ہاکستان بہ کوشستا پہ بستگئ گھتر کنگا گون سعودین عربستان۔

پاکستانئ ڈنئ کاران وزیر، شاہ محمود قریشی بہ جوشا کہ کپتت، سعودین عربستانا تھدید کرت کہ اگہ اسلامین تنظیم کنفرانس بہ کشمیرئ باروا سوجئ بال میاریت دیگہ آ مجبور بنت کہ بہ پاکستانئ سرئ وزیر عمران خانی سیائگا شہ مسلمانین مُلکان دیگہ جیتائین کنفرانسئ جور کنگا بنت کہ بری بھرا گام زورنت۔
ایش حکیکت انت کہ سعودین عرب و پاکستان روایتین وڑئ دوست و سنگت انت و سعودین عرب ھر وھدہ کہ پاکستان بہ مصیبتئ تھا کپتگیت، دستئ گپتگیت و ھر ممکنین مددا گون آی کرتگیت۔
وھدہ کہ عمران خان بہ واکا رستیت، ایشا احساس کرت کہ پاکستان سَکین اکتسادین بحران تھا انت و گیرمُلکانی وام دیگہ یک مزنئن مسئلہ جور بوتگیت و سرئ دیگہ گام گرگان یک خاسین سفرئ شہ سعودین عرب کرتیت بری دورہ کنگا بہ برزین کچانہ یک مزنئن وامئ گرگا ھم سوبین بوت و وامئ دیئ شرایدط ھم جوان اتیت و بیدئ ایشی بہ تیلئ بھرا دگہ معاملہ کہ بہ آی پورہ ئن وڑئ نرمئ دیگئ جاگہ جتنت۔ درا انت جائ کہ بستگی اینکس جوان بیت، دیگہ رندا ای ھبرا ھم باید انت شمئ چیرا داشتگ بنت کہ دیگرانی ھم لھتین کٹ انت کہ آ مُلکئ بستگی گون سومی مُلکا ھم شہ وت بستگی دارنت۔ و دیگہ ای وڑئ مواقف نہ باید کسئ بیت کہ پہ دوستین مُلکا منگئ وڑ مہ بیت۔ مگہ بہ بین الاکوامین بستگئ بھرا تہ جائ کہ بہ ھندوستانئ بھرا سوجئ گیت شہ دوستین مُلکا ایشی امیتا کرتگ کننت۔ بہر حال پاکستانئ مواقفئ نیمہ داریا کننت۔ پاکستانئ اصلین غصہ پہ ای ھبرا اتیت کہ بہ گئوستگین سالئ اگست ماہ بہ کشمیر بہ انتظامین بھران لھتین بدل بیگ ات کہ ایش ھندوستانئ گیسویین یک معاملہ استیت۔
مگہ پاکستان بری امیتا اتیت کہ بہ آی دلا اسلامین تنظیمئ کنفرانسا پہ یک نانگمانین دیوانئ بلوٹنت و بہ آی بہ ھندوستانئ پالسئ بدگشیا کرتہ و آی حلاپا زانت و ایشا منگا بنت مگہ ای وڑا نہ بوتیت، بہ وتی عالما شاہ محمود قریشی آ وھدہ یک ای وڑئ ھبرئ دات کہ سعودین عربستانا شہ آی وش نیات۔ سعودین عرب و یا دیگہ مُلکئ پاکستانئ دوست و یا اتحادی بوتگ کنت مگہ ای وڑا نہ انت کہ وتی ھر فیصلہ بہ آی طب دلا گیت۔
بہ کشمیریی بھرا پاکستانئ ای مواقف بہ کنفرانسا گون سردیا دیم پہ دیم بوت، شاہ محمود قریشی درد شہ ایشی اتیت کہ اگہ بہ اسلامین تنظیم "او آی سی" پلیٹ فارما مواقفئ نیمہ دارئ منگا نہ داشتیت، مگہ مُچین اسلامین مُلک بری تنظیما یکجا یک کارئ کرتگ کرتنت۔
رندا بہ ایشی تشویشا ات کہ ایش یک مزنئن سَکئ جور بوتگ کنت کہ سعودین عربئ ناوشنودئ وج بیت و رندا پاکستان زوتئ پہ ای ناوشنودئ دور کنگا یک ھیتئ بہ ریاض دیم دنت یا کہ سرئ وزیر بروت و شہ آوانی دلا در کنت۔ ایشی قیاص غلط نہ ات۔ پاکستانئ آرمئ چیف ل، جنرال قمر جاوید باجوا، شہ خلیجئ مُلکان دورہ کنگا بوتیت و درا انت کہ اول سرا مکسدیی سعودین عرب ات تہ کہ پلبستگی پھدا جوان بیت، ما رندا ولیعھد محمد بن سلمان پہ آی گیند و نندا وخت نہ دات۔ دیگہ باجوا آی کسانین براسا ۳۴ سالگین دیپتی دپاع وزیر شیخ خالد بن سلمان و سعودین عربئ جنرال استافئ سربراھانی میجر جنرال قیاص الرویلی گیند و نیند کرتیت و بہ آوانی دیما پہ ای ھبرا وتی افسوسا درا کرت کہ ڈنئ کارانی وزیرئ ھبر بہ عربستانئ دلا تعلی آورتگیت و عربستان سعودی اینکس ناراض بوتہ تہ جائ کہ وتی واما پھدا لوٹیت۔
تیلئ سپلائی آ ھم اوشتارینت و جنرال باجوا یک تجویزئ دیما کرت کہ بہ ترکیہ بہ کشمیرئ مسئلہ بھرا دیوانئ بوت مگہ تہ انون درا نہ بوتہ کہ آیا عربستان سعودی کہ بہ آی نیاما گون ترکیہ وضعیت خراب و پہ آی ای ھبر منگئ وڑ استیت کہ پاکستان کوشست کنگا انت نوکین مسلمانین بلاکئ گون ترکیہ و ایران و مالزی جور کنت۔
ھال رسینوک گشتگنت کہ اگہ پاکستان عربستانئ جزبگا مہ زانت، دیگہ گوادرئ پوڑتئ منصوبہ کہ سرئ مزنئن زرئ خرچ بیت۔ ممکن انت ای را رد کنت و پاکستان بیدئ ای کارا دیگہ راھئ نہ داریت و ھمی وڑا پاکستان نون اسرائیلی موجودیتا منگا نہ انت و عمران خانی ھبر ایش انت، تہ وھدہ کہ فلسطینئ مسئلہ حل مہ بیت۔
بہ اصلا پاکستانئ ڈنئ پالسی گیشترکی شہ بین الاکوامین بستگئ بدل بیگانی احساسا جیئگی انت و ھر چیزا شہ ھند و پاکستانئ جیڑوانی چما گیندیت۔