی تیار کھُزی آ برؤ،ہمائی آژ کہ ہمیں چیلنج آنی مقابلہ کھنغ بیس بی۔ھند آ مشترکہ مشاورتی کونسل ائے دی تجویز پیش کھُزا ۔اے کونسل ڈن ائے وزیر آنی سطح ائے غیں ہماں کہ بنگلہ دیش آ ھند ائے مدد آگو جزغ والا ایں پروجیکٹ آنی نگرانی کھنت،ھند آ ہڑ دوکین ملک آنی نیمگا یک ائیر ببل قائیم کھنغ ائے دی تجویز پیش کھزا تاکہ صنعت کار او سرکاری اپسر آنی دؤرہ آنر آسان کھنغ بیس بی ہمیں آساقی آژ ھند آ علاج آپا آئیغ والا آنر دی باز آسانی بی ھند آ کرونا وائیرس ائے ھند ائے شیشن ائے ترائیل بنگلہ دیش آ کھنائینغ ائے گمان چکا دی داس گپت کھُزا ۔بنگلہ دیش ائے ڈن ائے وزیر آ وتی ویچار پدھر کھزؤ گوشتا کہ بنگلہ دیش ائے ھند ائے پھجی آ سیال داری نہ چھڑوئی آ تاریخی ایں بلکہ کوہ ائے بھیرا مضبوط او حونی سیال داری دؤل ائے غیں ۔