سرگال:دپاع ائے سامان ائے ٹھائینغ آپا وتی سرا دارومدار

سروزیر زریندر مودی آ ویدیو کانفرنس آگو ڈیفینس مینوفیکچرنگ آ آتم نر بھر بھارت،ائے موضوع چکا یک سیمینار آگو گشتانگ کھُزا ۔ہمیں ورچوئیل سیمینار ائے اہتمام مشترکہ ڈؤل چکا سوسائیٹی آف انڈین ڈیفینس مینوفیکچررس ،فیدریشن آف انڈین چیمبرس آف کامرس اینڈ انڈسٹری او دپاع ائے وزارت آ کھُزا۔دپاع ائے سامان ائے تیاری آپا وتی چکا دارومدار ایر کھنغ آپا سروزیر آ زور داسؤ گوشتا کہ مئے مقصددپاع ائے سامان ائے تیاری آ گیش کھنغ او نوخیں تیکنالوجی آ ترقی دئے اغ ایں ۔آنہی پھجی پھجی آ دپاع ائے شعبہ آ جند ائے کمپنی آنر خاصیں کردار دئے اغ دی ایں ۔دپاع ائے وزیر راج ناتھ سنگھ او آن آنہی ٹیم ائے وشادگی کھزؤ سروزیر آ گوشتا کہ آنہی آر باور ایں کہ دپاع ائے سامان ائے تیاری آپا وتی چکا دارومدار ایر کھنغ گیش بی ۔واجہ مودی آ گوشتا کہ ہماں وخت ملک آجو بیسغئے سا تہ ہماں وخت آنہی آگو دپاع ائے سامان ائے تیاری آپا باز صلاحیت اسا مگہ دُکھ ائے ٹؤک اش انت کہ کے ای دھ تکا ہماں وٹا دھیان نہ داسی آ شزا مگہ نی حالت بدل بی غاں او دپاع ائے شعبہ آ اصلاح آپا کوشست کھزی آ رؤغاں ۔آنہی آ ہمیں بارو آ کھزی ایں چنتی گام گیج آنی زکر کھُزا ۔سروزیر آ گوشتا کہ ھند آر وتی چکا دارومدار او جدید کھنغ آپا دپاع ائے شعبہ آ باور ائے ماحول پیدا کھنغ ضروری ایں ۔چیف آف ڈیفینس ائے عہدہ چکا کھسے ائے تقرر کھنغ ائے بارو آ فیصلہ دھ آنژ ماتل کھپتی آ اسا۔ہمیں بھیرا چنتی اینگے تقرری ائے مسلہ اساں ہماں ہاں نی بارو آ فیصلہ نہ گتی آ شزغئے سا ۔مگہ نی التوا آ کھپتی ایں مچھیں مسلہ آنی چکا فیصلہ گتی آ شزغاں ۔چیف آف ڈیفینس اسٹاف ائے تقری آگو سئے اوں پؤج آنی نیمگا وشتر بستگی پیدا بیسا۔اشی پھجی آ دپاع ائے سامان ائے تیاری دی آسان بیسا۔آنہی آ ہمیں ٹؤک ائے دی جار جھزا کہ نی دپاع ائے شعبہ آ ۷۴ پیصد تک ائے ایف ڈی آئ ائے اجازت داسی آ شزا ہمائی آژ ہمیں اٹکل بیسا کہ نوخیں ھند آ چھیختر وتی چکا باور ایں ۔سر وزیر آ گوشتا کہ نی اندری ایں ملک تیار کھزی ایں یک سد او یک پؤجی سامان پؤج آپا گتی آ رؤ ہمائی آژ دپاع ائے شعبہ ائے لوغی ایں صنعت ائے حوصلہ گیش بی۔سروزیر آ گوشتا کہ دپاع ائے سامان ائے تیاری او ایکسپورٹ ائے ترقی پالیسی ائے خاکہ ائے بارو آ ملغ والا ایں مشورہ آنژ ہمیں پالیسی آ تکھائی آ لاگو کھنغ آ مدد بی۔