سرگال اہانت دين دارغ ائے قانون يا لاقانونيت ودھنيغ ائے يکھ وسيلہ

اہانت دين قانون ہچھ نوخيں قانون نئيں ہميں ہچھ نہ ہچھ ديم اندرا بعض ايں ملک آني لافا مان ايں او دين ائے شان لافا گستاخي کھنغ والا آر سزا دي داسي آ رو وا برصيغر اندرا يکھ قانون نوزد سز گيست او ہپت لافا مان بيسغيسا ليکن پاکستان اندرا جنرل ضيعاالحق ائے دور اقتدار لافا ہمشي لافا بدل کھزو اختر سخت کھزي آ شزا کہ ہمشي سزا موت دي بيس بي

ليکن ٹوک ايزا آسر نوي رو يکھ بعض ڈکھ دعوخ ايں ٹوک ہميں بي سا کہ ہميں قانون ائے تئيں مڑدم آر اختر جزباتي کھزي آ شزا کہ مڑدم قانون ائے پاسداري کھنغ ہي شمشتو شزغاں نتيجہ ہميں درکھپتا کہ ہميں قانون ائے غلط ايں استمعال ہميں مزن

ايں پيمانہ چھکا بيسا کہ کھسے چھکا ہميں الزام جنغ ہي بعض پوح بي سي آ شزا کہ فلاں مڑدم آ اسلام ائے شان لافا گستاخي

کھزا کھسے چھکا ہميں الزام مان آختا کہ ہمشي آ قران مجيد ائے بے حرمتي کھزاہمشي پنوں شوشتغاں يا پيغمبر اسلام ائے خلاف گستاخانہ جملہ ادا کھزغاں

چھڑوئين الزام يا افواہ ائے بنياد چھکا ماحول اندرا اختر اشتعال پيدا بي رو يا اشتعال پيدا کھزي آ رو کہ مڑدم وا ہي ملزم

آر سزا ديغ آپا تيار بي آں روان او ہموزا ہندے آ موقع ملي ہمشي آر کشاں کھلاں شايد ہميں ڈول چھکا وزار يکھ سچوئيں

مسلمان ثابت کھنغ لوٹھان يا گڈا کھسے آر کشغ آر کار ثواب پوح بي آں قانون ائے ہچھ پرواہ نہ کھناں ہميں دي شمشاں رواں کہ ملزم ائے خلاف مقدمہ قائم کھزي آ شزا او ني ہميں کار عدالت ائے غيں کہ آں گواہي اوثبوت ائے روشنائ لافا

ہمشي آر سزا ائے مستحق مني يا الي بلي عدالت ائے فيصلہ آر ہيل بيغ آر اشتو آں ملزم آر کشغ ائے موقع پھولاں

چھئيے روش پيشا پاکستان ائے صوبہ خيبر پختون خواہ ائے دارلخلافہ پشاورائے يکھ عدالت ائے منظر گندے گيست او نو جولائي آر يکھ عدالت اندرا ايڈيشنل سيشن جج ائے اگا يکھ ملزم طاہر احمد نعيم آر عدالت ائے کمرہ آڑتھي آ رو

او گوشتي آ رو کہ احمديہ فرقہ آژ تعلق اير کھنت دو سال پيشا ہمشي آر اہانت دين قانون ائے روگا گرفتار کھزي آ شزغيسا

او آں يکھ جيل اندرا بند آ دا کرا کمرہ عدالت لافا ہچھ کاروائي چالو دي نويس بيسغيسا کہ يکھ مڑدم ہمشي آر کشي کھلي

او ملزم ہموزا مري رو کشوخ ائے خلاف مقدمہ درج کھزي آ رو آں گرفتار کھزي آ رو ممکن ايں کشوک آر عدالت آژ سزا دي ملي ليکن سماجي صورتحال اندرا ہچھ بدل ائے آثار نہياہ آ نہ کھاياں