سرگال پاکستان آژ جوائيں سيالداري قائم کھنغ ائے بنگہ ديش ائے شرط
نوزد سز سئے گيست او يازد تکا بنگلہ ديش پاکستان ائے بہر آ ليکن نوزد سئے گيست او دھ ائے عام ايں گچين کاري ائے پھزا ہموزا شيخ مجيب الرحمان ائے پارٹي عوامي ليگ آ قومي اسمبلي آپاکھل آژ گيش سيٹ کھٹزغاں تہ آں ہار اقتدار ديغ آر اشتو يحي خان ائے فوجي حکومت آ شيخ مجيب الرحمان آر غدار منزو آں ہار جيل اندرا بند کھزي آ شزااو مشرقي پاکستان لافا آرمي کريک ڈائون ائے زريعہ ہون ريزي ائے سلسلہ چالو کھزو اشتا آں تاريخ ائے بعض ردين روش آ
عوامي ليگ ائے دعوي ائے روگا کم او بيش سي لاکھ مڑدم فوج ائے ظلم ائے شکار بيسغيساں ليکن اختر تہ طے ايں کہ لاکھ ايں بنگالي مڑدم کشتي آ شزغيساں
بہر حال فوجي کاروائي ائے پھزا مشرقي پاکستان اندرا ہماں زہر ائے ماحول پيدا بي سا آں پاکستان ائے دو لخت بيغ ائے وجہ بي سا او يکھ نوخيں ملک بنگلہ ديش ائے نام آژ وجود اندرا آختاپاکستان آ دي چھئے روش پھزا ہي بنگلہ ديش آر يکھ
آزاد ايں ملک ائے ڈول چھکا منزو اشتا ليکن ہڑدوئيں ملک آني سيالداري وختے آ جوان نہ رہسغاں يکھ آزاد ايں ملک ائے ڈول چھکا بنگلہ ديش وزي يکھ جوائيں ساکھ ٹھائينغيں او نزيخ ايں سال آني لافا ہمشي آ معاشي محاز چھکا بعض جوائيں
کارکردگي پدھر کھزا ہمشي معيشت ترقي ائے دگ طے کھنغيں نزيخ ايں روش آني لافا بنگلہ ديش ائے سرے وزير شيخ حسينہ واجد او پاکستان ائے سرے وزير واجہ عمران خان ائے نياما ٹيلي فون چھکا ٹوک توار بي سا پدھر ايں سرے وزير آني سطح چھکا بيغ والا ايں ٹوک توار ائے نتيجہ لافا چھئيے قياس آرائي دي بي آن او بعض ايں ملک آني لافا سياسي سطح چھکا نيز ميڈيا لافا دي وڑ وڑ ائے ٹوک بي آن او بعج ايں ڈول ائے سوال دي زڑتھي آ روان
بنگلہ ديش ائے ڈن ائے وزير آ وز۵ دوہمي گاوانڈي ملک آژ سيالداري تھاں بھير ائے غيں روشنائي ماکھزاہموزا ہمشي آژ پھول کھزي آ شزا کہ چھے نزيخ اين ہند چين کشيدگي ائے پس منظرلافا ہڑدوئين ملک آني تعلق آژ آں ہي چھے ويچار ايں
تہ آں ہي آ گوشتا کہ بنگلہ ديش ائے وزي ہماں ہڑدوئيں گاوانڈي آژ جوائيں سيالداري آں اشي روگا ہڑدوئيں گاوانڈي آںي دل بنگلہ ديش آپا مزن آں
آں ہي روگا جہاني وبا کرونا وائرس ائے ہميں زوانہ لافا دي بنگلہ ديش آر آں آژ حمايت ملغيںني ہند آ بنگلہ ديش آر دھ لوکومو ٹيوريلوے انجن بطور تحفہ داسغاں
ہند او بنگلہ ديش ائے آپسي سيالداري چھکا روشنائي ما کھنغ آگوبنگلہ ديش ائے ڈن ائے وزير آ گوشتا کہ ہميں سيالداري
تاريخي بھير ائے غاں ہند بنگلہ ديش سيالداري آئندہ دي ہميں ڈول آ جزآنا کھاياں
Comments
Post a Comment