سرگال پاک حکومت آژ گيش طاغتور پاک فوج

جمہوري نظام ہماں ملک آني اندرا سوب مند نويس بي ہموزا فوج حکومت آژ گيش طاغت ور بي پاکستان لافا دي فوج شروع

آژ ہي حکومت آژ گيش طاغت ور رہسا ہميں واسطہ ہموزا جموريت وختے آ اگا شز نويسا جموريت پسند ايں مڑدم پاکستان

لافا جموريت ائے برحالي آپا تحريک جزاينا آختغاں يکھ آژ گيش دھکا گچين کاري بيسغاں جموري طريقہ آژ حکومت گچين بيسغاں جمہوريت پسند ايں مڑدم آني لافا ہميں اميد کھڑو بيسا کہ پاکستان لافا جمہوريت برحال بي رو مگر اينگا نوي سا

قيام پاکستان ائے شروعاتي روش آژ ہي ہمين ٹوک نہياہ آ آختغيسا کہ ہمشيي فوجي سربراہ گيش طاغت ور آں

حکومت او فوج لافا رسہ کشي رہي وخت ائے گزغ آژ ہميں ٹوک مڑدم آںي نہياہ آژ اينگو نہ رہسا کہ پاکستان لافا ہچھ سياسي

جماعت اگر حکومت سازي لافا سوب مند بي روتہ پدھري آژ آں حکمران جماعت رہي اصل اندرا حکومت فوج ائے ہي رہي

ہميں واسطہ ہميں ٹوک گوشتي آ روانا آختغاں کہ پاکستان آژ دھشت گردي آسر کھنغ لافا سوب مندي گچين حکومت ائے لوٹھغ آژ نہ ملي دھشت گردي ہماں وخت آسر بي ہموزا پاک فوج لوٹھي مگر سوال ہم اش کہفوج اينگا پھچے لوٹھي

ہميں سوال ائے جواب نہ پھولسي آ شز بي سا

چنانچہ پاکستان آژ دھشت گردي ائے خاتمہ دي نويس بي سا اينگے صورت لافا ہميں ٹوک نہ منغ ائے قابل بي رو کہ سرے وزير عمران خان ائے دھشت گردي مخالف ايں مڑائي لافا پرخلوص بيغ او پاکستان ائے اقتصاديات آر جوان کھنغ آپا جہدوجہد ائے ٹوک کھنغ آژ چھے بي

پاکستان ائے اقصاديات ہماں وخت تکا جوان نويس بي پاکستان دري ايں زر کار آر ہماں وخت تکا متوجہ نہ کھز کھنت

ہماں وخت تکا ہموزا آژ دھشت گردي ائے خاتمہ نوي او اينگا ہماں وخت تکا نوي ہماں وخت تکا فوج گچين حکومت آژ

گيش طاغت ور رہي

پاکستان ائے گچين سروک ہميں پھيدارنا آختغاں کہ آں طاغت ور آں ليکن وخت آ ہميں ثابت کھزا کہ پاکستان لافا اصل ايں طاغت فوج ائے گرا ايں ہمشي آژ گيش ہچھ سروک ائے طاغت ور بيغ آسان نوي

مرحومہ عاصمہ جہانگير راست گشت کہ ہموزا جرنيل آني کرپشن آني جانچ بي تہ سراختي ايں مڑدم فرشتہ نہياہ آ کھاياں